Ngaahi Fanongonongo

◼ Ko e tohi ke tuʻuaki ʻi Mē: Ko e Taua Leʻo mo e Awake! pea pehē ki ha taha pē ʻo e ngaahi polosiua (tukukehe ʻa e polosiua ko e School). Sune: The Greatest Man Who Ever Lived kiate kinautolu ʻoku lea faka-Pilitānia. Nofo ʻAmanaki ki he Maama Foʻou Maʻoniʻoni mo e Ongoongo Lelei ʻi he lea faka-Tongá. Siulai: Ko ha taha ʻo e ngaahi polosiua ko ʻení ʻoku fakahā atú ʻe lava ke ngāueʻaki: Moʻui Fiefia ʻI He Mamani ʻO Taʻengata!, “Vakai! ʻOku Ou Fakafoʻou ʻa e Meʻa Kotoa Pe,” ʻOku Totonu Ke Ke Tui ki he Tolu-tahaʻi-ʻotua?, pe Ko e Puleʻanga Te ne ʻOmai ʻA e Palataisi. ʻAokosi mo Sepitema: Te Ke Malava ʻo Moʻui Taʻengata he Palataisi ʻi he Māmaní. FAKATOKANGA: Ko e ngaahi fakatahaʻanga ʻa ia te nau fiemaʻu ʻa e ngaahi tohi kuo fakahā ki he feingataú ʻoku totonu ke fai ʻenau kolé ʻi he Literature Request Form (S(d)-14) fakamāhina hono hokó.

◼ ʻOku faʻu ʻe he Sōsaietí he taimí ni ʻa e ngaahi voliume faka-Pilitānia ʻo e Ko e Taua Leʻo ki he ngaahi taʻu 1986 ki he 1991 ko e meʻa ʻe sitoka maʻu pē. Ka ʻi ai ha taha ʻoku saiʻia ke ne maʻu ʻa e ngaahi voliume ko ení ʻoku totonu ke ne kole kinautolu ʻo fakafou ʻi he fakatahaʻangá. Ko e ngaahi voliume ʻo e Ko e Taua Leʻo faka-Pilitāniá ki he kahaʻú pea pehē ki he voliume ki he 1992, ʻe hoko kinautolu ko e meʻa ʻe sitoka pea ʻe malava ke kole ʻi ha faʻahinga taimi pē. Manatuʻi muʻa ko e ngaahi voliumé ko e meʻa ke fai ha kole makehe ki ai.

◼ Kuo malava ke maʻu mo e ngaahi tisiketi ki he komipiutá: Ko e New World Translation of the Holy Scriptures​—With References/Insight on the Scriptures. Ko e ngaahi meʻa ko ʻeni ʻoku ala maʻú ʻoku ʻi ai ʻa e New World Translation fakataha mo e ongo voliume ʻo e Insight. ʻOku malava ke maʻu ia ʻi he lea faka-Pilitāniá pē ʻi he tisiketi ʻinisi ʻe 5 1/4 1.2-megabyte pe ʻinisi ʻe 3 1/2 1.44-megabyte. ʻOku fiemaʻu ke ʻi ai ʻa e komipiuta mo e hard disk ʻoku maʻu ai ʻa e siʻisiʻi taha ko e megabyte ʻe 18 ʻoku ʻatā. ʻE ʻoatu ha tohi ki he fakatahaʻanga kotoa pē ke tokonaki atu ai ha ngaahi toe fakamatala ʻo kau ki he meʻa foʻou ko ʻení pea mo e founga hono fai ha kole ki ai. Ko e ngaahi tisiketi ʻa ia ʻoku ʻi ai ʻa e Tohitapú pē ʻoku kei malava pē ia ke maʻu.

◼ ʻOku lolotonga ngāue ʻa e Sōsaietí he taimí ni ki he CD-ROM ke ngāueʻaki ʻi he ngaahi komipiutá. Ko e meʻa ʻeni ʻoku ui ko e compact disk ʻa ia ʻoku ʻi ai ʻa e read-only memory. ʻE malava ai ki ha taha ke ne mamata ʻi he komipiutá ki ha maʻuʻanga fakamatala mei he New World Translation, ko e ongo voliume ʻo e Insight, Ko e Taua Leʻo mei he 1950 ki he 1993, mo ʻetau toe ngaahi tohi kehe kuo pulusí. Ko e CD-ROM ʻe kau atu ki ai mo ha polokalama kuo faʻufaʻu ʻe he Sōsaietí ke fekumi ki he ngaahi tohi kuo pulusi ko iá. ʻE fiemaʻu ki ha faʻahinga meʻa feʻungamālie ki he lau ʻo e CD-C0M. Ko e CD-ROM ko ʻení ʻe ala maʻu ia ʻi he kamataʻanga ʻo e taʻu kahaʻú. Kātaki ʻoua ʻe tohi pe telefoni ki he Sōsaietí ki ha fakamatala. ʻI he maau ʻo e ngaahi fakamatala fakatekinikalé, te mau ʻoatu ha tohi ki he ngaahi fakatahaʻanga kotoa pē, ʻo fakahā fakaikiiki ʻo kau ki he meʻa-ngāue ko ʻeni ʻoku fiemaʻu ke ngāueʻaki ʻa e CD-ROM foʻou ko ení.