Fanongonongo

◼ Tohi ke tuʻuaki ʻi ʻOkatopa: Ko e Awake! mo e Taua Leʻo. Fai ha feinga makehe ke tufa ʻa e ngaahi tatau ʻo e ngaahi makasiní. Ko e ngaahi tukuhaú ʻe lava ke tuʻuaki ʻi he ngaahi toe ʻaʻahí ʻi he taimi ʻoku hā mai ai ha mahuʻingaʻia moʻoni. Nōvema: Tuʻuaki ʻa e tohi Fāʻūtaha ʻi he Lotu ki he ʻOtua Moʻoni Pē Taha. Tīsema: ʻE tuʻuaki ai ʻa e tohi Te Ke Malava ʻo Moʻui Taʻengata he Palataisi ʻi he Māmaní, pea ʻe fai ha feinga makehe ke toe foki ki he ngaahi tohi kotoa naʻe tukú, mo ha fakakaukau ke kamata ha ngaahi ako Tohitapu. FAKATOKANGA: Ko e ngaahi fakatahaʻanga kuo teʻeki ai ke nau kole ha ngaahi tohi ki he feingatau ʻoku hā ʻi ʻolungá ʻoku totonu ke nau kole ʻi heʻenau Literature Request Form (S-14) fakamāhina hono hoko maí.

◼ Ko e fakalahi ʻi he tatau ko ʻeni ʻo ʻEtau Ngāue Fakafaifekau ʻo e Puleʻanga ko e “Fakahokohoko ʻa e Akoʻanga Fakafaifekau Fakateokalati ki he 1996” pea ʻoku totonu ke tauhi ia ko e tatau ki he 1996 fakakātoa.

◼ ʻOku totonu ke kamata ʻa e kole ʻe he ngaahi fakatahaʻangá ʻa e Ko Hono Vakaiʻi Fakaʻaho ʻo e Tohitapú​—1996 fakataha mo ʻenau kole tohi ki ʻOkatopá. ʻE ala maʻu ʻa e kiʻi tohí ʻi he lea faka-ʻAlepea, Falanisē, Finilani, Haʻamoa, Hepelū, Hinitū, Holani, Hungali, Kalisi, Kolotiane, Kōlea, Kusalati, Lumēnia, Lūsia, Noaue, Pilitānia, Pōlani, Potukali, Sēpia, Siaina, Siaina (Faingofua), Siamane, Siapani, Sipeini, Suēteni, Takaloko, Tenimaʻake, Toake, Tonga, Tuvalu, ʻUkuleini, Vietinemi, ʻIloko, mo ʻĪtali. ʻE hā ia ko e “Pending” ʻi he lisi fakaheka ʻa e fakatahaʻangá kae ʻoua kuo ala maʻu ʻa e ngaahi tohí pea fakafolau atu. Ko e kiʻi tohi ko e Ko Hono Vakaiʻi Fakaʻaho ʻa e Tohitapú ko e meʻa ia ke fai ha kole makehe ki ai.

◼ Ko e tatau ʻo e Awake! ʻo Nōvema 8 ʻe fakakau ai ʻa e ngaahi kupu fekauʻaki mo e lotu-Māmongá. Ko e takafí ni ʻoku ʻikai ko e tā ia ki he tui ʻa e Māmongá ka ko ha fakamatala mahino ki he niʻihi ʻo e ngaahi tui ʻa e Māmongá ʻi hono fakafehoanaki mo e Tohitapú. Ko e ngaahi kaveingá ni kuo fai hano fakatotoloʻi fakalelei mei he ngaahi maʻuʻanga fakamatala ʻa e Māmongá. ʻOku mau tui ko hono sivisiviʻi ko ʻeni ʻo e hisitōlia mo e tokāteline ʻa e Māmongá ʻe tokoni ia ki he faʻahinga loto-totonú ke nau ʻilo pe ko fē ʻa e feituʻu totonu ʻoku ʻi ai ʻa e maama ʻo e moʻoní. Te ke fakaʻamu nai ke ʻota ha ngaahi tatau makehe ke ngāueʻaki ʻi he kahaʻú ʻi he ngāue fakafaifekaú. Ko e ngaahi fakatahaʻangá ʻoku totonu ke nau fakahā ki he Sōsaietí ki muʻa ki ha fakalahi ʻo e ngaahi ʻota ki he tataú ni.