Ngaahi Fanongonongo
◼ Tohi ke tuʻuaki ʻi Sānuali: Ko e kiʻi tohi ko e ʻOku ʻI Ai Ha ʻOtua ʻOku Tokanga Mai? Fēpueli: Te Ke Malava ʻo Moʻui Taʻengata he Palataisi ʻi he Māmaní. FAKATOKANGA: Ko e ngaahi fakatahaʻanga te nau fie maʻu ha ngaahi tohi ki he feingatau ʻoku hā ʻi ʻolungá ʻoku totonu ke nau kole ʻi heʻenau Literature Request Form (S(d)-14) fakamāhina hono hoko mai.
◼ ʻOku totonu ki he ngaahi fakatahaʻangá ke nau fai ha fokotuʻutuʻu feʻunga ki he Fakamanatú ʻa ia ʻe fai he taʻú ni ʻi he efiafi Tokonaki ʻo Maʻasi 26, ʻi he hili ʻa e tō ʻa e laʻaá. Neongo ʻoku fie maʻu ʻe he fakatahaʻanga taki taha ke fai ʻene Fakamanatu pē, ka ʻe ʻikai ke malava maʻu pē ia. ʻI he ngāueʻaki ha Kingdom Hall tatau ʻe ha ngaahi fakatahaʻanga ʻe niʻihi, ʻe lelei nai ki ha fakatahaʻanga ʻe taha pe lahi ange ke nau feinga ke ngāueʻaki ha faiʻanga fakataha mavahe ʻi he efiafi ko ení. ʻOku totonu ke ʻoua ʻe fokotuʻu ha taimi ke fai ai ʻa e Fakamanatú ʻa ia ʻe ngali faingatāmaki ki he kau foʻoú ke nau maʻu ia. ʻIkai ke ngata aí, ʻoku totonu ke vahevahe lelei ʻa e taimí ke ʻoua ʻe fuʻu vāofi ʻa e ngaahi fakatahá ni ʻo ʻikai ke maʻu ai ha taimi ki muʻa pe ʻi he tuku ʻa e fakamanatú ke fakafeʻiloaki ki he kau ʻaʻahí, mo fokotuʻu ke fai ai ha tokoni fakalaumālie ai pē ki ha niʻihi kehe, pe fai ʻa e fetalanoaʻaki ʻo fefakalototoʻaʻaki mo kinautolu te nau ʻi aí. ʻI he ʻosi hano fakakaukauʻi fakamākukanga ʻa e ngaahi meʻa ʻoku kau ki aí, ʻoku totonu ki he kau mātuʻá ke nau fakapapauʻi pe ko e hā ʻa e fokotuʻutuʻu ʻe lelei taha ke tokoniʻi kotoa ʻa kinautolu te nau maʻu ʻa e Fakamanatú ke nau maʻu ʻa e ʻaonga kakato mei ai.
◼ Kamata ʻi Fēpueli, pea ʻikai tōmui ange ʻi Maʻasi 6, ko e malanga fakahāhā foʻou ke fai ʻe he kau ʻovasia fefonongaakí “Ko e Fetoʻeaki ʻa e Tangata Kuo Fakatupú—ʻE Ngata ʻAfē?”
◼ Ko e malanga fakahāhā makehe ki he vahaʻa taimi ʻo e Fakamanatu ʻo e 1994 ʻe fai ia ʻi māmani lahi ʻi he ʻaho Sāpate, ʻEpeleli 10. Ko e kaveinga ʻo e malangá ʻe pehē ni “ʻOku Fakaʻau ke Liʻaki ʻe he Lotú Hono Fatongia ki he Kakaí?” ʻE toki ʻoatu ʻa e ʻautilainé. Ko e ngaahi fakatahaʻanga ko ia ʻe fai ʻenau uike ʻaʻahi mo e ʻovasia fefonongaakí, fakataha fakafeituʻú, pe ko ha fakataha ʻaho makehe ʻi he fakaʻosinga ʻo e uike ko iá ʻe toki fai ʻa e malanga makehé kiate kinautolu ʻi he uike hono hoko maí. ʻOku totonu ke ʻoua ʻe fai ki muʻa ʻi ʻEpeleli 10 ʻa e malanga makehé ʻi ha fakatahaʻanga.
◼ ʻOku faʻu ʻe he Sosaieté ʻi he taimí ni ʻa e ngaahi voliume faka-Pilitania ʻo e Ko e Taua Leʻo ki he ngaahi taʻu 1960 ki he 1969 ko ha meʻa ʻe sitoka maʻu pē. Ka ʻi ai ha taha ʻoku saiʻia ke ne maʻu ʻa e ngaahi voliume ko ení ʻoku totonu ke ne kole ʻo fakafou ʻi he fakatahaʻangá. Manatuʻi muʻa ko e ngaahi voliumé ko e meʻa ke fai ha kole makehe ki ai.