Talateu ki he Konga 14

Naʻe fakamafola ʻe he muʻaki kau Kalisitiané ʻa e ongoongo lelei ʻo e Puleʻangá ki he feituʻu mamaʻo taha ʻo e māmaní. Naʻe fakahinohino ange ʻe Sīsū ʻa e feituʻu ke nau malanga aí pea ʻai ʻi he mana ke nau malava ʻo akoʻi ʻa e kakaí ʻi heʻenau leá tonu. Naʻe ʻai ʻe Sihova ke nau loto-toʻa pea ʻoange mo e mālohi ke nau ikunaʻi ʻa e fakatanga kakahá.

Naʻe ʻoange ʻe Sīsū ki he ʻapositolo ko Sioné ha vīsone ki he lāngilangi ʻo Sihová. ʻI ha toe vīsone ʻe taha, naʻe sio ai ʻa Sione ki hono ikunaʻi ʻe he Puleʻanga ʻo hēvaní ʻa Sētane pea fakangata ʻa ʻene pulé ʻo taʻengata. Naʻe sio ʻa Sione kia Sīsū ʻokú ne pule ko e Tuʻi fakataha mo hono kaungāpule ʻe toko 144,000. Naʻe toe sio ʻa Sione ki he hoko ʻa e māmaní kotoa ko ha palataisi ʻa ia ʻoku lotu ai ʻa e tokotaha kotoa kia Sihova ʻi he melino mo e fāʻūtaha.