Konga 10

Ko Ho Kahaʻú

Ko e toʻutupu ʻi he ʻaho ní kuo nau tupu hake ʻi he fakamanamana ʻo e ʻikai ʻaupito ʻi ai hanau kahaʻú. Ko e tau fakaniukiliá, fakatamaki ʻi he felāveʻiʻaki ʻa e ngaahi meʻamoʻuí mo honau ʻātakaí mo e moveuveu fakaʻekonōmiká ʻoku nau maluʻaki kotoa mai. Kae kehe, mahalo ko e tufakanga ʻo e faʻahinga ʻo e tangatá ʻa e meʻa siʻi taha ʻokú ke hohaʻa ki aí. Te ke tokanga lahi ange nai ki he tuʻunga te ke ʻi ai ʻi he taʻu ʻe 10, 20 pe 30 mei hení.

Ko e meʻa fakafiefiá, ʻoku ʻi ai ʻa e ʻuhinga moʻoni ke ke fakatuʻamelie ai ki ho kahaʻú. ʻOku fakatuʻunga eni ʻi he anga ʻo hoʻo ngāueʻaki ʻa e lolotonga ní.