Ngaahi Fanongonongo

◼ Tohi ke ngāueʻaki he lolotonga ʻo Fēpueli: Te Ke Malava ʻo Moʻui Taʻengata he Palataisi ʻi he Māmaní.

◼ ʻOku totonu ke toe vakai ʻa e sēkelitalí pea mo e ʻovasia ngāué ki he ngāue ʻa e kau tāimuʻa tuʻumaʻú kotoa. Kapau ʻoku ʻi ai ha taha ai ʻoku faingataʻa kiate ia ke ne maʻu ʻa e ngaahi houa ʻoku fie maʻú, ʻoku totonu ke fokotuʻutuʻu ʻe he kau mātuʻá ke fai ha tokoni ki ai. Ki ha ngaahi fokotuʻu ke fai, toe vakai ki he ongo tohi naʻe fai ʻe he Sosaieté (S-201) ʻi ʻOkatopa 1, 1993, mo ʻOkatopa 1, 1992. ʻIkai ngata aí, sio ki he palakalafi 12-20 ʻo e konga fakalahi ʻo e Ko ʻEtau Ngāue Fakafaifekau ʻo e Puleʻanga ʻo ʻAokosi 1986.

◼ ʻE fai ʻa e Fakamanatú ʻi he ʻaho Tokonaki, ʻo Maʻasi 26, 1994. Neongo ʻe kamata tōmuʻa ange ai ʻa e malangá, kātaki ʻo manatuʻi ko hono tufa ʻo e mā mo e uaine ʻo e Fakamanatú ʻoku totonu ke toki kamata pē ia ʻi he hili ʻa e tō ʻa e laʻaá. Vakai ki he ngaahi maʻuʻanga fakamatala ʻea fakalotofonuá ke fakapapauʻi ʻa e taimi tō ʻa e laʻaá ʻi ho feituʻú. ʻE ʻikai ke fai ha ngaahi fakataha kehe tuku kehe pē ʻa e ngāue fakamalanga ʻi he ʻaho ko iá. Kapau ʻoku māʻunga fai ʻe he fakatahaʻanga ʻokú ke kau ki aí ha ngaahi fakataha ʻi he ʻaho Tokonakí, ʻe lava nai ke mou toki fai ia ʻi ha ʻaho kehe ʻo e uiké ʻo kapau ʻoku ʻatā ʻa e Kingdom Hall.

◼ Ko e kau malanga ʻoku nau fie ngāue ʻi he tuʻunga ko e kau tāimuʻa fakataimi ʻi Maʻasi mo ʻEpelelí ʻoku totonu ke fai ʻenau ngaahi fokotuʻutuʻú he taimí ni pea ʻomai tōmuʻa ʻenau tohi kolé. ʻE tokoni eni ki he kau mātuʻá ke nau fai ha ngaahi fokotuʻu ʻe fie maʻu ki he ngāue fakamalangá pea maʻu mo e ngaahi tohi feʻunga ki aí.

◼ ʻOku ala maʻu ha toe tisiketi ki he komipiutá he taimí ni ko e: GetVerse. ʻOku hanga ʻe he polokalama foʻou ko ʻení ʻo ai ke fakahū ʻe he toko taha ngāue fakakomipiutá ʻa e ngaahi konga Tohi Tapú fakahangatonu ki he meimei kotoa ʻo e ngaahi DOS word processor. ʻOku tokoni lahi eni ki hono teuteu ʻo e ngaahi malanga pe ko hono ʻai ha fakahokohoko ʻo e ngaahi konga Tohi Tapú. Ko e lea faka-Pilitaniá pē ʻoku ala maʻu ai ʻa e GetVerse ʻi he tisiketi ʻinisi ʻe 5 1/4 360-kilobyte pe ʻinisi ʻe 3 1/2 720-kilobyte. Ke ngāueʻaki ʻa e polokalama ko ʻení kuo pau ke ke maʻu ʻa e New World Translation of the Holy Scriptures​—With References pe ko e New World Translation of the Holy Scriptures​—With References/Insight on the Scriptures ʻo ʻosi fokotuʻu ia ʻi hoʻo komipiutá.