8 Ko ia, ʻi heʻena mavahe vave mei he fonualoto fakamanatú, fakataha mo e manavahē mo e fiefia lahi, naʻá na lele ke fakahā ki heʻene kau ākongá.+

39 Vakai mai ki hoku ongo nimá mo hoku ongo vaʻé, ko au tonu ia; ala mai kiate au ke mou ʻilo, he ʻoku ʻikai ke kakano mo hui ha laumālie ʻo hangē ko ia ʻoku mou sio mai ʻoku ou maʻú.” 40 Pea ʻi heʻene leaʻaki ʻení, naʻá ne fakaʻaliʻali kiate kinautolu hono ongo nimá mo hono ongo vaʻé. 41 Ka ʻi he lolotonga ʻenau kei taʻetui koeʻuhi ko ʻenau fuʻu fiefiá mo ʻenau ofoofó, naʻá ne pehē atu kiate kinautolu: “ʻOku ʻi ai haʻamou meʻa hena ke kai?”

19 ʻI he efiafi hifo ʻa e ʻaho ko iá, ʻa e ʻuluaki ʻaho ʻo e uiké, pea naʻe lokolokaʻi ʻa e ngaahi matapā ʻi he potu naʻe ʻi ai ʻa e kau ākongá koeʻuhi ko ʻenau manavahē ki he kau Siú, naʻe haʻu ʻa Sīsū ʻo ne tuʻu ʻi honau lotolotongá peá ne pehē kiate kinautolu: “Fakatauange ke mou maʻu ʻa e melinó.”+ 20 ʻI he hili hono leaʻaki ení, naʻá ne fakaʻaliʻali kiate kinautolu ʻa hono ongo nimá mo hono vakavaká.+ Ko ia naʻe fiefia ʻa e kau ākongá ʻi he sio ki he ʻEikí.+