14 “Tuʻo tolu ʻi he taʻu te ke fai ai ha kātoanga kiate au.+ 15 Te ke tauhi ʻa e Kātoanga ʻo e Mā Taʻelēvaní.+ Te ke kai mā taʻelēvani ʻi he ʻaho ʻe fitu, ʻo hangē tofu pē ko ʻeku tuʻutuʻuni kiate koé, ʻi he taimi kuo kotofa ki aí ʻi he māhina ko ʻĀpipí,*+ he ʻi he taimi ko iá naʻá ke haʻu ai mei ʻIsipite. ʻE ʻikai ha taha ʻe hā mola pē ʻi hoku ʻaó.+

16 “Tuʻo tolu ʻi he taʻu, ʻe hā ai ʻa e kotoa ʻo hoʻo kakai tangatá ʻi he ʻao ʻo Sihova ko ho ʻOtuá ʻi he feituʻu ʻa ia te ne filí: ʻI he Kātoanga ʻo e Mā Taʻelēvaní,+ ko e Kātoanga ʻo e Ngaahi Uiké,+ pea mo e Kātoanga ʻo e Falelouʻakaú,*+ pea ʻe ʻikai ha taha ʻo kinautolu ʻe hā mola pē ʻi he ʻao ʻo Sihová.