Fanongonongo

◼ Tohi ke tuʻuaki ʻi Siulai mo ʻAokosi: ʻE lava ke ngāueʻaki ha taha pē ʻo e ngaahi polosiua peesi ʻe 32 ko ʻení: Moʻui Fiefia ʻI He Mamani ʻO Taʻengata!, “Vakai! ʻOku Ou Fakafoʻou ʻa e Meʻa Kotoa Pe,” ʻOku Totonu Ke Ke Tui ki he Tolu-tahaʻi-ʻotua?, Ko e Puleʻanga Te ne ʻOmai ʻA e Palataisi, mo e ʻI he Mate ha Taha ʻOkú Ke ʻOfa Ai. Sepitema: ʻE lava ke ngāueʻaki ʻa e tohi ko e Moʻui Taʻengata, pea ʻoku totonu ke fai ha feinga lahi ke kamata ha ngaahi ako Tohitapu. ʻOkatopa: Ngaahi tukuhau ʻo e Awake! pe Ko e Taua Leʻo. Fai ha feinga makehe ke tufa ʻa e ngaahi tatau ʻo e ngaahi makasini. Ko e ngaahi tukuhau ʻe lava ke tuʻuaki ʻi he ngaahi toe ʻaʻahí. FAKATOKANGA: Ko e ngaahi fakatahaʻanga kuo teʻeki ai ke nau kole ha ngaahi tohi ki he feingatau ʻoku hā ʻi ʻolungá ʻoku totonu ke nau kole ʻi heʻenau Literature Request Form (S-14) fakamāhina hono hoko maí.

◼ Ko e kau ʻovasia fakafeituʻu naʻa nau toki fai ʻa e malanga fakahāhā naʻe fakakaveinga ko e “ʻOku Ikuna ʻa e Ngaahi Meʻa ʻOku Akoʻi mei he ʻOtuá ʻi Māmani Lahi”​—ko ha faiva silaiti ʻoku fakaeʻa ai ʻa e ngaahi Fakatahalahi fakavahaʻapuleʻanga makehe naʻe fakakaveinga ko e “Ngaahi Meʻa ʻOku Akoʻi mei he ʻOtuá” naʻe toki faí. ʻE hoko atu pē ʻe he kau ʻovasia fakafeituʻú ʻenau fai ʻa e malanga ko ʻení kaeʻoua kuo fai ia ʻi he kotoa ʻo e ngaahi fakatahaʻanga ʻi he feituʻu ko iá. ʻI he taimi ʻe ʻosi aí, te nau fai leva ʻa e malanga “Falala ki he ʻOtua ʻo e Fakafiemālie Kotoa” ʻo aʻu ki he ʻuluaki uike ʻo Maʻasí, ʻi he kamata leva ʻa e malanga foʻou hono hokó.

◼ ʻOku faʻu ʻe he Sōsaieti ʻa e ngaahi voliume FAKA-PILITĀNIA ʻo e Watchtower ʻo e ngaahi taʻu 1951 ki he 1959. Ko ha kau malanga foʻou pe ngaahi fakatahaʻanga foʻou ʻa ia ʻoku nau fiemaʻu ʻa e ngaahi tohí ni ʻe lava ke nau kole ia he taimí ni fakafou ʻi he fakatahaʻangá. Ko e ngaahi meʻá ni ʻe ʻikai ke sitoka maʻu pē ia ʻe he Sōsaieti. Ko e ngaahi voliumé ʻoku kole-makehe ia pea ʻoku ʻikai totonu ke sitoka ia ʻe he ngaahi fakatahaʻangá.