‘ʻOkú Ne Tokoniʻi Au Ke U Kātaki ʻi he Malumalu ʻo e ʻAhiʻahí’

Ko e anga ia hono fakamatalaʻi ʻe ha tokotaha lautohi ʻe taha mei Connecticut, U.S.A., ʻa e tohi ʻUnuʻunu Ofi kia Sihova. “ʻOku ou ako ʻa hono kiʻi konga ʻi he ʻaho kotoa pē,” ko ʻene fakamatalá ia. “ʻI he ngaahi ʻaho ko ē ʻoku ʻai ai ʻe he loto-mafasiá ke faingataʻa kiate au naʻa mo ʻeku mānavá, ʻoku tokoniʻi au ʻe ha ako nounou ke u kātaki ʻi he malumalu ʻo e ʻahiʻahí.”

Naʻá ne hoko atu: “Ko e fakatātā ʻo e tauhi-sipi ʻofa fakaalaala ʻi he peesi 69 naʻá ne fakamāfanaʻi ʻa hoku lotó. Pea naʻá ku houngaʻia ʻi he poini he peesi 28, ʻi he palakalafi 8, fekauʻaki mo e meʻa naʻe hokosia ʻe Mōsese ʻi he fuʻu ʻakau naʻe velá ʻa ia ‘naʻa mo e kelekele takatakaí naʻe hoko ia ʻo māʻoniʻoni tupu mei heʻene felāveʻi mo Sihová!’ Kapau ʻoku aʻu ʻo lava ke ʻai ʻe Sihova naʻa mo e kelekelé ke māʻoniʻoni, tā ʻoku ʻi ai pē nai ha kiʻi ʻamanaki kiate au. Ko e fakakaukau ko ení kuó ne tokoniʻi lahi au koʻeuhi ko ʻeku fekuki mo e toutou loto-mafasiá.”

ʻOku mau tui te ke maʻu ʻaonga kapau te ke lau ʻa e tohi takafi molū peesi ʻe 320 ko ení, ʻUnuʻunu Ofi kia Sihova. ʻE lava ke ke kole ki ha tatau ʻaki hono fakafonu ʻa e kūponi ʻi hení pea meiliʻi ia ki he tuʻasila ʻoku ʻoatú pe ki ha tuʻasila feʻungamālie ʻoku lisi ʻi he peesi 5 ʻo e makasini ko ení.

□ ʻI he ʻikai kounaʻí, ʻoku ou kole atu ha tatau ʻo e tohi ʻUnuʻunu Ofi kia Sihova.

□ Kātaki fetuʻutaki mai kiate au ʻo fekauʻaki mo ha ako Tohi Tapu taʻetotongi ʻi ʻapi.