Nofo Mali

Ko e hā ʻa e tupuʻanga ʻo e nofo malí?

Sēn. 1:27, 28; 2:22-24; Māt. 19:4-6

Ko hai ʻoku totonu ke fili ʻe ha Kalisitiane ko hono hoa malí?

Ko e hā heʻikai tali ai ʻe ha Kalisitiane moʻoni ke mali hano foha pe ʻofefine ʻosi papitaiso mo ha taha ʻoku teʻeki ke ne hoko ko ha sevāniti ʻosi fakatapui mo papitaiso ʻa Sihova?

1 Kol. 7:39; 2 Kol. 6:14, 15

Talanoa Fakatohitapu mahuʻinga:
- Sēn. 24:1-4, 7—Ko e taʻumotuʻa ko ʻĒpalahamé ʻokú ne fakapapauʻi ke kumi ha uaifi maʻa hono foha ko ʻAisaké mei he faʻahinga ʻoku nau lotu kia Sihová, kae ʻikai mei he kau Kēnaní, ʻoku nau lotu ki he ngaahi ʻotua kehe
- Sēn. 28:1-4—ʻOku fakahinohinoʻi ʻe ʻAisake hono foha ko Sēkopé ke ne kumi hano uaifi mei he kaungātuí, ʻo ʻikai mei he kau Kēnaní

ʻOku anga-fēfē ʻa e ongoʻi ʻa Sihova fekauʻaki mo e faʻahinga ʻoku nau mali mo ha tokotaha taʻetui?

Teu. 7:3, 4

Talanoa Fakatohitapu mahuʻinga:
- 1 Tuʻi 11:1-6, 9-11—ʻOku hoko ʻa Sihova ʻo houhau ʻia Tuʻi Solomone koeʻuhi ko ʻene tukunoaʻi ʻene ngaahi fakatokanga fakaʻotua fekauʻaki mo e mali mo e ngaahi uaifi mulí, pea ki hono fakaʻatā kinautolu ke nau fakameleʻi hono lotó
- Nehe. 13:23-27—Ko Kōvana Nehemaia ʻokú ne akonakiʻi mo fakatonutonu ʻa e kakai talangataʻa naʻa nau mali mo e kau taʻetui mei he ngaahi fonua kehekehé pea ʻoku tapua mai ai ʻa e houhau māʻoniʻoni ʻa Sihová

Ko e hā ʻoku fakapotopoto ai ke fili ha hoa mali ʻokú ne tauhi faitōnunga kia Sihova pea ʻoku lelei hono ongoongó?

Pal. 18:22; 31:10, 28

Sio foki ki he ʻEf. 5:28-31, 33

Talanoa Fakatohitapu mahuʻinga:
- 1 Sām. 25:2, 3, 14-17—Ko Nāpale ko ha tangata koloaʻia, ka ʻoku ne anga-fefeka mo anga-kakaha, ʻo ne hoko ai ko ha husepāniti kovi kia ʻApikale
- Pal. 21:9—Ko hono fili ha hoa mali ʻikai lelei ʻe lava ke ne ʻai kitautolu ke tau loto-mamahi pea kaihaʻasia ai ʻetau nongá
- Loma 7:2—ʻOku fakamatalaʻi ʻe he ʻapositolo ko Paulá ʻi he mali ʻa ha fefine, ʻokú ne ʻi he malumalu ai ʻo e mafai ʻo hono husepāniti taʻehaohaoá; ko ia ai, ko ha fefine fakapotopoto te ne fakakaukau fakalelei pe ko hai te ne tali ke hoko ko hono hoá

Mateuteu ki he nofo mali

Ko e hā ʻoku totonu ke mateuteu ai ha tangata ke ne tauhi ha fāmili ki muʻa ke ne fakakaukau ki he nofo malí?

1 Tīm. 5:8

Talanoa Fakatohitapu mahuʻinga:
- Pal. 24:27—Ki muʻa ke mali ha tangata pea malava ke ne maʻu fānau, ʻoku totonu ke ne ngāue mālohi koeʻuhí ke ne mateuteu ke tauhi ha fāmili

Ko e hā ʻoku totonu ai ki ha ongo meʻa ʻokú na faisō ke na tokangataha ki he kumi ki he faleʻi fakapotopotó pea feinga ke na feʻilongaki lelei kae ʻikai tokangataha ki he fōtunga hā maí?

Pal. 13:10; 1 Pita 3:3-6

Talanoa Fakatohitapu mahuʻinga:
- Lute 2:4-7, 10-12—ʻOku ako ʻa Pōasi fekauʻaki mo e tōʻonga ʻa Luté ʻaki ʻene siofi ʻene ngāué pea fakakaukau ki he ngaahi fakamatala falalaʻanga fekauʻaki mo hono ongoongó, ko ʻene fakafeangai ki hono fāmilí pea mo hono tuʻunga fakalaumālié
- Lute 2:8, 9, 20—ʻOku ako ʻa Lute fekauʻaki mo Pōasi ʻaki ʻene siofi ʻene anga-ʻofá, ko ʻene nima-homó pea mo ʻene ʻofa kia Sihová

Ko e hā ʻoku fiemaʻu ai ʻe Sihova ki ha ongo meʻa ke na nofoʻaki maʻa fakaeʻulungaanga lolotonga ʻena faisoó mo e fakamaʻú?

Kal. 5:19; Kol. 3:5; 1 Tes. 4:4

Talanoa Fakatohitapu mahuʻinga:
- Pal. 5:18, 19—Ko e ngaahi founga ʻe niʻihi ʻo hono fakahāhā ʻo e ʻofá ʻoku fakahoko pē ia ʻe he faʻahinga kuo nau ʻosi mali
- Hiva. 1:2; 2:6—Lolotonga ʻa e faisoó ko e tamasiʻi tauhi-sipí mo e taʻahine Sūlemí ʻokú na fefakahāhāʻaki ʻa e ʻofá ʻi he founga maʻa, kae ʻikai ʻi he founga taʻemaʻa fakaefehokotaki fakasinó
- Hiva. 4:12; 8:8-10—ʻOku nofoʻaki anga-maʻa ʻa e taʻahine Sūlemí pea fakahāhā ʻa e mapuleʻi-kita; ʻokú ne hangē ha ngoue kuo lokaʻi

Ko e hā ʻoku totonu ai ki ha ongo meʻa ke na mali ʻo fakatatau ki he ngaahi fiemaʻu fakalaó?

Māt. 22:21; Loma 13:1; Tai. 3:1

Ngafa ʻo e husepānití

Ko e hā ʻa e ngaahi fatongia mafatukituki ʻoku vaheʻi ki he husepānití?

ʻEf. 5:23, 25, 28-31, 33

Ko e faʻifaʻitakiʻanga ʻa hai kuo pau ke faʻifaʻitaki ki ai ʻa e husepāniti Kalisitiané ʻi hono ngāueʻaki ʻa e tuʻunga-ʻulú?

1 Kol. 11:3; ʻEf. 5:23

ʻOku mahuʻinga fēfē ki ha husepāniti ke ne ngāue ʻi he ʻiloʻilo pea fakafeangai anga-ʻofa ki hono uaifí?

Kol. 3: 19; 1 Pita 3:7

Talanoa Fakatohitapu mahuʻinga:
- Sēn. 21:8-12—ʻOku fakahinohinoʻi ʻe Sihova ʻa ʻĒpalahame ke fanongo ki hono uaifí, ʻa Sela, neongo ko e meʻa naʻe fokotuʻu ange ʻe Selá naʻe ʻikai te ne saiʻia ai
- Pal. 31:10, 11, 16, 28—Ko e husepāniti fakapotopoto ʻo ha uaifi lavameʻa, ʻa ia ʻoku fakamatalaʻi ʻi he ngaahi veesi ko ení, ʻoku ʻikai ke ne fakapōpulaʻi hono uaifí pe nofo pē ʻo fakasio ʻene fehālaakí; ʻi hono kehé, ʻokú ne falala ki hono uaifí pea fakahīkihikiʻi ia
- ʻEf. 5:33—Ko e ngaahi lea fakamānavaʻi ʻa e ʻapositolo ko Paulá ʻoku fakahaaʻi ai ʻoku fiemaʻu makehe ʻe ha uaifi ke ne ongoʻi ʻoku ʻofaʻi ia ʻe hono husepānití

Ngafa ʻo e uaifí

Ko e hā ʻa e vāhenga-ngāue mātuʻaki mahuʻinga kuo ʻoange ʻe Sihova ki ha uaifi Kalisitiane?

Sēn. 2:18; Kol. 3:18; Tai. 2:4, 5

ʻOku siʻi ʻa e mahuʻinga ʻo e ngafa ʻo e uaifí ʻi ha faʻahinga founga?

Sēn. 1:26-28, 31; 2:18

Talanoa Fakatohitapu mahuʻinga:
- Pal. 1:8; 1 Kol. 7:4—ʻI he nofo malí pea mo e moʻui fakafāmilí, ʻoku maʻu ʻe he uaifí mo e faʻeé ha mafai mei he ʻOtuá
- 1 Kol. 11:3—ʻOku fakamatalaʻi ʻe he ʻapositolo ko Paulá ʻi he fokotuʻutuʻu ʻa Sihová, ko kitautolu kotoa ʻoku tau ʻi he malumalu ʻo ha tuʻunga-ʻulu tuku kehe pē ʻa e ʻOtua Māfimafi-Aoniú
- Hep. 13:7, 17—ʻI he fakatahaʻangá, ko e kau tangatá mo e kau fefiné fakatouʻosi ʻoku nau fakamoʻulaloa mo talangofua ki he faʻahinga kuo vaheʻi ke nau takimuʻá

ʻE lava fēfē ki he uaifi Kalisitiane ʻo ha tokotaha taʻetui ke ne ʻai ʻa Sihova ke fiefia?

1 Kol. 7:13-16; 1 Pita 3:1, 2

Ko e hā ʻoku totonu ai ki ha uaifi Kalisitiane ke ne tauhi maʻu ha ʻulungaanga fakaʻapaʻapa ki hono husepānití?

ʻEf. 5:33

Talanoa Fakatohitapu mahuʻinga:
- Sēn. 18:12; 1 Pita 3:5, 6—ʻOku fakafeangai ʻa Sela ki hono husepānití ʻi he fakaʻapaʻapa loloto, ʻo ne vakai kiate ia ko hono “ʻeiki” pe ʻulu fakalaumālie naʻa mo e ʻi heʻene fakakaukaú

Ko e faʻahinga uaifi fēfē ʻoku fakahīkihikiʻi ʻi he Tohi Tapú?

Pal. 19:14; 31:10, 13-31

Talanoa Fakatohitapu mahuʻinga:
- Sēn. 24:62-67—ʻOku tokoniʻi ʻe Lepeka hono husepānití, ʻa ʻAisake, ke ne maʻu ʻa e fakafiemālie hili ʻa e mate ʻene faʻeé
- 1 Sām. 25:14-24, 32-38—ʻOku maluʻi ʻe ʻApikale hono husepāniti valé pea fakahaofi hono falé ʻaki ʻene kōlenga anga-fakatōkilalo kia Tēvita
- ʻĒseta 4:6-17; 5:1-8; 7:1-6; 8:3-6—ʻOku tuʻo ua hono tuku ʻe Kuini ʻĒseta ʻene moʻuí ke ʻi ha tuʻunga fakatuʻutāmaki ʻaki ʻene ʻalu taʻefakaafeʻi ki hono husepānití, ʻa e tuʻí, ke kōlenga ki ha maluʻi maʻá e kakai ʻa e ʻOtuá

Fakaleleiʻi ʻa e fetōkehekeheʻakí

Ko e hā ʻa e ngaahi tefitoʻi moʻoni ʻe lava ke tokoni ki ha ongo meʻa ke fakaleleiʻi ʻa e ngaahi palopalema ʻoku malanga hake ʻi he nofo malí?

1 Kol. 13:4-8; ʻEf. 5:33; Kol. 3:12-14

Ko e hā ʻa e ngaahi tefitoʻi moʻoni ʻe lava ke ne tokoniʻi ha ongo meʻa ke maʻu ha vakai mafamafatatau ki he paʻangá?

Luke 12:15; Fil. 4:5; 1 Tīm. 6:9, 10; Hep. 13:5

Sio foki ki he “Paʻanga”

Ko e hā ʻa e ngaahi tefitoʻi moʻoni ʻe lava ke ne tokoniʻi ha ongo meʻa ke fakaleleiʻi ʻa e ngaahi ʻīsiu fekauʻaki mo e kāingá mo e fāmili-ʻi-he-fonó?

Saame 34:14; Māt. 19:5, 6; 1 Kol. 13:4, 5

Ko e hā ʻa e ngaahi tefitoʻi moʻoni te ne lava ʻo tataki ha ongo meʻa mali fekauʻaki mo e fehokotaki fakasinó?

Pal. 5:15-20; Māt. 5:27, 28; 1 Kol. 7:3-5; 10:24; Fil. 2:4; Hep. 13:4

Ko e hā ʻoku mahuʻinga ai ki ha hoa mali ke tokangataha ki he ngaahi ʻulungaanga lelei hono hoá kae ʻikai ki heʻene ngaahi tōnounoú?

Saame 103:14; 130:3, 4; Pal. 17:9; 1 Pita 4:8

Ko e hā ʻoku lelei ange ai ke fakaleleiʻi vave ʻa e ngaahi palopalemá ʻi he anga-ʻofa kae ʻikai nōfoʻi ʻi he loto-mamahí pe ʻitá?

Saame 37:8; Pal. 14:29; ʻEf. 4:26, 27; Sēm. 1:19, 20

Ko e hā ʻoku ʻikai ʻaupito totonu ai ki he kau Kalisitiané ke nau hoko ʻo ʻita tōlili, fekailangaki, lea kovi pe fakahoko ha faʻahinga ngaohikovia fakaesino pē?

Saame 11:5; Kal. 5:19-21; ʻEf. 4:31, 32; Tai. 3:2

ʻI he taimi ʻoku malanga hake ai ha fetōkehekeheʻaki, ko e hā ʻoku totonu ke fai ʻe he husepānití mo e uaifí fakatouʻosi?

Saame 34:14; Māt. 5:9; Loma 12:17, 18, 21

Ko e hā ʻa e tāpuaki ʻoku maʻu mei ha nofo mali ʻoku fakavaʻe ʻia Sihova?

Tml. 4:9-12

Ngaahi tuʻunga ki he nofo malí

Ko e hā ʻa e ngaahi tuʻunga ʻa Sihova fekauʻaki mo e fehokotaki fakasinó mo e nofo malí?

Pal. 6:32; Māt. 5:27, 28; 1 Kol. 6:9, 10; Hep. 13:4

ʻOku totonu ke fēfē ʻa e vakai ʻa e kau Kalisitiané ki he mali tokolahí?

Māt. 19:8, 9; 1 Kol. 7:2; 1 Tīm. 3:2, 12

ʻOku anga-fēfē ʻetau ʻiloʻi ko e nofo malí ʻoku totonu ke ʻi he vahaʻa pē ʻo ha tangata mo ha fefine?

Sēn. 2:18, 22, 24; Māt. 19:4-6; Loma 1:23-27

Ko e hā ʻoku totonu ai ki ha ongo meʻa mali ke na nofo fakataha ai pē?

Mk. 10:6-9; Loma 7:2, 3; 1 Kol. 7:10, 11

Ko e hā ʻa e makatuʻunga Fakatohitapu pē ʻe taha ki he kau Kalisitiané ki he vete malí?

Māt. 5:32; 19:9

ʻOku anga-fēfē ʻa e ongoʻi ʻa Sihova fekauʻaki mo e vete mali ʻo ʻikai ha makatuʻunga totonu ki aí?

Mal. 2:13-16

ʻI he mate ha hoa mali, ʻoku ʻataʻatā ʻa e hoa kei moʻuí ke toe mali?

Loma 7:2, 3; 1 Kol. 7:39