Hiva 66

Ko e Mālohi ʻo e Anga-Leleí

(Loma 2:4)

1. Mālō tuha kia Sihova,

ʻEne ʻaloʻofa

Ki he tangata kuo hingá,

Tau ʻiloʻi ia!

Neongo ʻene mafi lahi,

ʻOkú ne fakaʻatuʻi.

Heʻene anga-lelei,

Tau tōnunga ai.

2. Akoʻi Sīsū moʻoní,

Ne anga-vaivai,

Anga-lelei kia lāuvale,

Vaivaí ne tauhi.

ʻEne ako fai he ʻofá,

Langa hake ongosia,

ʻOfa ʻOtua ai tangatá,

He loto kotoa.

3. Tala he Tohí tau fua

Ko anga-lelei

Hangē Sihova mo Sīsū,

Pea ʻe tāpuaki.

He fihi palopalema,

ʻIlo ko hono faitoʻó

Tā ke te anga-lelei

Pea mokomoko.

4. Tau lava ha lelei lahi

Ka ʻilo e ivi

Anga-lelei fakalotu,

Tolonga mo lahi!

Monūʻia maʻu maí

Lahi ki he kau foaki.

ʻOmi he anga-leleí

Sihova e viki.