“Ueʻi ʻe he ʻOfa Naʻá Ne Fakahāhaá”

ʻI ha tohi naʻe fakatuʻasila ki he ʻōfisi vaʻa ʻo e Kau Fakamoʻoni ʻa Sihová ʻi ʻIukosilāviá, naʻe tohi ai ha tangata mei he kolo ko Nis:

“ʻOku ou fie ngāueʻaki ʻa e faingamālie ko ení ke fakamālō atu ai kia kimoutolu. ʻI he ʻaho taki taha ʻoku ou lau ai ʻa e ngaahi vahe ʻo e Tohitapú, pea ʻoku ou fiefia ʻi hono fai iá. ʻI he ngaahi ʻahó ni ʻoku ou toe lau ʻa e polosiua Ko e Hā ʻOku Fiemaʻu ʻe he ʻOtuá Meiate Kitautolú? ʻOku ou saiʻia ke fakamālō atu ki he meʻangāue fakaofo pehē ki hono mahinoʻi ʻa e Tohitapú. Ko e meʻa kotoa ʻi he polosiuá ʻoku fakamatalaʻi ia ʻi ha founga mātuʻaki faingofua mo mahino.

“Ko e meʻa ʻoku tautefito ʻene fakamānako kiate aú ko e lēsoni ʻoku fakamatala ai fekauʻaki mo Sīsū Kalaisí. Naʻe maongo kiate au ʻa e ʻofa naʻá ne fakahāhaá, ʻi heʻene foaki ʻa ʻene moʻui haohaoá maʻá e kakai naʻe ʻikai ʻaupito te ne ʻiloʻi. ʻOku totonu ke lāuʻilo kakato ʻa e tokotaha kotoa ki heʻene feilaulaú pea ʻoku totonu ke nau houngaʻia ai.”

ʻOku mau tui ko koe foki te ke maʻu ʻaonga mei hono lau ʻa e polosiua peesi ʻe 32 Ko e Hā ʻOku Fiemaʻu ʻe he ʻOtuá Meiate Kitautolú? Tuku kehe ʻa hono ngaahi lēsoni fakamānakó “Ko Hai ʻa Sīsū Kalaisi?” te ke maʻu ai mo e ngaahi lēsoni kehe, ʻo kau ai eni “Ko Hai ʻa e ʻOtuá?,” “Ko e Hā ʻa e Taumuʻa ʻa e ʻOtuá ki he Māmaní?,” pea “Ko e Hā ʻa e Puleʻanga ʻo e ʻOtuá?” Kapau te ke saiʻia ke kole ha tatau, fakafonu ʻa e kūponi ʻoku ʻoatu hení pea lī ia ki he tuʻasila ʻoku hā ʻi he kūponí pe ki ha tuʻasila feʻungamālie ʻa ia ʻoku fakahokohoko ʻi he peesi 5 ʻo e makasini ko ení.

□ ʻOmai muʻa kiate au ha tatau ʻo e polosiua Ko e Hā ʻOku Fiemaʻu ʻe he ʻOtuá Meiate Kitautolú?

Fakahaaʻi pe ko e lea fē.

□ Kātaki fetuʻutaki mai kiate au ʻo fekauʻaki mo ha ako Tohitapu taʻetotongi ʻi ʻapi.