Fakataha Fakataʻu ʻi ʻOkatopa 2, 1999

KO E FAKATAHA FAKATAʻU ʻa e kau mēmipa ʻo e Watch Tower Bible and Tract Society of Pennsylvania ʻe fai ia ʻi ʻOkatopa 2, 1999, ʻi he Holo ʻAsemipilī ʻo e Kau Fakamoʻoni ʻa Sihová, 2932 Kennedy Boulevard, Jersey City, New Jersey. Ko ha fakataha ki muʻa ʻa e kau mēmipá pē ʻe fai ʻi he 9:15 pongipongi, hoko atu ai ʻa e fakataha lahi fakataʻú ʻi he 10:00 pongipongi.

Ko e kau mēmipa ʻo e Kautahá ʻoku totonu ke nau fakahā ki he ʻŌfisi ʻo e Sekelitalí he taimí ni fekauʻaki mo ha liliu pē ʻi honau ngaahi tuʻasila he meilí lolotonga ʻa e taʻu kuo ʻosí koeʻuhi ke lava ʻo aʻu kiate kinautolu ʻa e ngaahi tohi hokohoko ʻo e fakatokangá mo e ngaahi tohi pālotí ʻi he lolotonga ʻo Siulaí.

Ko e ngaahi tohi pālotí, ʻa ia ʻe ʻoatu ki he kau mēmipá fakataha mo e fakatokanga fekauʻaki mo e fakataha fakataʻú, kuo pau ke fakafoki mai ia ke aʻu ki he ʻŌfisi ʻo e Sekelitali ʻa e Sōsaietí ʻo ʻoua ʻe tōmui ange ʻi ʻAokosi 1. ʻOku totonu ki he mēmipa taki taha ke ne fakakakato pea fakafoki vave ʻa ʻene tohi pālotí, ʻo fakahaaʻi ai pe te ne ʻi he fakatahá ʻa ia tonu pe ʻikai. Ko e fakamatala ʻe fai ʻi he tohi pāloti taki taha ʻoku totonu ke fakapapauʻi ai ʻa e poini ko ʻení, koeʻuhi he ʻe fakafalala ki ai ʻa hono fakapapauʻi ʻa e faʻahinga ʻe ʻi ai tonu ʻi he fakatahá.

ʻOku ʻamanekina ko e fakatahá kotoa, kau ai ʻa e fakataha fakapisinisi anga-mahení mo e ngaahi līpōtí, ʻe ʻosi ia ʻi he 1:00 hoʻatā pe taimi nounou pē mei ai. ʻE ʻikai ha fakataha efiafi. Koeʻuhi ko e fakangatangata pē ʻa e nofoʻangá, ʻe hū tikite pē. ʻOku ʻikai ha ngaahi fokotuʻutuʻu ʻe fai ki hano fakahoko ʻa e fakataha fakataʻú ʻi he ngaahi laine telefoní ki ha ngaahi fale kehe.