Ngaahi Fanongonongo

◼ Tohi ke tuʻuaki ʻi Fēpueli: Te Ke Malava ʻo Moʻui Taʻengata he Palataisi ʻi he Māmaní. Māʻasi: “Vakai! ʻOku Ou Fakafoʻou ʻa e Meʻa Kotoa Pe”. ʻEpeleli mo Mē: Tukuhau ki he Taua Leʻo. FAKATOKANGA: Ko e ngaahi fakatahaʻanga te nau fiemaʻu ʻa e ngaahi tohi ki he feingatau ʻoku lave ki ai ʻi ʻolungá ʻoku totonu ke nau kole ia ʻi he Literature Request Form (S(d)-14) ʻi he māhina ka hoko maí.

◼ ʻOku totonu ke vakai ʻa e sekelitalí mo e ʻovasia ngāué ki he ngāue ʻa e kau taaimuʻa tuʻumaʻu hono kotoa pē. Kapau ʻoku faingataʻa ki he niʻihi ke nau lavaʻi ʻa e ngaahi houa ʻoku fiemaʻú, ʻoku totonu ki he kau mātuʻá ke nau fai ha fokotuʻutuʻu ke fai ha tokoni kiate kinautolu. Ke maʻu ha ngaahi fokotuʻu, toe sio ki he ongo tohi ʻa e Sōsaietí (S-201) ʻo ʻOkatopa 1, 1992, mo ʻOkatopa 1, 1991. Toe sio foki ki he palakalafi 12-20 ʻo e fakalahi ʻo e Ko ʻEtau Ngāue Fakafaifekau ʻo e Puleʻanga ʻo ʻAokosi 1986.

◼ Ko e Fakamanatú ʻe fai ʻi he ʻaho Tūsite, ʻEpeleli 6, 1993. Neongo ʻe kamata ʻa e malangá ia ki muʻa, kātaki ʻo manatuʻi muʻa ko hono ʻoatu ʻo e mā mo e uaine ʻo e Fakamanatú ʻoku totonu ke ʻoua naʻa kamata ia kaeʻoua ke tō ʻa e laʻaá. Vakaiʻi ʻa e ngaahi feituʻu fakalotofonua ke fakapapauʻi ʻa e taimi ʻoku tō ai ʻa e laʻaá ʻi he feituʻu ʻokú ke ʻi aí. Ko e ngaahi fakataha pē ki he ngāue fakamalangá ʻe fai ʻi he ʻaho ko iá. Kapau ʻoku fakataha ʻa hoʻo fakatahaʻangá ʻi he Tūsité, te mou loto nai ke liliu ia ki ha ʻaho kehe ʻi he uiké kapau ʻoku ʻatā ʻa e Kingdom Hall. Kapau ʻoku faʻa fai ʻa e Fakataha Ngāue ʻi he Tūsité, ʻe lava nai ke fakakau ki ha Fakataha Ngāue ʻe taha ha ngaahi konga naʻe vaheʻi ki he uike ko iá ʻa ia ʻoku feʻunga tautautefito ki hoʻo fakatahaʻangá. Ko e ngaahi fakatahaʻanga ʻoku ʻaʻahi ki ai ʻa e ʻovasia fakafeituʻú ʻoku totonu ke fokotuʻutuʻu ʻo nau fai ʻenau fakatahá ʻi he efiafi ʻo ha ʻaho kehe kae ʻikai ʻi he efiafi Tūsité.

◼ Ko e kau malanga ʻoku nau loto ke nau kau ki he ngāue taaimuʻa fakataimí ʻi Māʻasi mo ʻEpeleli ʻoku totonu ke fai ʻa ʻenau ngaahi fokotuʻutuʻú ʻi he taimí ni pea ʻomai kei taimi ʻa ʻenau tohi kolé. ʻOku tokoni ʻeni ki he kau mātuʻá ke nau fai ʻa e ngaahi fokotuʻutuʻu ki he ngāue fakamalanga ʻoku fiemaʻú pea ke maʻu foki mo ha ngaahi tohi feʻunga.