“Naʻá Ku Tangi ʻi he Taimi Naʻá Ku Lau Aí”
● Ko e lea ʻi ʻolungá ko e meʻa ia naʻe tohi ʻe ha fefine ʻi ʻIlinoi, ʻAmelika, fekauʻaki mo hono lau ʻa e tohi Ko e Moʻungaʻi Tangata Lahi Taha Kuo Moʻui Maí. Naʻá ne fakamatala ʻi heʻene tohí ki he kau faipulusi ʻo e tohí, “Naʻá ku ʻamanaki pē mo lotu ʻe fiefia lahi hangē ko aú ʻa e kakai tokolahi ange ʻi he lautohi fekauʻaki mo Sīsuú.”
Ko e tohi Moʻungaʻi Tangata ʻoku ʻomai ai ha fakamatala fekauʻaki mo e moʻui ʻa Sīsuú makatuʻunga ʻi he ngaahi tohi fakamānavaʻi ʻa e toko fā ʻo hono toʻutangatá, ʻa ia ko Mātiu, Maʻake, Luke, pea mo Sione. Ko Mātiu mo Sioné ko e ongo ʻapositolo kinaua pea ko e kaungā fononga ʻo Sīsū. Ko Maʻaké ko ha kaumeʻa ofi ia ʻo Pita, ko e taha ʻo e kau ʻapositolo ʻa Sīsuú. Pea ko e toketā ko Luké ko ha kaungā fononga ia ʻo e ʻapositolo ko Paulá.
Kapau te ke saiʻia ke maʻu ha tatau taʻetotongi ʻo e tohi fakatātā kakato ko ení, kātaki ʻo fakafonu ʻa e kūponi ʻoku ʻoatu hení, pea meiliʻi ia ʻo ngāueʻaki ha tuʻasila feʻungamālie ʻe maʻu ʻi he peesi 5 ʻo e makasini ko ení.
□ ʻI he ʻikai kounaʻí, ʻoku ou kole atu ha tatau ʻo e tohi ʻoku hā hení.
□ Kātaki ʻo fetuʻutaki mai kiate au ʻo fekauʻaki mo ha ako Tohi Tapu taʻetotongi ʻi ʻapi.