Fakamulituku

Kuo faifai ange peá ke manatu ki he ngaahi taimi lelei naʻá ke maʻu mo e kakai ʻa Sihová—ko ha fakataha fakalototoʻa ʻa e fakatahaʻangá, ko ha fakataha-lahi fakaueʻiloto, ko ha hokosia fakafiefia ʻi he ngāue fakafaifekaú, pe ko ha fetalanoaʻaki lelei pē mo ha kaungātui? Kuo ʻikai ngalo ʻiate koe ʻa Sihova; pehē pē mo e ʻikai ngalo koe ʻiate ia. ʻOkú ne manatu ʻofa ki hoʻo ngāue faitōnungá. Pea ʻokú ne vēkeveke ke tokoniʻi koe ke ke foki ange kiate ia.

“Te u ʻeke [pe kumi] ʻe au ʻeku fanga sipi,” ko e folofola ia ʻa Sihová, “pea te u tokangaʻi kinautolu ʻe au. Hange ko e tokanga ʻa e tauhi ki heʻene takanga ʻi he ʻaho ʻoku ne hoko ki he lotolotonga o ʻene fanga sipi kuo movete, ʻe pehe ʻeku tokangaʻi ʻeku fanga sipi; pea te u fakahaofi kinautolu mei he ngaahi potu kehekehe ne veteki kinautolu ki ai.”—ʻIsikeli 34:11, 12.