ʻE Lava Ke Ke Sioloto Atu ki he Meʻa ʻOkú Ke Laú?

KE SIOLOTO ki he ngaahi meʻa ʻoku hokó, te ke ʻiloʻi ai ʻoku ʻaonga ke hoko ʻo alāanga mo e ngaahi feituʻu ʻokú ke lautohi fekauʻaki mo iá. Ko e fakatātaá, fakakaukau ki he ngaahi fononga fakamisinale ʻa e ʻapositolo ko Paulá, ʻoku fakamatala ki ai ʻi he tohi Tohi Tapu ʻa Ngāué. ʻI heʻene ʻuluaki fononga fakamisinalé, naʻá ne kamata mei ʻAniteoke, ʻa ia naʻe ʻuluaki ui ai ʻa e kau muimui ʻo Sīsuú ko e kau Kalisitiané. Mei aí naʻá ne fononga ai ki he ngaahi feituʻu hangē ko Salamisi, ʻAniteoke ʻo Pisitiá, ʻAikoniume, Līsita pea mo Teape. ʻE lava ke ke sioloto atu pe naʻe tuʻu ʻi fē ʻa e ngaahi feituʻu ko ení?

Mahalo pē ʻikai, kae ʻoua kuó ke maʻu ha mape. ʻI he polosiua foʻou peesi 36 ko e “See the Good Land,” ʻoku fakakau ai ha mape pehē. ʻOku fakamatala loto-houngaʻia ha tokotaha lautohi mei Montana, U.S.A.: “ʻOku lava ke u sio ki he ngaahi fononga ʻa Paulá pea feinga ke fakaʻuta atu ki he faʻahinga fononga naʻá ne faí pea mo e ngāue naʻá ne fai mo e faʻahinga kehe ki muʻá ʻi hono fakamafola ʻa e ongoongo leleí. Fakamālō atu ki he tokoni fakaemamata fakaʻofoʻofa ko iá.”

Ko e mape ʻo e ngaahi fononga ʻa Paulá ko e taha pē ia ʻi he ngaahi mape lahi ʻi he polosiua ko ení ʻa ia te ne tokoniʻi ʻa e tokotaha lautohí ke sioloto atu ki he meʻa ʻoku fakamatala ki ai ʻi he Tohi Tapú. ʻE lava ke ke kole ha tatau ʻo e “See the Good Land” ʻaki hono fakafonu ʻa e kūponi ʻoku ʻoatu hení pea meiliʻi ia ki he tuʻasila ʻoku fakahāʻí pe ki ha tuʻasila feʻungamālie ʻi he peesi 2 ʻo e makasini ko ení.

□ ʻI he ʻikai fakakounaʻí, ʻoku ou kole atu ha tatau ʻo e polosiua “See the Good Land.” Fakahaaʻi pe ko e lea fē.

□ Kātaki fetuʻutaki mai kiate au ʻo fekauʻaki mo ha ako Tohi Tapu taʻetotongi ʻi ʻapi.

[Maʻuʻanga ʻo e Tā ʻi he peesi 32]

Pictorial Archive (Near Eastern History) Est.