10 Ko ia naʻá ne ui ʻa ʻene kau ākonga ʻe toko 12 ʻo ne tuku kiate kinautolu ʻa e mafai ke nau kapusi ʻa e ngaahi laumālie ʻulí,+ pea ke fakamoʻui ʻa e ngaahi mahaki kotoa pē mo e faingataʻaʻia kotoa pē.

9 Pea naʻá ne ui fakataha mai ʻa e toko Hongofulu-mā-uá pea ʻoange kiate kinautolu ʻa e mālohi mo e mafai ki he fanga tēmenioó kotoa+ pea ke fakamoʻui ʻa e ngaahi alangamahakí.+ 2 Pea naʻá ne fekauʻi atu kinautolu ke nau malangaʻi ʻa e Puleʻanga ʻo e ʻOtuá mo fakamoʻui mahaki, 3 peá ne pehē kiate kinautolu: “ʻOua naʻa ʻave ha meʻa ʻi he fonongá, ha tokotoko pe ha kato ʻoho pe ha mā pe ha paʻanga;* pe naʻa mo ha kofu ʻe ua.*+ 4 Kae ʻilonga ha feituʻu te mou hū ai ʻi ha ʻapi, nofo ai pea toki mavahe mei ai.+ 5 Pea ʻilonga ha feituʻu ʻe ʻikai tali ai kimoutolu ʻe he kakaí, ʻi hoʻomou hū ki tuʻa mei he kolo ko iá, tūtuuʻi ʻa e efú mei homou vaʻé ko ha fakamoʻoni ia kiate kinautolu.”+ 6 Ko ia ʻi heʻenau kamatá, naʻa nau fakatotofu ʻa e feituʻú mei he kolo ki he kolo, ʻo fanongonongo ʻa e ongoongo leleí mo faifakamoʻui ʻi he feituʻu kotoa pē.+