Ngaahi Fanongonongo
◼ Tohi ke tuʻuaki ʻi ʻAokosi mo Sepitema: Te Ke Malava ʻo Moʻui Taʻengata he Palataisi ʻi he Māmaní. FAKATOKANGA: Ko e ngaahi fakatahaʻanga ʻoku teʻeki ai ke nau kole ʻa e tohi kuo fakahā ʻi ʻolungá ki he feingataú ʻoku totonu ke nau kole ʻi heʻenau Literature Request Form (S(d)-14) fakamāhina hono hoko maí. Fakamolemole kole ʻa e ngaahi makasini lahi ange ʻe toe fiemaʻú ke tufaki ʻi ʻOkatopa.
◼ ʻOku totonu ki he ngaahi fakatahaʻangá ke nau kamata ʻa e kole ki he 1994 Calendar of Jehovah’s Witnesses ʻi heʻenau kole ki he ngaahi tohi ʻo Sepitemá. ʻE ala maʻu ʻa e tohimāhiná ʻi he lea faka-Siaina, Kolotiane, Seki, Tenimaʻake, Hōlani, Pilitānia, Finilani, Falanisē, Siamane, Kalisi, Hungali, Ītali, Siapani, Kōlea, Noaue, Pōlani, Potukali, Lumēnia, Lūsia, Sēpia, Sēpeni, Sueteni mo Ukrainian.
◼ ʻE maʻu ʻe he fakatahaʻanga taki taha ha ngaahi lauʻi foomu ʻe tolu ʻo e Literature Inventory (S(d)-18). ʻOku totonu ke fakataha ʻa e sekelitali ʻa e fakatahaʻangá mo e sevāniti ʻokú ne tokongaʻi ʻa e ngaahi tohí ʻi he kamataʻanga ʻo ʻAokosí ke fokotuʻu ha ʻaho ke fai ai hono hiki ʻo e lahi ʻo e ʻū tohi ʻa e fakatahaʻangá ʻoku kei toe ʻi he ngataʻanga ʻo e māhiná. Kuo pau ke lau ʻa e ngaahi tohi kotoa ʻoku kei toé pea fakahā hono fakakātoá ʻi he lauʻi foomu ko e Literature Inventory. ʻE maʻu ʻa e fika fakakātoa ʻo e ngaahi makasini ʻoku lolotonga maʻú mei he sevāniti ʻokú ne tokangaʻi ʻa e makasiní. Kātaki ʻo lī ʻa e ʻuluaki tataú ki he Sōsaietí ke ʻoua ʻe tōmui ange ʻi Sepitema 6. Tauhi ʻa e tatau hono uá ki hoʻo failé. ʻOku lava ke ngāueʻaki nai ʻa e tatau hono tolú ki he ngāue ʻoku faí. ʻOku totonu ke tokangaʻi ʻe he sekelitalí ʻa e ngāue ʻo hono hiki ʻo e lahi ʻo e ʻū tohí, pea ko e lauʻi foomu kuo fakafonu kakató ʻoku totonu ke toe vakaiʻi mo fakamoʻoni hingoa ki ai ʻa e ʻovasia pulé.
◼ ʻOku ʻi ai ʻa e ngaahi foomu feʻunga ke ngāueʻaki lolotonga ʻa e taʻu fakangāue 1994 ʻoku ʻoatu ki he fakatahaʻanga taki taha. ʻOku totonu ke ʻoua ʻe ngāueʻaki noaʻia ʻa e ngaahi foomu ko ʻení. ʻOku totonu ke ngāueʻaki pē ki he taumuʻa naʻe pulusi ki aí.
◼ Ko e tokotaha kotoa pē ʻoku feohi mo e fakatahaʻangá ʻoku totonu ke nau ʻoatu ʻa e tukuhau foʻou, mo ia ke fakafoʻou ki he Ko e Taua Leʻo pe Awake!, kau ai mo ʻenau tukuhau pe ʻanautolu, o fakafou ʻi he fakatahaʻangá.
◼ ʻE ʻikai ke tali ʻe he Sōsaietí ha ngaahi kole ki ha tohi mei he kau malangá taautaha pē. ʻE lava ke fakahā ʻe kinautolu ʻoku nau fiemaʻu ha tohi ki he sevāniti ki he ngaahi tohí, ʻa ia te ne fakakau leva ia ki he kole ʻoku fai fakamāhina ʻe he fakatahaʻangá ki he ngaahi tohí. ʻOku totonu ki he ʻovasia pulé ke ne fokotuʻutuʻu ke fanongonongo ʻi he māhina taki taha ki muʻa pea toki lī ki he Sōsaietí ʻa e foomu kole fakamāhina ki he tohi ʻa e fakatahaʻangá koeʻuhi ke fakahā ʻe kinautolu ʻoku nau fiemaʻu haʻanau tohi fakaekinautolú ki he tokoua ʻokú ne tokangaʻi ʻa e tohí.
◼ ʻOku totonu ke ʻoua ʻe toe toloi ʻa e tohi kole ʻa e kau malanga ʻoku nau fokotuʻutuʻu ke kamata ngāue taaimuʻa tuʻumaʻu ʻi Sepitema 1, 1993. ʻOku totonu ke lī ʻi he meilí ʻa e ngaahi tohi kolé ki he Sōsaietí ki muʻa he ngataʻanga ʻo ʻAokosí. Kātaki ʻo toe vakaiʻi ʻa e palakalafi 21 ki he 26 ʻo e konga fakalahi ʻi he Ko ʻEtau Ngāue Fakafaifekau ʻo e Puleʻanga ʻo ʻAokosi 1986.
◼ ʻE faʻu ʻe he sekelitali ʻa e fakatahaʻangá ʻa e lipooti ngāué ke fakahū ki he foomu ko e Congregation Analysis Report (S-10). Te ne toe fakahinohino fakamākukanga ki ha mātuʻa pe ha sevāniti te ne tokoni nai ke faʻu ʻa e lipootí. ʻE fakapapauʻi heni ʻa e fakamatala totonu ʻoku fiemaʻu mei he ngaahi kaati ko e Congregation’s Publisher Record (S-21). ʻOku totonu ke fakafonu tonu matematē mo maʻa ʻa e foomu ko e Congregation Analysis Report (S-10) pea vakai fakaʻāuliliki ki ai ʻa e kōmiti ngāué.
◼ Ngaahi Tohi Foʻou ʻOku Alamaʻu:
Lea faka-Fisi: The Greatest Man Who Ever Lived; Sing Praises to Jehovah. Lea faka-Tuvalu: Listening to the Great Teacher.