5 Ko eni ʻoku sio ʻa e kuí+ pea ʻoku lue ʻa e heké, ʻoku maʻa ʻa e kiliá+ pea fanongo ʻa e tulí, kuo fokotuʻu hake ʻa e maté pea kuo talaki ʻa e ongoongo leleí ki he masivá.+

2 Naʻe haʻu ʻa e tokotahá ni kiate ia ʻi he poʻulí+ ʻo ne pehē ange kiate ia: “Lāpai,*+ ʻoku mau ʻiloʻi ko koé kuó ke haʻu mei he ʻOtuá ko ha faiako, he ʻoku ʻikai ha taha ʻe lava ke ne fakahoko ʻa e ngaahi mana ko eni+ ʻokú ke fakahokó tuku kehe ʻo ka ʻoku kau mo ia ʻa e ʻOtuá.”+

31 Neongo ia, ko e tokolahi ʻo e fuʻu kakaí naʻa nau tui kiate ia,+ pea naʻa nau pehē: “ʻI he haʻu ʻa e Kalaisí, ʻe ʻikai te ne fakahoko ʻe ia ha ngaahi mana lahi ange ʻi he ngaahi mana kuo fai ʻe he tangatá ni, ʻikai ko ia?”

25 Naʻe tali ange ʻe Sīsū kiate kinautolu: “Naʻá ku tala atu kiate kimoutolu, pea ʻoku teʻeki ai pē ke mou tui. Ko e ngaahi ngāue ʻoku ou fai ʻi he huafa ʻo ʻeku Tamaí, ko e ngaahi meʻa ia ʻoku nau faifakamoʻoni ʻo fekauʻaki mo aú.+