Siope
21 Naʻe tali ʻe Siope ʻo pehē:
2 “Fanongo lelei mai ki he meʻa te u leaʻakí;
Tuku ke hoko ia ko e fakafiemālie ʻoku mou fai mai kiate aú.
3 Mou kātaki ka u lea atu;
ʻI he hili ʻeku leá, pea toki fai leva hoʻomou manukiʻi aú.+
4 ʻOku fai ʻeku lāungá ki ha tangata?
Ka ne pehē, ʻikai ʻe ʻosi ʻeku kātakí?*
5 Tokanga mai kiate au pea mou sio mo ofoofo;
ʻAi homou nimá ki homou ngutú.
6 ʻI heʻeku fakakaukau fekauʻaki mo iá, ʻoku ou hohaʻa,
Pea ʻoku tete hoku sinó kotoa.
8 ʻOku ʻi honau ʻaó maʻu pē ʻenau fānaú,
Pea ʻoku aʻu ʻo nau sio ʻi honau ngaahi hakó.
9 ʻOku malu honau ngaahi falé, ʻoku nau ʻatā mei he manavaheé,+
Pea ʻoku ʻikai tautea kinautolu ʻe he ʻOtuá ʻaki hono tokotokó.
10 ʻOku fakafanau maʻu pē ʻenau fanga pulu tangatá;
ʻOku fāʻele ʻenau fanga pulu fefiné ʻo ʻikai tō hanau ʻuhiki.
11 ʻOku lele holo ʻenau fānau tangatá ʻi tuʻa ʻo hangē pē ha tākanga sipí,
Pea ʻoku hopohopo holo ʻenau fānaú.
12 ʻOku nau hiva fakataha mo e tā nafa mo e haʻape
Pea ʻoku nau fiefia ʻi he leʻo ʻo e fulutá.+
14 Ka ʻoku nau pehē ki he ʻOtua moʻoní, ‘Tukunoaʻi ange kimautolu!
ʻOku ʻikai te mau loto ke ʻilo ki hoʻo ngaahi foungá.+
15 Ko hai ʻa e Māfimafi-Aoniú ke mau tauhi ai kiate ia?+
Ko e hā ha meʻa te mau maʻu ʻi he hoko ʻo maheni mo iá?’+
16 Ka ʻoku ou ʻiloʻi ʻoku ʻikai te nau puleʻi ʻenau lakalakaimonuú.+
Ko e fakakaukau* ʻa e kau fulikivanú ʻoku mamaʻo ia meiate au.+
17 Kuo tuʻo fiha hono tāmateʻi+ ʻa e maama ʻa e kau fulikivanú?
Kuo tuʻo fiha ʻa e hoko mai kiate kinautolu ʻa e fakatamakí?
Kuo tuʻo fiha hono ʻoatu ʻe he ʻOtuá ʻa e fakaʻauhá kiate kinautolu ʻi heʻene houhaú?
18 Kuo faifai ange pea nau hangē ha kauʻi uite mōmoa ʻi he ʻao ʻo e matangí
Pea hangē ha kafukafu ʻoku puhiʻi atu ʻe ha matangi mālohi?
19 ʻE tuku tauhi ʻe he ʻOtuá ʻa e tautea ʻo ha tangata ki heʻene fānaú tonu.
Kae ʻofa ke totongi ʻe he ʻOtuá kiate ia koeʻuhi ke ne ʻilo ia.+
20 ʻOfa ke sio hono matá tonu ki heʻene ʻauhá,
Pea ʻofa ko ia ʻa e tokotaha te ne inu mei he houhau ʻa e Māfimafi-Aoniú.+
21 He ko e hā te ne tokanga ai ki ha meʻa ʻe hoko ki hono falé ʻi he hili ʻene maté
22 ʻE lava ʻe ha taha ke ne akoʻi ʻa e ʻiló ki he ʻOtuá,*+
Lolotonga ia ko Ia ʻa e tokotaha ʻokú ne fakamāuʻi naʻa mo e faʻahinga ʻoku māʻolunga tahá?+
23 ʻOku mate ha tangata ʻoku kei kakato hono iví+
Pea ʻoku ʻikai ʻaupito haʻane hohaʻa pea ʻokú ne nonga,+
24 ʻOku fonu hono ongo alangá ʻi he ngakó
Pea kei mālohi hono ngaahi huí.*
25 Ka ʻoku mate ha tangata ia ʻe taha mo faingataʻaʻia lahi,*
Kuo ʻikai ʻaupito te ne ʻahiʻahiʻi ha ngaahi meʻa lelei.
27 Vakai! ʻOku ou ʻiloʻi ʻa e meʻa tofu pē ʻoku mou fakakaukau ki aí
Pea mo e ngaahi filioʻi kovi ʻoku mou faʻufaʻu mai kiate aú.*+
28 He ʻoku mou pehē, ‘Ko fē ʻa e fale ʻo e tangata tuʻu-ki-muʻá,
Pea ko fē ʻa e tēniti naʻe nofo ai ʻa e tokotaha fulikivanú?’+
29 Kuo ʻikai koā te mou fehuʻi ki he kau fefonongaʻakí?
Kuo ʻikai te mou ako fakalelei ʻa e anga ʻenau vakaí,*
30 ʻA ia ko ha tangata kovi ʻoku fakahaofi ia ʻi he ʻaho ʻo e fakatamakí
Pea fakahaofi ʻi he ʻaho ʻo e houhaú?
31 Ko hai te ne ʻeke kiate ia ʻo fekauʻaki mo ʻene foungá,
Pea ko hai te ne totongi kiate ia ʻa e meʻa kuó ne faí?
32 ʻI hono fata ia ki he faʻitoká,
ʻE tuku ha leʻo ke ne leʻohi hono fonualotó.
33 Ko e kelekele ʻo e teleʻá* ʻe melie kiate ia,+
Pea ko e kotoa ʻo e faʻahinga ʻo e tangatá te nau muimui kiate ia*+
Hangē ko e fuʻu tokolahi taʻefaʻalaua naʻe ʻi muʻa ʻiate iá.
34 Ko ia ko e hā ʻoku fai mai ai kiate au ʻa e fakafiemālie taʻeʻaongá?+
Ko e koto kākā pē ʻoku ʻi hoʻomou ngaahi talí!”