10 Pea ko Siutasi ʻIsikaliote, ko e taha ʻi he toko Hongofulu-mā-uá, naʻá ne ʻalu atu ki he houʻeiki taulaʻeikí koeʻuhi ke lavakiʻi ia kiate kinautolu.+ 11 ʻI heʻenau fanongo ki aí, naʻa nau fiefia pea nau palōmesi ange ʻe ʻoange kiate ia ha paʻanga siliva.+ Ko ia naʻá ne kamata kumi ha faingamālie ke lavakiʻi ai ia.

3 Naʻe hū leva ʻa Sētane ʻia Siutasi, ʻa e tokotaha naʻe ui ko ʻIsikalioté, ʻa ia naʻe kau ʻi he toko Hongofulu-mā-uá,+ 4 pea naʻá ne ʻalu atu ʻo talanoa mo e houʻeiki taulaʻeikí pea mo e kau kapiteni ʻo e temipalé ʻo fekauʻaki mo e founga ke lavakiʻi ai ia kiate kinautolú.+ 5 Naʻa nau fiefia ʻi he meʻá ni pea nau felotoi ke ʻoange kiate ia ha paʻanga siliva.+ 6 Ko ia naʻá ne loto ki ai pea naʻe kamata ke ne lama ha foʻi faingamālie lelei ke lavakiʻi ai ia kiate kinautolu ʻi he ʻikai ʻi ai ha fuʻu kakaí.