“ʻI he Taimi ko Ení Naʻe Lea Mai Ia kia Au”
ʻI he 1994, naʻe pulusi ai ʻe he Kau Fakamoʻoni ʻa Sihová ha polosiua ʻoku lāulea ai ki he pole ʻo e fekuki mo e mate ʻa ha taha ʻofeina. Kuó ne ʻomai ʻa e fakafiemālie ki he tokolahi talu mei ai.
Ki muí ni mai, naʻe maʻu ai ha tohi mei ha tokotaha lautohi houngaʻia ʻi Pennsylvania, U.S.A., ʻa ia naʻá ne tohi: “ʻI heʻeku ʻuluaki maʻu ʻa e polosiuá, naʻá ku fakakaukau ai, ‘Ko ha tohi lelei ʻaupito ia.’ Kae kehe, naʻe ʻikai te u ʻiloʻi ʻa hono mālohí ka ne taʻeʻoua ʻa e mole atu ʻa ʻeku taʻahiné ʻi he uike ʻe ua kuo maliu atú. ʻI heʻeku loto-mamahi fakaʻaufulí pea kumi ki ha tokoní, naʻá ku hanga ai ki he polosiuá. ʻI he taimi ko ení naʻe lea mai ia kia au. Naʻá ne kāpui ʻa e meʻa kotoa ʻokú ne fakalotomamahiʻi aú, pea naʻá ne fakafiemālieʻi au.”
Ko e polosiua ʻI he Mate ha Taha ʻOkú Ke ʻOfa Ai ʻokú ne tali ʻa e ngaahi fehuʻi hangē ko ia ko ení: ʻE anga-fēfē ʻeku fekuki mo hoku loto-mamahí? ʻI he founga fē ʻoku malava ke tokoni ai ʻa e niʻihi kehé? Ko e hā ʻa e ʻamanaki ki he faʻahinga kuo nau maté?
Mahalo pē ko koe pe ko ha taha ʻokú ke ʻiloʻi te ne toe maʻu ʻa e fakafiemālie mei hono lau ʻa e polosiua peesi ʻe 32 ko ení. ʻE lava ke ke kole ha tatau ʻaki hono fakafonu ʻa e kūponi ʻoku ʻoatu hení pea lī ia ki he tuʻasila ʻoku fakahaaʻi ʻi he kūponí pe ki ha tuʻasila feʻungamālie ʻa ia ʻoku fakahokohoko ʻi he peesi 5 ʻo e makasini ko ení.
□ ʻOmai muʻa kiate au ha tatau ʻo e polosiua ʻI he Mate ha Taha ʻOkú Ke ʻOfa Ai.
□ Kātaki fetuʻutaki mai kiate au ʻo fekauʻaki mo ha ako Tohitapu taʻetotongi ʻi ʻapi.