MAIKA
1 Naʻe hoko mai ʻa e folofola ʻa Sihová kia Maika*+ ʻo Molesé, ʻi he ngaahi ʻaho ʻo Siotame,+ ʻĀhasi,+ mo Hesekaia,+ ko e ngaahi tuʻi ʻo Siutá,+ pea naʻá ne maʻu ʻi ha vīsone ʻo fekauʻaki mo Samēlia pea mo Selusalema:
2 “Mou fanongo mai, ʻa kimoutolu ngaahi kakai kotoa!
Tokanga mai, ʻa e māmaní mo e meʻa kotoa ʻoku ʻi aí,
Pea tuku ki he ʻEiki Hau ko Sihová ke ne hoko ko homou talatalaakí+
—ʻA Sihova mei hono temipale tapú.
3 He vakai, ʻoku ʻalu atu ʻa Sihova mei hono feituʻú;
Te ne ʻalu hifo ʻo malaki ʻa e ngaahi potu māʻolunga ʻo e māmaní.
4 Ko e ngaahi moʻungá ʻe vaia ʻi lalo ʻiate ia,+
Pea ʻe mavaeua ʻa e ngaahi teleʻá*
Hangē ha ngako ʻi he afí,
Hangē ha vai ʻoku huaʻi hifo ʻi ha foʻi tahifo māsilá.
5 ʻOku hoko kotoa ení koeʻuhí ko e angatuʻu ʻa Sēkopé,
Koeʻuhí ko e ngaahi angahala ʻa e fale ʻo ʻIsilelí.+
Ko hai ʻe tukuakiʻi ki he angatuʻu ʻa Sēkopé?
ʻIkai ko Samēlia?+
Pea ko hai ʻe tukuakiʻi ki he ngaahi potu māʻolunga ʻo Siutá?+
ʻIkai ko Selusalema?
6 Te u ʻai ʻa Samēlia ke hoko ko ha kolo maumau,
Ko ha feituʻu ke tō ai ha ngaahi ngoue kālepi;
Te u laku* hifo hono ngaahi maká ki he teleʻá,
Pea te u fakatekelei hono ngaahi fakavaʻé.
7 Ko e kotoa ʻo hono ngaahi ʻīmisi kuo tongí ʻe laiki ke kongokonga,+
Pea ko e ngaahi meʻaʻofa kotoa naʻe totongiʻi ʻaki iá* ʻe tutu ʻi he afí.+
Te u fakaʻauha ʻa ʻene ngaahi ʻaitolí kotoa.
He naʻá ne tānaki ia mei he ngaahi totongi ʻo ʻene feʻauakí,
Pea ʻe toe totongiʻaki ia ʻa e ngaahi faifeʻauaki.”
Ko ʻeku tangilāulaú ʻe hangē ko e tangi ʻa e fanga siakalí,
Pea ko ʻeku mamahí ʻe hangē ko e mamahi ʻa e fanga ʻositalesí.
Ko e fakatamakí ni kuo mafola atu ia ki he matapā ʻo hoku kakaí, ki Selusalema.+
10 “ʻOua te mou talaki ia ʻi Kati;
Kuo pau ke ʻoua ʻaupito naʻa mou tangi.
Teka ʻi he efú ʻi Pete-ʻāfala.*
11 Mou laka atu ʻi he telefua mo e ongoʻi mā, ʻa e kau nofo* ʻi Safilí.
Kuo ʻikai ke hū ki tuʻa ʻa e kau nofo* ʻi Sānaní.
ʻE ʻi ai ʻa e tangilāulau ʻi Pete-ʻesili, pea te ne toʻo ʻene poupoú meiate kimoutolu.
12 He ko e kau nofo* ʻi Malotí kuo nau tatali ki ha lelei,
Ka ko e kovi pē kuo ʻalu hifo meia Sihova ki he matapā ʻo Selusalemá.
13 Teuteu ʻa e salioté ki he fanga hōsí, ʻe kimoutolu kau nofo* ʻi Lākisí.+
Ko koe naʻe tupu mei ai ʻa e angahala ʻa e ʻofefine ʻo Saioné,
He naʻe ʻilo ʻiate koe, ʻe ʻofefine ʻo Saione, ʻa e ngaahi angatuʻu ʻa ʻIsilelí.+
14 Ko ia te ke foaki ha ngaahi meʻaʻofa fakamāvae ki Moleseti-kati.
Ko e ngaahi fale ʻo ʻAkesipí+ naʻe hoko ko ha meʻa fakahalahala ia ki he ngaahi tuʻi ʻo ʻIsilelí.
15 Ko e tokotaha ikuná* te u ʻomi ia kiate koe,+ ʻe kau nofo* ʻi Mālesá.+
ʻE aʻu atu ʻa e lāngilangi ʻo ʻIsilelí ki ʻAtulami.+
16 Kosi pea tele homou ʻulú koeʻuhi ko hoʻomou fānau ʻoku mou koloaʻakí.
ʻAi kimoutolu ke mou tula hangē ha ʻīkalé,
He kuo ʻave fakamālohi kinautolu meiate koe.”+
2 “ʻOiauē ʻa e faʻahinga ʻoku nau faʻufaʻu ʻa e meʻa ʻoku fakatupu maumaú,
ʻA ia ʻoku nau palani ʻa e koví ʻi honau ngaahi mohengá!
ʻI he maama mai ʻa e pongipongí ʻoku nau fakahoko ia,
Koeʻuhí ʻoku maʻu ʻe honau nimá+ ʻa e mālohi ke fai ia.
2 ʻOku nau holi ki he ngaahi ngoue pea faʻao ia;+
Pea pehē ki he ngaahi fale, pea nau ʻave ia;
ʻOku nau kākaaʻi ha tangata ke maʻu hono falé,+
Mo ha tangata ke maʻu hono tofiʻá.
3 Ko ia ai, ko e meʻa eni ʻoku folofolaʻaki ʻe Sihová:
‘ʻOku ou faʻufaʻu ha fakatamaki+ ki he kakaí ni ʻa ia heʻikai te mou hao+ mei ai.*
ʻE ʻikai te mou kei ʻaʻeva ʻi he pōlepole,+ he ko ha taimi ia ʻo e fakatamaki.+
4 ʻI he ʻaho ko iá ʻe leaʻaki ʻe he kakaí ha palōveepi ʻo fekauʻaki mo kimoutolu,
Pea te nau mātuʻaki tangilāulau koeʻuhi ko kimoutolu.+
Te nau pehē: “Kuo fakaʻauha ʻosi+ kimautolu!
Ko e tofiʻa ʻo hoku kakaí ʻokú ne foaki ki ha niʻihi kehe—kuó ne toʻo ia meiate au!+
ʻOkú ne vahe ʻemau ngaahi ngoué ki he tokotaha taʻefaitōnungá.”
5 Ko ia heʻikai te ke maʻu ha tokotaha ʻi he fakatahaʻanga ʻa Sihová ke ne falō atu ʻa e afo fuá,
Ke vahevahe ʻa e fonuá.
6 ʻOku nau malangaʻi, “Tuku ʻa e malangá!”
“ʻOku ʻikai totonu ke malangaʻaki ʻa e ngaahi meʻá ni;
ʻE ʻikai ke tau ongoʻi mā!”
7 Kuo leaʻaki ʻo pehē, ʻe fale ʻo Sēkope:
“Kuo hoko ʻo taʻefaʻakātaki ʻa e laumālie ʻo Sihová?
Ko ʻene ngaahi ngāue koā eni?”
ʻIkai ko ʻeku ngaahi leá tonu ʻokú ne ʻomi ʻa e lelei ki he faʻahinga ʻoku ʻaʻeva ʻi he anga-tonú?
8 Ka ki muí ni mai kuo tuʻu hake ʻa hoku kakaí tonu ko hoku fili.
ʻOku mou toʻo fakahāhā ʻa e meʻa-teuteu fakaʻofoʻofa ʻo e* kofú
Mei he faʻahinga ʻoku laka fiemālie hake, ʻo hangē ko e faʻahinga ʻoku foki mei he taú.
9 ʻOku mou kapusi ʻa e kakai fefine ʻi hoku kakaí mei honau ngaahi fale fakaʻofoʻofá;
ʻOku mou toʻo mei heʻenau fānaú ʻa e ngaahi meʻa lelei kuó u tāpuakiʻiʻaki kinautolú ʻo taʻengata.
10 Tuʻu hake ʻo ʻalu, he ʻoku ʻikai ko ha feituʻu eni ke mālōlō ai.
Koeʻuhi ko e taʻemaʻá,+ ʻoku ʻi ai ha fakaʻauha, ko ha fakaʻauha fakamamahi.+
11 Kapau ʻoku ʻaʻeva ha tangata ʻi he muná mo e kākaá peá ne tala ʻa e loi ko ení:
“Te u malanga atu kiate koe ʻo fekauʻaki mo e uainé mo e inu ʻolokaholó,”
Pea te ne hoko pē ko e tokotaha malanga ʻoku lea ke fakahōhōʻiaʻi ʻa e kakaí ni!+
12 Ko e moʻoni te u fakatahatahaʻi kotoa mai koe, ʻe Sēkope;
Ko e moʻoni te u tānaki fakataha mai ʻa e toenga ʻo ʻIsilelí.+
Te u fakafāʻūtahaʻi kinautolu, hangē ha fanga sipi ʻi he lotoʻaá,
Hangē ha tākanga sipi ʻi hono kaikaiʻangá;+
ʻE longoaʻa ia ʻi he kakaí.’+
13 Ko e tokotaha ʻokú ne avangi ʻa e ʻaá ʻe ʻalu ia ʻi muʻa ʻiate kinautolu;
Te nau avangi ʻo fou atu ʻi he matapaá pea hū atu ai ki tuʻa.+
ʻE ʻalu muʻomuʻa atu ʻa honau tuʻí ʻiate kinautolu,
ʻO muʻomuʻa+ ʻa Sihova ʻiate kinautolu.”
3 Naʻá ku pehē: “Fanongo mai muʻa, ʻa kimoutolu ko e ngaahi ʻulu ʻo e fale ʻo Sēkopé
Pea mo kimoutolu ko e kau pule ʻo e fale ʻo ʻIsilelí.+
ʻIkai ʻoku totonu ke mou ʻilo ʻa e meʻa ʻoku totonú?
2 Ka ʻoku mou fehiʻa ki he leleí+ pea ʻofa ki he koví;+
ʻOku mou tatala ʻa e kili ʻo hoku kakaí pea mo e kakano ʻo honau ngaahi huí.+
3 ʻOku mou kai foki ʻa e kakano ʻo hoku kakaí+
Pea fohi honau kilí,
ʻO fesi honau ngaahi huí, pea laiki ia ke kongokonga,+
ʻO hangē ha meʻa ʻoku haka ʻi ha kuló,* hangē ha kanomate ʻi ha kulo feimeʻakaí.
4 ʻI he taimi ko iá te nau ui kia Sihova ki ha tokoni,
Ka heʻikai te ne fai mai ha tali kiate kinautolu.
Te ne fufū hono fofongá meiate kinautolu ʻi he taimi ko iá,+
Koeʻuhí ko ʻenau ngaahi ngāue fulikivanú.+
5 Ko e meʻa eni ʻoku folofolaʻaki ʻe Sihova ki he kau palōfita ko ia ʻoku nau takiheeʻi+ ʻa hoku kakaí,
ʻA ia ʻoku nau fanongonongo ʻo pehē ‘Melino,’+ lolotonga ia ʻoku nau uʻu ha meʻa* ʻi honau nifó+
Ka ʻoku nau talaki* ha faitau mo e tokotaha ko ia ʻoku ʻikai te ne ʻai ha meʻa ki honau ngutú:
6 ‘ʻE hoko ʻo poʻuli+ kiate kimoutolu; ʻe ʻikai ke ʻi ai ha vīsone;+
Ko e fakapoʻuli pē ʻe hoko mai kiate kimoutolú, ʻo ʻikai ha vavalo.
Ki he kau palōfitá, ʻe tō ʻa e laʻaá,
Pea ʻe liliu ʻa e ʻahó ʻo fakapoʻuli kiate kinautolu.+
Ko kinautolu kotoa kuo pau ke nau ʻufiʻufi ʻa e kiʻi kava ʻi ʻolunga ʻi honau loungutú,*
He ʻoku ʻikai ha tali mei he ʻOtuá.’”
8 Ko e meʻa kiate aú, ʻoku ou fonu ʻi he mālohi tupu mei he laumālie ʻo Sihová,
Mo e fakamaau totonu mo e loto-toʻa,
Ke tala kia Sēkope ʻa ʻene angatuʻú pea ki ʻIsileli ʻa ʻene angahalá.
9 Fanongo ange muʻa ki he meʻá ni, ʻa kimoutolu ko e ngaahi ʻulu ʻo e fale ʻo Sēkopé
Pea mo kimoutolu ko e kau pule ʻo e fale ʻo ʻIsilelí,+
ʻA ia ʻoku mou fehiʻa ʻi he fakamaau totonú mo pikoʻi ʻa e meʻa kotoa pē ʻoku totonú,+
10 ʻA ia ʻoku nau langa ʻa Saione ʻaki ʻa e lingitoto mo Selusalema ʻaki ʻa e taʻemāʻoniʻoni.+
11 ʻOku faifakamaau ʻa ʻene kau takí* ki ha totongi fufū,+
ʻOku faiako ʻa ʻene kau taulaʻeikí ki ha totongi,+
Pea ʻoku fai ʻe heʻene kau palōfitá ha vavalo ke maʻu ai ha paʻanga*+
Pea neongo ia ʻoku nau kei falala kia Sihova,* ʻo pehē:
“ʻIkai ʻoku ʻiate kitautolu ʻa Sihova?+
Heʻikai hoko mai ha fakatamaki kiate kitautolu.”+
12 Ko ia koeʻuhi ko kimoutolu,
ʻE palauʻi ʻa Saione ʻo hangē ha konga vaó,
ʻE hoko ʻa Selusalema ko ha fokotuʻunga maumau,+
Pea ko e moʻunga ʻoku tuʻu ai ʻa e Falé* ʻe hoko ʻo hangē ha ngaahi potu māʻolunga ʻi ha vaotaá.*+
4 ʻI he fakaʻosiʻosi ʻo e ngaahi ʻahó,*
Ko e moʻunga ʻo e fale ʻo Sihová+
ʻE fokotuʻu maʻu ia ʻi ʻolunga ʻi he tumutumu ʻo e ngaahi moʻungá,
Pea ʻe mahiki hake ia ʻi he ngaahi foʻi māʻolungá,
Pea ʻe tafe ki ai+ ʻa e ngaahi kakai.
2 Pea ʻe ʻalu atu ʻa e ngaahi puleʻanga lahi mo nau pehē:
“Mou haʻu ke tau ʻalu hake ki he moʻunga ʻo Sihová
Pea ki he fale ʻo e ʻOtua ʻo Sēkopé.+
Te ne fakahinohino kiate kitautolu ʻo fekauʻaki mo ʻene ngaahi foungá,
Pea te tau ʻaʻeva ʻi hono ngaahi halá.”
Koeʻuhi ʻe ʻalu atu ʻa e laó* mei Saione,
Pea mo e folofola ʻa Sihová mei Selusalema.
3 Te ne fai ha fakamaau ʻi he lotolotonga ʻo e ngaahi kakai lahi+
Mo fakatonutonu ʻa e ngaahi meʻa fekauʻaki mo e ngaahi puleʻanga mālohi ʻi he mamaʻó.
Te nau tuki ʻenau ngaahi heletaá ke hoko ko e ngaahi mataʻi-palau
Pea mo ʻenau ngaahi taó ke hoko ko e ngaahi hele ʻauhani.+
ʻE ʻikai hiki ʻe ha puleʻanga ha heletā ki ha puleʻanga,
Pea ʻe ʻikai te nau toe ako tau.+
4 Te nau tangutu* taki taha ʻi hono lalo kālepi pea ʻi hono lalo fiki,+
Pea ʻe ʻikai ha taha te ne ʻai kinautolu ke nau ilifia,+
He kuo folofolaʻaki ia ʻe Sihova ʻo e ngaahi kau tau.
5 He ko e ngaahi kakai kotoa pē te nau ʻaʻeva ʻi he huafa ʻo honau ʻotuá,
Ka te tau ʻaʻeva kitautolu ʻi he huafa ʻo Sihova ko hotau ʻOtuá+ ʻo taʻengata pea taʻengata.
6 “ʻI he ʻaho ko iá,” ko e fakahaaʻi ia ʻe Sihová,
“Te u fakatahatahaʻi mai ʻa e tokotaha* naʻe heké,
Pea tānaki fakataha mai ʻa e tokotaha naʻe fakamovetevete atú,+
Fakataha mo e faʻahinga naʻá ku fakafeangai anga-kakaha ki aí.
7 Te u ʻai ʻa e tokotaha* naʻe heké ko ha toenga,+
Pea mo e tokotaha naʻe fakamavaheʻi mamaʻó ke hoko ko ha puleʻanga mālohi;+
Pea ʻe pule ʻa Sihova ko e tuʻi kiate kinautolu ʻi Moʻunga Saione,
Mei he taimí ni ʻo taʻengata.
8 Ko e meʻa kiate koé, ʻe taua ʻo e tākangá,
ʻA e foʻi tafunga ʻo e ʻofefine ʻo Saioné,+
ʻE haʻu ia kiate koe, ʻio, ʻe haʻu ʻa e ʻuluaki* pulé,+
ʻA e puleʻanga ʻoku maʻu ʻe he ʻofefine ʻo Selusalemá.+
9 Ko eni ko e hā ʻokú ke kaila leʻo-lahi aí?
Kuo ʻikai koā ke ʻi ai hao tuʻi,
Pe kuo ʻauha koā ʻa ho tokotaha faleʻí,
ʻO maʻunimā ai koe ʻe he langaá ʻo hangē ha fefine fāʻelé?+
10 Kenu pea mo toʻe, ʻe ʻofefine ʻo Saione,
ʻO hangē ha fefine fāʻelé,
He ko eni te ke hiki mei he koló ʻo nofo ʻi he vaó.
Te ke ʻalu ʻo aʻu ki Pāpilone,+
Pea ʻe fakahaofi+ koe ʻi ai;
ʻE fakatau fakafoki mai koe ʻe Sihova ʻi ai, mei he nima ʻo ho ngaahi filí.+
11 Ko eni ʻe fakatahataha ha ngaahi puleʻanga lahi ke tuʻu kiate koe;
Te nau pehē, ‘Tuku ke ʻuliʻi ia,
Pea tuku ke sio hotau matá ki he hoko ʻa e meʻá ni ki Saioné.’
12 Ka ʻoku ʻikai te nau ʻilo ʻa e ngaahi fakakaukau ʻa Sihová,
ʻOku ʻikai te nau mahinoʻi ʻa ʻene taumuʻá;*
He te ne fakatahatahaʻi kinautolu ʻo hangē ha ngaahi haʻinga uite ne toki tutuʻu mai ki he ʻauʻauʻanga uité.
13 Tuʻu hake ʻo ʻauʻau ʻa e uité, ʻe ʻofefine ʻo Saione;+
He te u liliu ho ngaahi meʻatuí ko ha ukamea,
Pea te u liliu ho ngaahi topuvaʻé ko ha kopa,
Pea te ke laiki ʻa e ngaahi kakai lahi.+
Te ke līʻoa atu ʻenau tupu ʻoku maʻu ʻi he taʻefaitotonú kia Sihova,
Pea mo ʻenau ngaahi koloá ki he ʻEiki moʻoni ʻo e māmaní kotoa.”+
ʻOku nau taaʻi ʻaki ha vaʻakau ʻa e fakamaau ʻo ʻIsilelí ʻi hono kouʻahé.+
2 Pea ko koe, ʻe Pētelihema ʻEfalata,+
ʻA e tokotaha ʻoku siʻi fau ke kau ʻi he lotolotonga ʻo e ngaahi toko afe* ʻo Siutá,
ʻE haʻu meiate koe maʻaku ʻa e tokotaha te ne hoko ko e pule ʻi ʻIsilelí,+
ʻA ia ko hono tupuʻangá ʻoku talu mei muʻa, mei he ngaahi ʻaho ʻo e kuohilí.
3 Ko ia ʻe liʻaki kinautolu ʻe he ʻOtuá
Kae ʻoua ke aʻu ki he taimi kuo fāʻele ai ʻa e fefine ʻe fāʻelé.
Pea ko e toenga ʻo e fanga tokoua ʻo e pulé te nau foki ki he kakai ʻo ʻIsilelí.
4 Te ne tuʻu hake ʻo tauhi ʻa e tākangá ʻi he mālohi ʻo Sihová,+
ʻI he ngeia ʻo e huafa ʻo Sihova ko hono ʻOtuá.
Pea te nau nofo ʻi he malu,+
He ʻi he taimí ni ko hono mafaí ʻe aʻu ia ki he ngaahi ngatangataʻanga ʻo e māmaní.+
5 Pea te ne ʻomi ʻa e melino.+
Ka fakatūʻuta ʻa ʻAsīlia ʻi hotau fonuá pea tāmalaki hotau ngaahi taua fakakolotaú,+
Te tau fokotuʻu hake ke tuʻu kiate ia ha kau tauhi-sipi ʻe toko fitu, ʻio, ha houʻeiki* ʻe toko valu ʻo e faʻahinga ʻo e tangatá.
6 Te nau tauteaʻi ʻa e fonua ʻo ʻAsīliá ʻaki ʻa e heletā,+
Mo e fonua ʻo Nimiloté+ ʻi hono ngaahi matapaá.
Pea te ne fakahaofi kitautolu mei ʻAsīlia,+
ʻI heʻene fakatūʻuta ʻi hotau fonuá mo tāmalaki hotau vahefonuá.
7 Ko e toenga ʻo Sēkopé te nau ʻi he lotolotonga ʻo e ngaahi kakai lahi
Hangē ha hahau meia Sihová,
Hangē ha ʻuha ʻoku tō ki he mohukú
ʻA ia ʻoku ʻikai ke fakafalala ki he tangatá
Pe tatali ki he ngaahi foha ʻo e tangatá.
8 Ko e toenga ʻo Sēkopé te nau ʻi he lotolotonga ʻo e ngaahi puleʻangá,
ʻI he lotolotonga ʻo e ngaahi kakai lahi,
Hangē ko ha laione ʻi he lotolotonga ʻo e fanga manu ʻo e vaotaá,
Hangē ha laione mui ʻi he lotolotonga ʻo ha ngaahi tākanga sipí,
ʻA ia ʻokú ne laka atu ʻo ne ʻoho atu ʻo hae ke kongokonga;
Pea ʻoku ʻikai ha taha ke ne fakahaofi kinautolu.
9 ʻE hiki hake ho nimá ki ho ngaahi filí,
Pea ʻe ʻauha ʻa e kotoa ho ngaahi filí.”
10 “ʻI he ʻaho ko iá,” ko e fakahaaʻi ia ʻe Sihová,
“Te u toʻo atu hoʻo fanga hōsí mei ho lotolotongá pea fakaʻauha hoʻo ngaahi salioté.
11 Te u fakaʻauha ʻa e ngaahi kolo ʻo ho fonuá
Pea holoki hifo ʻa e kotoa ho ngaahi feituʻu fakakolotaú.
12 Te u fakangata ʻa e fakalouʻakau ʻokú ke faí,*
Pea ʻe ʻikai ha taha faimana ʻe toe ʻi ho lotolotongá.+
13 Te u fakaʻauha ʻa hoʻo ngaahi ʻīmisi kuo tongí mo hoʻo ngaahi pou maka toputapú mei ho lotolotongá,
Pea heʻikai te ke kei punou hifo ki he ngāue ʻa ho nimá.+
14 Te u taʻaki ʻa hoʻo ngaahi pou ʻakau toputapú*+ mei ho lotolotongá
Pea fakaʻauha ʻosi ho ngaahi koló.
15 ʻI he houhaú mo e tuputāmakí te u fai ha sāuni
Ki he ngaahi puleʻanga ʻa ia kuo ʻikai te nau talangofuá.”
6 Mou fanongo muʻa ki he meʻa ʻoku folofolaʻaki ʻe Sihová.
Tuʻu hake, pea ʻomi hoʻomou taukapó ʻi he ʻao ʻo e ngaahi moʻungá,
Pea ʻofa ke fanongoa homou leʻó+ ʻe he ngaahi foʻi māʻolungá.
2 Mou fanongo, ʻa e ngaahi moʻungá, ki he hopo ʻoku fai ʻe Sihová,
ʻA kimoutolu ʻa e ngaahi makatuʻunga mālohi ʻo e māmaní,+
He ʻoku ʻi ai ha hopo ʻa Sihova mo hono kakaí;
Te ne fakakikihi+ mo ʻIsileli:
3 “ʻE hoku kakai, ko e hā kuó u fai kiate koé?
Kuo anga-fēfē ʻeku fakakinaʻi koé?+
Fakamoʻoniʻi mai kiate au.
4 He naʻá ku ʻomi koe mei he fonua ko ʻIsipité,+
Naʻá ku huhuʻi koe+ mei he fale fakapōpulá;
Naʻá ku tuku atu ʻa Mōsese, ʻĒlone, mo Meliame ke nau muʻomuʻa ʻiate koe.+
5 ʻE hoku kakai, manatu muʻa ki he meʻa naʻe faʻufaʻu+ ʻe Tuʻi Pēlaki ʻo Mōapé,
Pea mo e meʻa naʻe tali ʻaki kiate ia+ ʻe Pēlami ko e foha ʻo Pioá
—ʻA e meʻa naʻe hoko mei Sitimi+ ki Kilikalí+—
Koeʻuhi ke ke ʻilo ai ʻa e ngaahi ngāue māʻoniʻoni ʻa Sihová.”
6 Ko e hā ʻa e meʻa te u haʻu mo ia ki he ʻao ʻo Sihová?
Ko e hā ʻa e meʻa te u punou hifo mo ia ʻi he ʻao ʻo e ʻOtua ʻi he taukakapá?
Te u haʻu ki hono ʻaó mo ha ngaahi feilaulau tutu kakato,
Mo ha fanga kiʻi ʻuhikiʻi pulu taʻu taha?+
7 ʻE hōifua ʻa Sihova ʻi ha laui-afeʻi sipi tangata,
ʻI ha laui mano ʻo ha ngaahi tafenga lolo?+
Te u ʻoatu ʻa hoku ʻuluaki fohá koeʻuhi ko ʻeku angatuʻú,
ʻA e fua ʻo hoku sinó koeʻuhi ko ʻeku faiangahalá?+
8 Kuó ne fakahā kiate koe, ʻe tangata, ʻa e meʻa ʻoku leleí.
Pea ko e hā ʻa e meʻa ʻoku fiemaʻu* ʻe Sihova meiate koé?
9 Ko e leʻo ʻo Sihová ʻoku ui atu ki he koló;
Ko e faʻahinga ʻoku nau maʻu ʻa e poto ʻaongá te nau manavahē ki ho huafá.
Fanongo ki he leʻo ʻo e vaʻakau tauteá pea ki he tokotaha ʻokú ne fekauʻi atu iá.+
10 ʻOku kei ʻi ai ʻa e koloa ʻoku maʻu ʻi he ngaahi tōʻonga fulikivanú ʻi he fale ʻo e kau fulikivanú
Pea mo e fua efa* taʻekakato ʻa ia ʻoku fakalieliá?
11 Te u kei lava ʻo maʻa fakaeʻulungaanga* ʻi he ʻi ai ha meʻafua taʻetotonu,
Mo ha tangai ʻoku ʻi ai ha maka fua mamafa kākā?+
12 He ko hono kau tangata tuʻumālié ʻoku nau fonu ʻi he fakamālohí,
Pea ko hono kakaí ʻoku nau leaʻaki ʻa e loi;+
Ko honau ʻeleló ko e koto kākā ʻi honau ngutú.+
13 “Ko ia ai, te u ʻai koe ke ke kafo ʻaki hono taaʻi koe,+
ʻO ʻai koe ke ke maomaonganoa koeʻuhi ko hoʻo ngaahi angahalá.
14 Te ke kai ka heʻikai te ke mākona;
Te ke kei ongoʻi pē ʻi loto+ ʻa e fiekaiá.
Ko e meʻa ʻokú ke toʻó, heʻikai lava ke ke maluʻi ia.
Pea ko e meʻa ʻokú ke toʻó, te u tuku atu ia ki he heletā.
15 Te ke tūtuuʻi ʻa e tenga, ka heʻikai te ke utu.
Te ke malamalaki ʻa e ʻōlivé, ka heʻikai te ke ngāueʻaki ʻa e loló;
Pea te ke ngaohi ha uaine foʻou, ka heʻikai te ke inu ha uaine.+
16 He ʻoku mou tauhi ʻa e ngaahi tuʻutuʻuni ʻa ʻOmilaí mo e kotoa ʻo e ngāue ʻa e fale ʻo ʻĒhapí,+
Pea ʻoku mou ʻaʻeva ʻo fakatatau ki heʻena faleʻí.
Ko e ʻuhinga ia te u ʻai ai kimoutolu ko ha meʻa ke fai ai ha fakalilifuʻia
Pea ko hono kakaí ko ha meʻa ke fai ha manuki* ki ai;+
Pea te mou fua ʻa e luma ʻa e ngaahi kakaí.”+
7 ʻOiauē ka ko kita! ʻOku ou hangē ha taha,
ʻI he hili hono tānaki ʻa e fuaʻiʻakau ʻo e faʻahitaʻu māfaná
Pea mo e tufi ʻi he hili ʻa hono toli ʻo ha kālepi,
ʻOku ʻikai te u maʻu ha fuhinga kālepi ke kai,
ʻOku ʻikai ha fiki tokamuʻa ʻa ē ʻoku ou havala ki aí.
2 Ko e tokotaha mateakí kuó ne ʻauha* mei he māmaní;
ʻOku ʻikai ha taha anga-tonu+ ʻi he lotolotonga ʻo e kau tangatá.
Ko e kotoa ʻo kinautolú ʻoku nau toka malumu ke fai ha lingitoto.+
ʻOku tuli ʻa e tokotaha taki taha ki hono tokoua pē ʻoʻona ʻaki ha kupenga.
3 ʻOku pōtoʻi honau nimá ʻi hono fai ʻa e meʻa ʻoku koví;+
ʻOku kounaʻi ʻe he houʻeikí ha meʻaʻofa,
ʻOku kole ʻa e fakamāú ki ha totongi,+
ʻOku ʻai ʻe he tokotaha tuʻu-ki-muʻá ʻa ʻene ngaahi holí+ ke ʻiloʻi,
Pea ʻoku nau faʻufaʻu fakataha ia.*
4 Ko ʻenau tokotaha lelei tahá ʻoku hangē ha ʻakau talatalá,
Ko ʻenau tokotaha anga-tonu tahá ʻoku kovi ange ia ʻi ha kauʻā ʻakau talatala.
Ko e ʻaho naʻe lea ʻa hoʻo kau tangata leʻó ʻo kau ki aí pea mo e ʻaho ʻo e fakamāú ʻe hoko mai.+
Ko ia te nau tailiili.+
5 ʻOua ʻe tuʻu hoʻomou falalá ʻi homou takangá
Pe falala ki ha kaumeʻa ofi.+
Tokanga ki he meʻa ʻokú ke leaʻaki ki he tokotaha ʻoku lea loi ʻi hoʻomo fāʻofuá.
6 He ʻoku taʻetokaʻi ʻe he fohá ʻa ʻene tamaí,
ʻOku tuʻu hake ʻa e taʻahiné ki heʻene faʻeé,+
Mo e ʻofefine-ʻi-he-fonó ki heʻene faʻē-ʻi-he-fonó;+
Ko e ngaahi fili ʻo ha tangata ʻa e kau tangata ʻi hono falé.+
7 Ka ko e meʻa kiate aú, te u hanganaki fakasio kia Sihova.+
Te u fakahāhā ha fakakaukau faʻa tatali* ki he ʻOtua ko hoku fakamoʻuí.+
ʻE fanongo mai ʻa hoku ʻOtuá kiate au.+
8 ʻE hoku fili,* ʻoua te ke fiefia koeʻuhi ko ʻeku tō ki he faingataʻá.
Neongo kuó u tō, te u tuʻu hake;
Neongo ʻoku ou nofo ʻi he fakapoʻulí, ʻe hoko ʻa Sihova ko ʻeku maama.
9 Te u kātakiʻi ʻa e houhau ʻa Sihová
—He kuó u faiangahala kiate ia+—
Kae ʻoua kuó ne taukapoʻi ʻeku meʻa fakalaó pea fakahoko mai ʻa e fakamaau totonú kiate au.
Te ne ʻomi au ki he māmá;
Te u sio ki heʻene māʻoniʻoní.
10 ʻE sio foki ʻa hoku filí,
Pea ʻe ʻufiʻufi ʻe he maá ʻa ia naʻá ne pehē mai kiate au:
“Ko fē ʻa Sihova ko ho ʻOtuá?”+
ʻE sio hoku matá ki hoku filí.
Ko eni ʻe tāmalaki ia ʻo hangē ha pelepelá ʻi he ngaahi halá.
11 ʻE hoko ia ko ha ʻaho ki hono langa ho ngaahi ʻā maká;
ʻI he ʻaho ko iá ʻe toe tahaʻi atu ai ʻa e kauʻaá.*
12 ʻI he ʻaho ko iá te nau aʻu atu kiate koe
ʻO faai mai mei ʻAsīlia mo e ngaahi kolo ʻo ʻIsipité,
Mei ʻIsipite ʻo aʻu ki he Vaitafé;*
Mei he tahi ki he tahi pea mei he moʻunga ki he moʻunga.+
13 Pea ʻe hoko ʻa e fonuá ʻo maomaonganoa koeʻuhi ko e kau nofo aí,
Ko e nunuʻa ia ʻo e meʻa kuo nau faí.*
14 Tauhi ho kakaí ʻaki ho tokotokó, ʻa e tākanga ʻo ho tofiʻá,+
ʻA e tokotaha naʻe nofo toko taha ʻi ha vaotā—ʻi he lotolotonga ʻo ha ngoue fuaʻiʻakau.
Tuku ke nau kai ʻi Pēsani mo Kiliati+ ʻo hangē ko ia ʻi he ngaahi ʻaho ʻo e kuohilí.
15 “Hangē ko ia ʻi he ngaahi ʻaho naʻa mou haʻu ai mei he fonua ko ʻIsipité,
Te u fakahāhā kiate kinautolu ha ngaahi meʻa fakaofo.+
16 ʻE sio ʻa e ngaahi puleʻangá pea te nau mā neongo ʻa e kotoa ʻo honau mālohí.+
Te nau ʻai honau nimá ki honau ngutú;
ʻE hoko ʻo tuli honau telingá.
17 Te nau ʻemo ʻa e efú ʻo hangē ha fanga ngatá;+
Te nau haʻu tetetete mei honau ngaahi kolotaú ʻo hangē ko e fanga manu totolo mo ngaolo ʻo e māmaní.
Te nau haʻu manavahē kia Sihova ko hotau ʻOtuá,
Pea te nau manavahē kiate koe.”+
18 Ko hai ha ʻOtua ʻoku tatau mo koe,
ʻOkú ke fakamolemoleʻi ʻa e faihalá mo tuku ke fakalaka atu ʻa e laka hala+ ʻa e toenga ʻo ho tofiʻá?+
Heʻikai te ke tauhi ai pē hoʻo ʻitá ʻo taʻengata,
He ʻokú ke manako ʻi he ʻofa mateakí.+
19 Te ke toe fakahāhā mai ʻa e meesi+ kiate kimautolu; te ke ikunaʻi* ʻemau ngaahi halá.
Te ke lī ʻa e kotoa ʻo ʻenau ngaahi angahalá ki he loloto ʻo e tahí.+
20 Te ke fakahāhā ʻa e faitōnunga kia Sēkope,
ʻA e ʻofa mateaki kia ʻĒpalahame,
ʻO hangē ko ia naʻá ke fuakavaʻaki ki heʻemau fanga kuí talu mei he ngaahi ʻaho ʻo e kuohilí.+
Ko ha faʻunga fakanounou ʻo e Maikelí (ʻoku ʻuhingá “Ko Hai ʻOku Tatau mo e ‘Otuá?”) pe Maikaia (‘oku ‘uhingá “Ko Hai ‘Oku Tatau mo Sihová?”).
Pe “ngaahi talaló.”
Fakafoʻilea, “huaʻi.”
Pe “ngaahi totongi kotoa ʻo ʻene feʻauakí.”
Pe “ʻi he fale ʻo ʻĀfalá.”
Fakafoʻilea, “kau fefine ʻoku nofo.”
Fakafoʻilea, “kau fefine ʻoku nofo.”
Fakafoʻilea, “kau fefine ʻoku nofo.”
Fakafoʻilea, “kau fefine ʻoku nofo.”
Pe “tokotaha faʻao fakamālohí.”
Fakafoʻilea, “kau fefine ʻoku nofo.”
Fakafoʻilea, “ʻa ia heʻikai toʻo mei ai homou kiá.”
Pe ngalingali, “mei he.”
Pe “kulo feimeʻakai ʻoku fakamanga lahi ʻa hono ngutú.”
Pe ngalingali, “ʻoku nau maʻu ha meʻa ke lamu.”
Fakafoʻilea, “fakatoputapuʻi.”
Pe “ke nau ʻufiʻufi honau ngutú.”
Fakafoʻilea, “ʻa hono ngaahi ʻulú.”
Pe “siliva.”
Pe “ʻoku nau taukaveʻi ʻoku nau falala kia Sihova.”
Pe “tuʻuʻanga ʻo e temipalé.”
Pe “ha konga fonua māʻolunga ʻuluʻakauʻiá.”
Pe “ʻI he ngaahi ʻaho fakaʻosí.”
Pe “fakahinohinó.”
Pe “nofo.”
Fakafoʻilea, “ʻa ia.”
Fakafoʻilea, “ʻa ia.”
Pe “muʻaki.”
Pe “faleʻí.”
Pe “ngaahi haʻa.”
Pe “kau taki.”
Fakafoʻilea, “mei ho nimá.”
Sio ki he Lea mo Hono ʻUhinga.
Pe “kole.”
Pe “ke fai ʻa e meʻa ʻoku totonú; ke faitotonu.”
Pe “anga-lelei mo mateaki ʻi hoʻo ʻofá.” Fakafoʻilea, “ʻofa ʻi he ʻofa mateakí.”
Sio ki he Fakamatala Fakalahi E14.
Pe “ʻo taʻehalaia.”
Fakafoʻilea, “mapumapu.”
Pe “puli atu.”
Fakafoʻilea, “ʻoku nau lālanga fakataha ia.”
Pe “Te u tatali anga-kātaki.”
ʻI he lea faka-Hepeluú, ko e foʻi lea ki he “fili” ʻoku ngāueʻaki ai ko e fefine.
Pe ngalingali, “ko e tuʻutuʻuní ʻe mamaʻo atu.”
ʻA ia, ko e Vaitafe ʻIufaletesí.
Fakafoʻilea, “Koeʻuhí ko e fua ʻo ʻenau ngaahi ngāué.”
Pe “malaki hifo; ikuʻi.”