Konga 1
Ko ʻApi: Feangainga mo e Ngaahi Mēmipa ʻo e Fāmilí
“Meʻa Ifo Moʻoni ko ʻApi.” Ko e lea anga-maheni ko ení ʻokú ne fakamatalaʻi ha foʻi fakakaukau ʻoku hā motuʻa ʻaupito he ngaahi ʻahó ni. Ko e ngaahi fepaki fusifusiloto ʻa e fāmilí ʻokú ne liliu ai ʻa e ngaahi ʻapi lahi ko ha malaʻe tau moʻoni. Pea ko ha motuhia lahi ʻa e fetuʻutakí ʻoku faʻa fakataʻeʻaongaʻi ai ha ngaahi feinga fakamelino pē.
ʻOkú ke loto ke hoko ho ʻapí ko ha taulanga ū ʻo e melino kae ʻikai ko ha feituʻu faiʻanga tau? Ko e moʻoni, kuo pau ke fai ʻe he ngaahi mēmipa kehe ʻo e fāmilí ʻenau tafaʻakí. Ka ʻi hono ngāueʻaki pōtoʻi ha ngaahi tefitoʻi moʻoni siʻi Fakatohitapu, ʻe lava ke ke fai ai ʻa e meʻa lahi ke tokoni ki he melino ho ʻapí.