Fanongonongo

◼ Tohi ke ngāueʻaki he lolotonga ʻo Fepueli: Laumālie ʻo e Kau Maté. Maʻasi: Te Ke Malava ʻo Moʻui Taʻengata he Palataisi ʻi he Māmaní. ʻEpeleli mo Mē: Ko e ngaahi tatau ʻo e Ko e Taua Leʻo mo e Awake! fakatouʻosi. ʻE toe lava ke ngāueʻaki ha faʻahinga polosiua pē ʻi he kauhala kuo toutou ngāueʻí. ʻI hono maʻu ha mahuʻingaʻia ʻi he ngaahi toe ʻaʻahí, ʻe lava ke tuʻuaki nai ai ʻa e ngaahi tukuhaú. FAKATOKANGA: Ko e ngaahi fakatahaʻanga kuo teʻeki ai ke nau kole ha ngaahi tohi ki he feingangāue ʻoku hā ʻi ʻolungá ʻoku totonu ke nau kole ʻi heʻenau Literature Request Form (S-14) fakamāhina hono hoko maí.

◼ ʻOku totonu ke toe vakaiʻi ʻe he sēkelitalí mo e ʻovasia ngāué ʻa e ngāue ʻa e kau tāimuʻa tuʻumaʻú kotoa. Kapau ʻoku ʻi ai ha taha ʻoku faingataʻa ki ai ke ne aʻusia ʻa e houa ʻoku fiemaʻú, ko e kau mātuʻá ʻoku totonu ke nau fokotuʻutuʻu ke fai ha tokoni. Fakamanatu ʻa e ngaahi poini ʻi he palakalafi 12-​20 ʻo e fakalahi ʻi he ʻEtau Ngāue Fakafaifekau ʻo e Puleʻanga ʻo ʻAokosi 1986.

◼ Ko hono kātoangaʻi ʻo e Fakamanatú ʻe fai ia ʻi he Tūsite, ʻEpeleli 2, 1996. Neongo ʻe kamata tōmuʻa ange ʻa e malangá, kātaki ʻo manatuʻi ko hono tufa ʻo e mā mo e uaine ʻo e Fakamanatú ʻoku totonu ke toki kamata pē ia ʻi he hili ʻa e tō ʻa e laʻaá. Vakai ki he ngaahi maʻuʻanga fakamatala ʻea fakalotofonuá ke fakapapauʻi ʻa e taimi tō ʻa e laʻaá ʻi ho feituʻú. ʻE ʻikai ke fai ha ngaahi fakataha kehe tuku kehe pē ʻa e ngāue fakamalanga ʻi he ʻaho ko iá. Kapau ʻoku māʻunga fai ʻe he fakatahaʻanga ʻokú ke kau ki aí ha ngaahi fakataha ʻi he ʻaho Tūsité, ʻe lava nai ke mou toki fai ia ʻi ha ʻaho kehe ʻo e uiké ʻo kapau ʻoku ʻatā ʻa e Fale Fakatahaʻangá.

◼ Ko e kau malanga ʻoku nau fie ngāue ʻi he tuʻunga ko e kau tāimuʻa tokoni ʻi Maʻasi, ʻEpeleli, pea mo Meé, ʻoku totonu ke fai ʻenau ngaahi fokotuʻutuʻú he taimí ni pea ʻomai tōmuʻa ʻenau tohi kolé. ʻE tokoni ʻeni ki he kau mātuʻá ke nau fai ha ngaahi fokotuʻu ʻe fiemaʻu ki he ngāue fakamalangá pea maʻu mo e ngaahi tohi feʻunga ki ai.