HAPAKUKE
1 Ko ha fanongonongo naʻe maʻu ʻe he palōfita ko Hapakuké* ʻi ha vīsone:
2 Ko e hā hono fuoloa, ʻe Sihova, kuo pau ke u tangi ai ki ha tokoni, kae ʻikai te ke ongoʻí?+
Ko e hā hono fuoloa kuo pau ke u kole ai ki ha tokoni koeʻuhi ko e fakamālohí, kae ʻikai te ke kau maí?*+
3 Ko e hā ʻokú ke ʻai ai au ke u sio tonu ʻi he faihalá?
Pea ko e hā ʻokú ke kātakiʻi ai ʻa e fakaaoaó?
Ko e hā ʻoku ʻi hoku ʻaó ai ʻa e fakaʻauhá mo e fakamālohí?
Pea ko e hā ʻoku lahi fau ai ʻa e fekeʻikeʻí mo e fepakí?
4 Ko ia ʻoku ʻikai ha taha ʻe talangofua ki he laó,
Pea ʻoku ʻikai ʻaupito ke fakahoko ʻa e fakamaau totonú.
He ʻoku takatakaiʻi ʻe he fulikivanú ʻa e māʻoniʻoní;
Ko e ʻuhinga ia ʻoku pikoʻi ai ʻa e fakamaau totonú.+
5 “Mou vakai atu ki he lotolotonga ʻo e ngaahi puleʻangá pea mou tokanga!
Sio fakamamaʻu ʻi he ofoofo pea hoko ʻo fakatumutumu;
Koeʻuhi ʻe ʻi ai ʻa e meʻa ʻe hoko ʻi homou ngaahi ʻahó
ʻA ia heʻikai te mou tui ki ai naʻa mo hano tala atu ia kiate kimoutolu.+
ʻOku nau ʻalu atu ki he fuʻu manafa ʻo e māmaní
Ke puke ha ngaahi ʻapi ʻoku ʻikai ʻonautolu.+
7 ʻOku nau fakamanavahē mo fakailifia.
ʻOku nau fokotuʻu ʻenau fakamaau totonu pē ʻanautolu mo honau mafai.*+
8 ʻOku veʻe-vave ange ʻenau fanga hōsí ʻi he fanga lēpatí,
Pea ʻoku nau fakailifia ange ʻi he fanga ulofi ʻi he poʻulí.+
ʻOku tapakaki atu ʻenau fanga hoosi ki he taú;
ʻOku haʻu ʻenau fanga hōsí mei he mamaʻó.
ʻOku nau tūʻulu hifo ʻo hangē ko e fakavave ʻa e ʻīkalé ke kaí.+
9 Ko kinautolu kotoa ʻoku nau haʻú pē ke fakamālohi,+
ʻI hono fakatahatahaʻi honau matá ʻoku hangē ia ko e matangi hahaké,+
Pea ʻoku nau fakatahatahaʻi ʻa e kau pōpulá ʻo hangē ko e ʻoneʻoné.
ʻOku nau kataʻi ʻa e feituʻu fakakolotau kotoa pē;+
ʻOku nau fokotuʻu ha fakatafunga kelekele pea nau hū atu ai ʻo hamu ia.
11 ʻOku nau ngaʻunu atu leva ki muʻa ʻo hangē ko e matangí pea nau laka atu,
Ka te nau hoko ʻo halaia,+
12 ʻIkai ʻokú ke talu mei muʻa, ʻe Sihova?+
ʻE hoku ʻOtua, ko ʻeku Tokotaha Māʻoniʻoní, ʻoku ʻikai te ke mate.*+
ʻE Sihova, naʻá ke fakanofo kinautolu ke nau fakahoko ʻa e fakamaau;
ʻE hoku Makatuʻu,+ naʻá ke fokotuʻu kinautolu ki he tautea.*+
13 ʻOku fuʻu māʻoniʻoni ho fofongá ke vakai ki he meʻa ʻoku koví,
Pea heʻikai lava ke ke kātakiʻi ʻa e fulikivanú.+
Ko e hā leva ʻokú ke kātakiʻi ai ʻa e kākaá+
Pea hanganaki fakalongolongo ʻi hono folofua ʻe ha tangata fulikivanu ha tokotaha ʻoku māʻoniʻoni ange ia ʻiate ia?+
14 Ko e hā ʻokú ke fakaʻatā ai ʻa e tangatá ke ngaohia ʻo hangē ko e fanga ika ʻo e tahí,
Hangē ha ngaahi meʻa totolo mo ngaolo ʻoku ʻikai hanau pulé?
15 ʻOkú ne* fusi hake ʻa e kotoa ʻo e ngaahi meʻá ni ʻaki ha mātaʻu.
ʻOkú ne haʻo kinautolu ʻi heʻene kupenga tohó,
Pea ʻokú ne fakatahatahaʻi kinautolu ʻi heʻene kupengá.
Ko e ʻuhinga ia ʻokú ne fiefia lahi aí.+
16 Ko e ʻuhinga ia ʻokú ne fai ai ʻa e ngaahi feilaulau ki heʻene kupenga tohó
Pea fai mo e ngaahi feilaulau* ki heʻene kupengá;
He ʻoku vovo* ʻa hono ʻinasi ʻoku maʻu mei he kupengá,
Pea ko ʻene meʻakaí ʻoku laulōtaha.
17 Te ne hanganaki fakafonu mo ʻaʻau ai pē ʻa ʻene kupenga tohó?*
ʻE hokohoko ai pē ʻa ʻene tāmateʻi ʻa e ngaahi puleʻangá ʻo ʻikai haʻane manavaʻofa?+
Te u leʻo ai pē ke vakai pe ko e hā ʻa e meʻa ʻokú ne loto ke u leaʻakí
Pea ko e hā haʻaku tali ʻe fai ʻi he taimi ʻe valokiʻi ai aú.
2 Naʻe tali mai leva ʻe Sihova:
“Tohi ʻa e vīsoné, pea hiki ia ke mahino ʻi ha ngaahi lauʻimaka,+
Koeʻuhí ke faingofua*+ hano lau leʻo-lahi ia ʻe ha tokotaha.
3 He ko e vīsoné ʻoku tuʻu ia ki hono taimi kuo kotofa,
Pea ʻoku vave ke aʻu ia ki hono ngataʻangá,* pea ʻe ʻikai loi ia.
Neongo kapau ʻe toloi ia,* hanganaki ʻamanaki pē ki ai!*+
He kuo pau ke hoko moʻoni ia.
ʻE ʻikai ke tōmui!
4 Vakai ki he tokotaha ʻoku pōlepolé;
ʻOku ʻikai ke ne faitotonu ʻiate ia tonu.
Ka ko e tokotaha māʻoniʻoní te ne moʻui ʻi heʻene faitōnungá.*+
5 Ko e moʻoni, koeʻuhi ko e uainé ʻoku kākā,
Heʻikai aʻusia ai ʻe he tangata hīkisiá ʻa ʻene taumuʻá.
ʻOkú ne ʻai ke lahi ʻa ʻene ʻuakaí ʻo hangē ko e Faʻitoká;*
ʻOkú ne hangē ko e maté ʻo ʻikai lava ke ne mākona.
ʻOkú ne hanganaki fakatahatahaʻi mai ʻa e kotoa ʻo e ngaahi puleʻangá
Pea tānaki mai kiate ia ʻa e kotoa ʻo e ngaahi kakaí.+
6 ʻIkai ʻe leaʻaki ʻe he faʻahingá ni kotoa ha lea fakaefakatātā, ha lea heliaki, mo ha ngaahi tupuʻa kiate ia?+
Te nau pehē:
‘ʻOiauē ʻa ia ʻokú ne tātānaki ʻa e meʻa ʻoku ʻikai ʻaʻaná
—Ko e hā hono fuoloá?—
Pea ʻokú ne ʻai ke toe lahi ange ʻa hono moʻuá!
7 ʻIkai ʻe tuʻu fakafokifā hake ʻa e faʻahinga ʻokú ke moʻua ki aí?
Te nau ʻā hake ʻo luluʻi koe,
Pea te ke hoko ko ha meʻa ke nau faʻao fakamālohi.+
8 Koeʻuhí naʻá ke fai ʻa e faʻao fakamālohi mei he ngaahi puleʻanga lahi,
Ko e toenga kotoa ʻo e ngaahi kakaí te nau fai ha faʻao fakamālohi meiate koe,+
Koeʻuhí ko hoʻo lilingi ʻa e toto ʻo e faʻahinga ʻo e tangatá
Pea mo hoʻo faifakamālohi ki he māmaní,
Ki he ngaahi koló pea ki he faʻahinga ʻoku nofo ʻi aí.+
9 ʻOiauē ʻa e tokotaha ʻokú ne tānaki ha tupu taʻetotonu maʻa hono falé,
Koeʻuhi ke fokotuʻu ʻa hono punungá ʻi he taukakapá,
Ke hao mei hono maʻu ia ʻe he faingataʻá!
10 Kuó ke faʻufaʻu ha meʻa ke hoko ʻo fakamā ki ho falé.
ʻI hono tafiʻi atu ʻa e ngaahi kakai lahí ʻokú ke angahala ai ʻiate koe tonu.+
11 He ʻe tangi ha maka mei he ʻaá,
Pea ʻe fai ha tali ki ai ʻe ha sā mei he ʻató.
12 ʻOiauē ʻa e tokotaha ʻokú ne langa ha kolo ʻaki ʻa e lingitotó,
Pea ʻokú ne fokotuʻu ha kolo ʻaki ʻa e taʻemāʻoniʻoní!
13 Vakai! ʻIkai ʻoku meia Sihova ʻo e ngaahi kau taú ʻa e ngāue mālohi ʻa e ngaahi kakaí ki he meʻa ʻe iku atu ki he afí,
Pea ko e ngaahi puleʻangá ʻoku nau fakaongosia noa pē?+
14 He ko e māmaní ʻe fonu ʻi he ʻilo ki he lāngilangi ʻo Sihová
ʻO hangē ko hono ʻufiʻufi ʻe he vaí ʻa e tahí.+
15 ʻOiauē ʻa e tokotaha ʻokú ne ʻoange ha meʻa ke inu ʻe hono ngaahi kaungāmeʻá,
ʻO tānaki ki ai ʻene ʻitá mo ʻene lilí, ke ʻai kinautolu ke nau konā,
Koeʻuhi ke ne sio ki heʻenau telefuá!
16 ʻE fakafonu koe ʻaki ʻa e taʻetokaʻi ʻo ʻikai ko e lāngilangi.
Ko koe foki—ke ke inu pea fakaeʻa atu ʻa ho tuʻunga taʻekamú.*
Ko e ipu ʻi he nima toʻomataʻu ʻo Sihová ʻe ʻoatu ia kiate koe,+
Pea ko e fakamaá te ne ʻufiʻufi ho lāngilangí.
17 He ko e fakamālohi kuo fai ki Lepanoní te ne ʻufiʻufi koe,
Pea ko e fakaʻauha kuó ne fakailifiaʻi ʻa e fanga manú ʻe hoko kiate koe,
Koeʻuhí ko hoʻo lilingi ʻa e toto ʻo e faʻahinga ʻo e tangatá
Pea mo hoʻo faifakamālohi ki he māmaní,
Ki he ngaahi koló pea ki he faʻahinga ʻoku nofo ʻi aí.+
18 Ko e hā hono ʻaonga ʻo ha ʻīmisi kuo tongi
ʻI he ʻosi hono tā-tongitongi ia ʻe hono tokotaha-ngaohí?
Ko e hā hono ʻaonga ʻo ha ʻīmisi mētale* mo ha faiako ʻo e loí,
Neongo ʻoku falala ki ai ʻa hono tokotaha-ngaohí,
ʻO ne ngaohi ha ngaahi ʻotua taʻeʻaonga ʻoku ʻikai ke nau lava ʻo leá?+
19 ʻOiauē ʻa e tokotaha ʻokú ne pehē ki ha konga ʻakau, “ʻĀ hake!”
Pe ki he maka ʻoku ʻikai lava ʻo leá, “Ofo hake! Fakahinohinoʻi kimautolu!”
20 Ka ko Sihova ē ʻoku ʻi hono temipale tapú.+
Ke sīlongo ʻi hono ʻaó, ʻa e kotoa ʻo māmaní!’”+
3 Ko e lotu ʻa Hapakuke ko e palōfitá, ʻi he ngaahi taʻanga tangi:*
2 ʻE Sihova, kuó u fanongo ʻi he fakamatala fekauʻaki mo koé.
ʻOku ou manavahē, ʻe Sihova, ʻi hoʻo ngāué.
ʻI he lolotonga ʻa e ngaahi taʻú,* toe fakahoko muʻa ia!
ʻI he lolotonga ʻa e ngaahi taʻú,* ʻai muʻa ia ke ʻiloa.
ʻOfa ke ke manatuʻi ke fakahāhā ʻa e mēsí ʻi he lolotonga ʻa e māveuveú.+
Naʻe ʻufiʻufi ʻe hono lāngilangí ʻa e ngaahi langí;+
Naʻe fonu ʻa e māmaní ʻi hono fakahīkihikiʻí.
4 Naʻá ne huhulu ngingila ʻo hangē ko e maama ʻo e ʻahó.+
Naʻe tapa ha huelo ʻe ua mei hono nimá,
ʻA e potu naʻe fufū ai hono mālohí.
6 Naʻá ne tuʻu maʻu ʻo ne luluʻi ʻa e māmaní.+
Naʻá ne ʻai ke tetetete ʻa e ngaahi puleʻangá ʻaki ha foʻi sio pē.+
Naʻe lailai ʻa e ngaahi moʻunga taʻengatá.
Pea naʻe tālolo+ ʻa e ngaahi foʻi māʻolunga mei he kuonga muʻá.
Ko ʻene ngaahi founga pē eni talu mei he kuohilí.
7 Naʻá ku sio ki he mamahi ʻi he ngaahi tēniti ʻo Kusá.
Naʻe tetetete+ ʻa e ngaahi tupenu tēniti ʻo e fonua ko Mitianí.
8 Ko e ngaahi vaitafé koā, ʻe Sihova,
Ko e ngaahi vaitafé koā ʻoku kakaha ki ai ʻa hoʻo houhaú?
Pe ko hoʻo tuʻutāmakí koā ki he tahí?+
9 Kuó ke toʻo ki tuʻa ʻa hoʻo kaufaná pea ʻokú ke mateuteu ke fana ʻaki.
ʻOku mateuteu ʻa e ngaahi foʻi vaʻakaú* ke fai ʻenau ngāué ʻo fakatatau ki ha fuakava.* (Sila)
ʻOkú ke tofi ʻa e fonuá ʻaki ʻa e ngaahi vaitafé.
10 Naʻe kenu mamahi ʻa e ngaahi moʻungá ʻi heʻenau sio kiate koé.+
Naʻe ʻalu atu ha fuʻu lōvai ki he fonuá.
Naʻe ʻuʻulu leʻo-lahi ʻa e vai lolotó.+
Naʻe pā mai ʻo aake māʻolunga ʻa e vaí ʻi he ʻataá.
11 Naʻe tuʻu maʻu ʻa e laʻaá mo e māhiná ʻi hona tuʻuʻanga ʻi he taukakapá.+
Naʻe ʻalu atu ʻa hoʻo ngaahi foʻi ngahau ngingilá.+
Ko e tapa ʻa hoʻo taó naʻe hangē ha fatulisí.
12 Naʻá ke laka atu ʻi he māmaní ʻi hoʻo tuputāmakí.
Naʻá ke tāmalaki* ʻa e ngaahi puleʻangá ʻi hoʻo houhaú.
13 Naʻá ke ʻalu atu ke fakamoʻui ho kakaí, ke fakahaofi ʻa hoʻo tokotaha paní.
Naʻá ke laiki ʻa e tokotaha taki* ʻo e fale ʻo e fulikivanú.
Naʻe fakaeʻa atu ia mei he fakavaʻé ʻo aʻu ki ʻolunga.* (Sila)
14 Naʻá ke hokaʻi ʻa e ʻulu ʻo ʻene kau pāteʻi taú ʻaki ʻa ʻene ngaahi meʻatau* pē ʻaʻaná
ʻI heʻenau ʻaukolo mai ke fakamovetevete aú.
Naʻa nau fiefia lahi ke keina fakafufū ha tokotaha faingataʻaʻia.
15 Naʻá ke laka atu mo hoʻo fanga hōsí ʻi he tahí,
ʻI he ngaahi fuʻu vai lahi naʻe āké.
16 Naʻá ku fanongo pea naʻá ku tetetete ʻi loto ʻiate au;*
Naʻe tete ʻa hoku loungutú ʻi he ongo mai ʻa e pōpoakí.
Naʻe hū ʻa e popó ki hoku ngaahi huí;+
Naʻe tete ʻa hoku ongo vaʻé.
Ka naʻá ku tatali fakalongolongo pē ki he ʻaho ʻo e tuʻutāmakí,+
Koeʻuhí ʻe hoko mai ia ki he kakai ʻoku nau ʻohofi kimautolú.
17 Neongo ʻe ʻikai fisi ʻa e fuʻu fikí,
Pea heʻikai nai ha fua ʻi he ʻulu kālepí;
Neongo ʻe ʻikai sai ʻa e ngoue ʻōlivé,
Pea ʻikai ʻomi ʻe he ngaahi ngoué ha meʻakai;
Neongo ʻe puli atu ʻa e fanga sipí mei he lotoʻaá,
Pea ʻikai ha fanga pulu ʻi he ngaahi tauhiʻanga monumanú;
18 Ka ko e meʻa kiate aú, te u hākahaka ʻia Sihova;
Te u fiefia ʻi he ʻOtua ko hoku fakamoʻuí.+
19 Ko e ʻEiki Hau ko Sihová ʻa hoku mālohí;+
Te ne ʻai ʻa hoku vaʻé ke hangē ha vaʻe ʻo ha tiá
Pea te ne ʻai au ke u tāmalaki ʻa e ngaahi potu māʻolungá.+
Ki he pule hivá; ke ngāueʻaki fakataha mo ʻeku ngaahi meʻalea filó.
Ngalingali ʻoku ʻuhinga ko e “Fāʻofua Loto-Māfana.”
Pe “fai ha fakahaofí.”
Pe “ngeia.”
Pe ngalingali, “ko honau mālohingá ʻa honau ʻotuá.”
Pe ngalingali, “ʻe ʻikai te mau mate.”
Pe “ki he valoki.”
ʻA ia, ko Kalitia ko e filí.
Pe “feilaulau fakakohu.”
Fakafoʻilea, “fonu ngako.”
Pe ngalingali, “Te ne hanganaki unuhi hake ʻa ʻene heletaá?”
Pe “tafe lelei.”
Pe “fakahokó.”
Pe “kapau ʻoku hā ngali toloi ia.”
Pe “tatali vēkeveke pē ki ai!”
Pe ngalingali, “ʻi heʻene tuí.”
Pe “ko Seolí,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Pe ngalingali, “peá ke tāsipa.”
Pe “ʻīmisi mētale kuo haka.”
Pe “ngaahi hiva ʻo e tengihia.”
Pe ngalingali, “ʻI homau taimí.”
Pe ngalingali, “ʻI homau taimí.”
Sio ki he Lea mo Hono ʻUhinga.
Pe “naʻá ne fai ʻa e fakamoʻui.”
Pe ngalingali, “ngaahi foʻi ngahaú.”
Pe ngalingali, “Ko e ngaahi matakalí kuo nau fai ha ngaahi fuakava.”
Pe “haha hangē ha uité.”
Fakafoʻilea, “ʻa e ʻulu.”
Fakafoʻilea, “ki he kiá.”
Fakafoʻilea, “ʻa ʻene ngaahi vaʻakau.”
Fakafoʻilea, “pea naʻe tete ʻa hoku keté.”