Naʻe Fakaongoongoleleiʻi ha Fakataha-Lahi ʻo “Kehe ʻAupito”
NAʻE ʻi ai ʻa e veiveiua lahi ʻa ha tokotaha faifakamafolalea ʻi ha letiō ʻi Lima, Pelū, ʻo fekauʻaki mo e Kau Fakamoʻoni ʻa Sihová. Kae kehe, hili hono maʻu ʻa e taha ʻo ʻenau ngaahi fakataha-lahi fakavahé, naʻe fakafokifā pē ʻa e liliu ʻa ʻene fakakaukaú. Ko hono moʻoní, naʻe mātuʻaki uesia ia he naʻá ne fai ha ngaahi fakamatala fakaongoongolelei ki heʻene kau fanongo letioó. Ko e konga hoko maí ko e ngaahi konga ia ʻo e meʻa naʻá ne leaʻakí:
“Naʻe mātuʻaki kehe ʻaupito ʻa e fakataha-lahí. Naʻe ʻikai ha lauʻi pepa ʻi he falikí pe ko ha taha tuʻuaki koloa. Naʻe ʻikai feʻefiʻefihi ai ʻa e meʻalelé. Naʻe ō ki he sitētiumé ʻa e kakai ʻe toko nima afe ua ngeau ʻi he fakamole pē ʻanautolu, ʻo taki taha toʻo ʻa e kane, ngaahi konga tupenu, meʻa tafi efu, polosi tafi, taufale, polosi olo fale, ngaahi kofu nima, mo e huhuʻa kemikale fakamaʻa ke fufulu mo oloʻaki ʻa e feituʻú. Ko e hā pē meʻa naʻe fiemaʻu ke valí, naʻa nau hoko atu ʻo vali ia. Pea ko hai ʻokú ne fakapaʻangá? ʻOku nau haʻu pē kinautolu mo ia! ʻI he taimi ʻoku fakahā atu ai kiate kinautolu ha meʻa ʻoku fiemaʻu ke faí, ʻoku nau ala kotoa ki honau kató ke foaki. Tala atu, ʻoku mohe ʻa e Siasi Katoliká ia ʻi he hoko mai ki he ngaahi meʻa peheé. ʻOku ou fie talamonū ki he Kau Fakamoʻoni ʻa Sihová mo e kau ngāue fakataha ʻi he meʻa ko iá. Pea ʻoku ou fielea kiate kinautolu mei he kotoa ʻo hoku lotó, ʻOfa ke tokoniʻi mo tāpuakiʻi kimoutolu ʻe he ʻOtuá.”
ʻI he taʻú ni ʻi he ngaahi kolo lalahi takatakai ʻi he māmaní, ʻe fiefia ai ʻa e Kau Fakamoʻoni ʻa Sihová ʻi he Fakataha-Lahi Fakavahe ko e “Founga ʻa e ʻOtuá ki he Moʻuí.” Te ke ʻi ai?
[Fakamatala ʻi he peesi 32]
“Naʻe ʻikai ha lauʻi pepa ʻi he falikí”