Ngaahi Fanongonongo
◼ Tohi ke ngāueʻaki he lolotonga ʻo Mē: Ko e makasini ko e Taua Leʻó mo e Awake! pe ko ha faʻahinga polosiua pē (tuku kehe ʻa e polosiua School). ʻI hono maʻu ha faʻahinga fie fanongo ʻi he toe ʻaʻahí, ʻe lava nai ke tuʻuaki ha tukuhau. Sune: “Vakai! ʻOku Ou Fakafoʻou ʻa e Meʻa Kotoa Pe.” Siulai: Ko e fakatahatahaʻi ʻo ha ngaahi tohi iiki ʻe tolu taki peesi ʻe 32 ʻa ia ʻoku lolotonga maʻu ʻi he fakatahaʻangá. Kapau ʻoku ʻikai ke maʻu ʻe he fakatahaʻangá ha ngaahi tohi iiki, ʻe lava ke ngāueʻaki ha polosiua ʻoku feʻunga ke tuʻuakí ko e fetongi ʻo e ngaahi tohi īkí. ʻE lava ke fai ha kole ki he Sosaieté ki he ngaahi tohi iiki peesi ʻe 32 ko ʻení, ʻo kapau ʻoku ʻikai maʻu ʻi he ngaahi fakatahaʻangá ʻa e ngaahi tohi iiki ko iá. FAKATOKANGA: Ko e ngaahi fakatahaʻanga te nau fie maʻu ha ngaahi tohi ki he feingatau ʻoku hā ʻi ʻolungá ʻoku totonu ke nau kole ʻi heʻenau Literature Request Form (S(d)-14) fakamāhina hono hoko maí.
◼ Ki muʻa ke fakahoko ʻa e ngāue langa ʻo ha Kingdom Hall, ʻoku totonu ke fetuʻutaki ʻa e kau mātuʻá ki he Sosaieté ʻo fakafou ʻi he ʻōfisi vaʻá. ʻOku maʻu ʻe he Sosaieté ʻa e ngaahi fakamatala ʻe ala tokoni ki he ngaahi fakatahaʻangá ʻi hono fai ʻa e ngaahi fili fakapotopotó. ʻOku fakapotopoto ke fai ha tokanga ki he ngaahi fokotuʻutuʻu ʻoku ʻomai ʻe he Sosaieté ki muʻa ke fakatau mai ʻa e ngaahi meʻa hangē ko e ngaahi seá, meʻa ʻaofi ki he holisí, ngaahi kāpeti fulufulu, pe ngaahi nāunau ki he fakamāfaná mo e fakamokomokó. Neongo ʻoku ʻikai ke fokotuʻu mai ʻe he Sosaieté ha faʻahinga meʻa ke fakatau mai, ka ʻoku nau maʻu ʻa e ngaahi fakamatala fekauʻaki mo e faʻahinga naʻe ʻomai mei ai ki muʻa ʻa e ngaahi nāunau leleí ʻi ha founga falalaʻanga.
◼ ʻOku ʻatā ki he ngaahi fakatahaʻangá ʻi he taimí ni ke kamata kole leva ʻa e New World Translation of the Holy Scriptures—With References/Insight on the Scriptures ʻi he lea faka-Sepení. ʻOku ala maʻu ia ʻi he tisiketi ʻinisi ʻe 5 1/4 1.2-megabyte pe ʻinisi ʻe 3 1/2 1.44-megabyte. ʻOku fie maʻu ke ʻi ai ʻa e komipiuta mo e hard disk ʻoku maʻu ai ʻa e siʻisiʻi taha ko e megabyte ʻe 20 ʻoku ʻatā.