“ʻE ʻIkai Manatua ʻa e ʻUluaki, . . .  ʻE ʻIkai Te Nau Hake ʻi he Loto ʻo ha Taha”

Kuo fakaeʻa ʻe hotau Tokotaha-Fakatupú ʻa e meʻa te ne fai ʻi he kahaʻu ofi maí. ʻOkú ne fakahaaʻi:

“Vakai, ʻoku ou fakatupu ha ngaahi langi foʻou mo ha fonua foʻou: pea ʻe ʻikai manatua ʻa e ʻuluaki, pea ʻe ʻikai te nau hake ʻi he loto ʻo ha taha.”—ʻAISEA 65:17.

Ko e hā ʻa e “ʻuluaki” ʻe ʻikai te nau “hake ʻi he loto ʻo ha tahá”? ʻOku fakahaaʻi ʻi he potutohí ko e fakamaau taʻetotonu, puke, faingataʻaʻia, mo e ngaahi meʻa fakamamahi lahi kehe ʻokú ne fakamamahiʻi ʻa e faʻahinga ʻo e tangatá. ʻE ngata fēfē ʻa e ngaahi meʻa fakamamahi ko iá? Ko e fakapulipulí ʻoku ʻi he “ngaahi langi foʻou” mo e “fonua foʻou” ʻa ia ne tomuʻa talá.

Ko e kupuʻi lea mālie ko iá mo hono ʻuhingá ʻe fakamatalaʻi ia ʻi he malanga maʻá e kakaí “ʻE ʻIkai Manatua ʻa e ʻUluaki, pea ʻe ʻIkai Te Nau Hake ʻi he Loto ʻo ha Taha.” Ko e malangá ʻe fakahoko ia ʻi he ngaahi Fakataha-Lahi Fakavahe “Lama Ho Lotó!” ʻa e Kau Fakamoʻoni ʻa Sihová, ʻe kamata ʻi Mē ʻi ʻAmelika pea hokohoko atu ai takatakai ʻi he māmaní.

ʻOku fakaafeʻi loto-māfana atu koe ke ke maʻu ʻa e fakataha-lahi ofi taha kiate koé. Ki ha ngaahi fakaikiiki pau, kātaki ʻo fetuʻutaki ki he Kau Fakamoʻoni ʻa Sihova ʻi ho feituʻú pe tohi ki he kau faipulusi ʻo e makasini ko ení. Ko e Uepisaiti www.pr2711.com ʻoku fakahokohoko atu ai ʻa e ngaahi feituʻu faiʻanga fakataha-lahí ʻi ʻAositelēlia, Nuʻu Sila, mo e ʻOtu Motu ʻi he Pasifikí.