Fakamanatu Ako Fakafaifekau Fakateokalati
Fakamanatu ʻo e ngaahi fakamatala mei he ngaahi konga ʻi he Ako Fakafaifekau Fakateokalati ʻi he ngaahi uike ʻo Sanuali 2 ki ʻEpeleli 17, 1995. Ngāueʻaki ha lauʻi pepa kehe ke tohi ki ai ʻa e ngaahi tali ki he lahi taha ʻo e ngaahi fehuʻi te ke lava ʻo tali ʻi he taimi ʻoku vaheʻi maí.
[Tokangaʻi: Lolotonga ʻa e fakamanatu tohinimá, ko e Tohi Tapú pē ʻe lava ke ngāueʻaki ke tali ha fehuʻi. Ko e ngaahi maʻuʻanga fakamatala ʻoku hoko mai he ngaahi fehuʻí, ko e ʻai pē ia ki hoʻo fekumi fakafoʻituitui pē. Ko e ngaahi fika ʻo e peesí mo e palakalafí ʻoku ʻikai ke ʻasi kotoa nai ia ʻi he ngaahi maʻuʻanga fakamatala ki he Watchtower.]
Tali Moʻoni pe Loi ki he ngaahi fakamatala taki taha ʻoku hoko haké:
1. ʻI hono tali ʻe he ʻOtuá ʻa e fakatomala ʻa Tēvita ki heʻene angahala mo Patisepá, naʻe tauʻatāina ai ʻa Tēvita mo hono falé mei he ngaahi nunuʻa ʻo ʻene ʻulungaanga koví. [uw p. 127 pal. 5]
2. Ko e tefitoʻi moʻoni ʻo e Palōvepi 11:1 ʻoku pau ke tonu mo tau faitotonu ʻi heʻetau meʻa fakapisinisi kotoa pē kapau ʻoku tau fiemaʻu ʻa e hōifua ʻa Sihová. [Lau Tohi Tapu fakauike; sio ki he w86 11/15 p. 19.]
3. Ko hono tali ʻo ha akonaki ko e fakaʻilonga ia ʻo e vaivaí. [uw p. 127 pal. 4]
4. ʻOku ʻuluaki tokanga ʻa e Palōvepi 14:17 ki he ngaahi ongoʻi ʻo e lotó koeʻuhi he ʻoku faʻa muʻomuʻa ia ʻi he meʻa ʻoku faí. [Lau Tohi Tapu fakauike; sio w93 8/15 p. 20-21.]
5. ʻE fakahaofi ʻa kinautolu kotoa pē ʻoku nau ui ʻa Sīsū ko e ʻEiki. [uw p. 105 pal. 5]
6. ʻI he 33 T.S., naʻá ne toetuʻu ʻo nofo ʻi he nima toʻomataʻu ʻo e ʻOtua, naʻe kamata pule ʻa Sīsū ʻi he taimi ko iá ki heʻene kau ākonga paní. (Kol. 1:13) [gt vahe 132]
7. ʻI he taʻu ʻe 3,000 nai ki muʻa ʻi hono ʻilo ʻe he kau saienisi ʻa e tuʻutuʻuni fakakenesí, naʻe hā mei he Sāme 139:13-16 ʻa e ʻilo ki ai. [Lau Tohi Tapu fakauike; sio w92 5/15 p. 4.]
8. Ko e Palōvepi 8:22-31 ʻoku fakamatala tāfataha pē ki he potó. [Lau Tohi Tapu fakauike; sio w87 5/15 p. 28.]
9. Ko e Kalisitiane moʻoní ʻoku ʻikai totonu ke fehiʻa ia ʻi ha meʻa ʻe tahá. [Lau Tohi Tapu fakauike; sio w92 1/1 p. 21.]
10. ʻI he Palōvepi 11:25 ko e fakatātā ia ʻo e ngaahi fakakaukau huʻufataha ʻi he founga hangē ha maau faka-Hepeluú, ka ʻi he Palōvepi 10:7 ko e fakatātā ia ʻo e huʻufakehekehe. [si p. 107 pal. 7]
Tali ʻa e ngaahi fehuʻi ko ʻení:
11. Ko e hā ʻoku mahulu atu ai ʻa e Sāme ʻi ha tohi mālie pē? [si p. 104 pal. 23]
12. Ko e hā ʻa e ʻaonga kia Sīsū ʻo ʻene ʻilo ki he tohi Sāme? [si p. 105 pal. 30]
13. Ko hai naʻá ne ʻoange kia Solomone ʻa hono potó, pea ko e hā ʻoku totonu ke ne ʻai kitautolu ke tau houngaʻia ai ʻi heʻetau lau ʻa e Palōvepi? [si p. 106 pal. 1]
14. ʻI he toetuʻu ʻa Sīsuú naʻá ne lea kia Mele Makitaline ʻi he ngoué, ka naʻe pehē ʻe Mele Makitaline ko hai ia, pea ko e hā naʻá ne tokoniʻi ia ke ne ʻilo ko Sīsū pē ia? [gt vahe 128]
15. Ko hai ʻa e ongo mēmipa ʻo e Sanetalimí naʻá na manavahē ke ʻiloʻi ʻa honau kaunga mo Sīsū pea naʻá na tokoni ki he teuteuʻi ʻa e sino ʻo Sīsū ki hono tanu? [gt vahe 127]
16. ʻOku lava fēfē ke tau fakahā ʻi heʻetau ngaahi ngāue fakaʻahó ʻoku tau ʻofa līʻoa ki hotau ngaahi tokouá? [uw p. 132-133 pal. 3, 4]
17. Ko e hā ʻa e meʻa fakahisitōlia ʻoku lave ki ai ʻa e Sāme 136:10-15, pea ko e hā naʻe hoko kia Feló? [Lau Tohi Tapu fakauike; sio ki he w93 6/15 p. 5.]
18. Ko e hā ʻa e taumuʻa ʻe ua ʻoku fakahoko ʻi hono lilingi ʻa e taʻataʻa ʻo Kalaisí? [uw p. 115 pal. 13]
19. Ko e hā naʻe tui pau ai ʻa e kau ʻaposetolo mateakí, Sēmisi ko e tokoua faʻē taha ʻo Sīsuú, ʻo aʻu ki he kau ākonga ʻe toko 500 naʻe toetuʻu ʻa Sīsū? [gt vahe 131]
20. Ko e hā kuo hoko ai ʻa Sīsū Kalaisi ko e moʻungaʻi tangata ia kuo moʻui maí? [gt fakamatala talateu]
Fakakakato ʻa e ngaahi fakamatala ko ʻení ʻaki ha foʻi lea pe kupuʻi lea ʻoku totonu:
21. ʻI heʻene lea ʻiloa ʻi he Penitekosi 33 T.S., naʻe toutou lave ai ʻa Pita ki he tohi ․․․․․․․, ʻi he taimi ko ia naʻe papitaiso nai ai ʻa e toko 3,000 ʻo fakakau atu ki he fakatahaʻangá. [si p. 105 pal. 25, 26]
22. Naʻe kikiteʻi ʻi he Sāme ʻe ʻoatu ha ․․․․․․․ ke inu ʻe Sīsū, ʻe fai ʻa e talotalo ki hono ․․․․․․․ tuʻá, pea ʻe hā ngali kuo liʻaki ia ʻe he ․․․․․․․ [si p. 105 pal. 30]
23. ʻOku fakateokalati ʻa e kautaha ʻa Sihová, ʻa ia ʻoku ʻuhingá ko e ․․․․․․․ ʻoku ʻomai ʻe Sihova ʻa e fakahinohino ʻo fakafou mai ʻi he ʻUlu ʻo e fakatahaʻangá, ko ․․․․․․․ pea mo ʻEne Folofolá, ko e ․․․․․․․ pea kuo tuku ʻe Sīsū ʻa e fatongia makehe ki he “․․․․․․․” (Mt. 24:45) [uw p. 118-119 pal. 4-6]
24. ʻOku faikehekehe ʻa e toko 144,000 ʻoku ʻave ki hēvaní, mo e “․․․․․․․” ʻa ia ʻoku ʻikai lava ʻe ha taha ʻo laú, te nau hao moʻui atu ʻi he ․․․․․․․ ʻi he ․․․․․․․. (Fkh. 7:9, 14) [uw p. 104 pal. 3, 4]
25. Ke aʻu ki ha fili fakahōifua ki he ʻOtuá, naʻe tokanga ʻaupito ʻa e kulupu pule ʻo e ʻuluaki senitulí ki he lau ʻa e ․․․․․․․ fakamānavaʻi ki he tuʻunga lea naʻa nau fetalanoaʻaki ki aí pea pehē ki he fakamoʻoni ʻo e ngāue ʻa e ․․․․․․․ (Ngāue 15:6-29) [uw p. 120 pal. 8]
Fili ʻa e tali totonu ʻi he ngaahi fakamatala taki taha ko ʻení:
26. ʻI hono tutukí, naʻe ʻoatu kia Sīsū ʻa e uaine mo e mula, ka naʻá ne fakafisi ke inu ia koeʻuhí (he naʻe tapui ia ʻi he Laó; ko ha Naʻasili ia; naʻá ne loto ke mapuleʻi kakato ʻa ʻene malava fakaefakakaukau mo e fakaʻuhingá). [gt vahe 125]
27. Ko e fō hotau kofu mo fakahinehina ʻi he taʻataʻa ʻo e Lamí ʻoku ʻuhinga ke tau (tuku ʻa e fai angahalá; ʻiloʻi ʻa ʻetau fiemaʻu ʻa e lelei ʻo e feilaulau fakamolemole angahala ʻa Sīsū; fakatapui ʻa ʻetau moʻui ki he ʻOtuá pea papitaiso). [uw p. 106 pal. 7]
28. Naʻe fakahā ʻa e tonuhia ʻa Sīsū ʻo tuʻo nima ʻe (Helota; Pailato; Felike), ʻa ia naʻá ne foʻi ki mui ki he ngaahi fiemaʻu taʻeʻofa ʻa e kau Siú ʻo ne tuku atu ʻa Sīsū ke tāmateʻí. [gt vahe 124]
29. Ko e kau sevāniti mateaki kotoa ʻa e ʻOtua naʻa nau mate ki muʻa ʻi he Penitekosi ʻo e (36; 35; 33) T.S. naʻe ʻikai pani kinautolu ʻaki ʻa e laumālie māʻoniʻoni ki he moʻui fakahēvaní. [uw p. 111 pal. 5]
30. Naʻe taukaveʻi ʻe Sētane ko e faʻahinga kotoa pē ʻo e tangatá ʻoku ueʻi ia ʻe he (ʻofa; fehiʻa; holi siokita) pea ʻoku nau tokanga tefito pē (ki he huafa ʻo e ʻOtuá; niʻihi kehe; kiate kinautolu). [uw p. 124 pal. 14]
Fakahoa totonu ʻa e ngaahi konga Tohi Tapú ki he ngaahi fakamatala ʻoku hā ʻi laló:
Pal. 3:27, 28; Sione 19:4-6; 19:25-27; Loma 15:2, 3; Fkh. 7:16, 17
31. Ko e fatongia ia ʻo e kau Kalisitiané ke nau tokangaʻi ʻa ʻenau mātuʻa kuo taʻumotuʻá. [gt vahe 126]
32. ʻOku tau tokanga moʻoni ʻo fekauʻaki mo e kaunga nai ʻa hotau fōtungá ki he niʻihi kehé, ko ia ʻoku tau loto-lelei ke feilaulauʻi ʻa e fakafiemālieʻi pē kitautolú. [uw p. 130 pal. 10, 11]
33. ʻI heʻetau maʻu ha faingamālie ke fai lelei ki he niʻihi kehé, tatau ai pē pe ʻi he founga fakalaumālie pe fakamatelie, ʻoku totonu ke tau ngāueʻaki ʻa e faingamālié ke tokoni ki hotau kaungātangatá, kae tautefito ki hotau ngaahi tokoua fakalaumālié. [Lau Tohi Tapu fakauike; sio ki he w93 12/15 p. 20.]
34. Ko e ʻūkuma mo anga-fakaʻapaʻapa ʻi he fehangahangai mo e tuʻutāmakí ʻoku lava ke lāngilangiʻia ai ʻa Sihova pea maʻu ai mo e tokaʻi ʻa e tangatá. [gt vahe 123]
35. Kuo tau ʻosi kamata ke maʻu ʻa e ngaahi tuʻunga naʻe talaʻofa ko e “palataisi fakalaumālié.” [uw p. 107-108 pal. 9-11]