Fanongonongo

◼ Tohi ke tuʻuaki ʻi ʻEpeleli mo Mē: Ngaahi tatau tāutaha ʻo e Taua Leʻo mo e Awake! ʻi he ʻaho Tokonakí, pea ko e polosiua Ko e Hā ʻOku Fiemaʻu ʻe he ʻOtuá Meiate Kitautolú? ʻi ha taimi kehe he lolotonga ʻo e uiké. Sune: ʻIlo ʻA Ia ʻOku Taki Atu ki he Moʻui Taʻengatá. Tokangataha ki hono kamata ha ngaahi ako Tohitapu ʻi ʻapi. Siulai mo ʻAokosi: Ko ha taha pē ʻo e ngaahi polosiua peesi ʻe 32 hoko maí: Moʻui Fiefia ʻI He Mamani ʻO Taʻengata!, ʻOku Totonu Ke Ke Tui ki he Tolu-tahaʻi-ʻotua?, Ko e Puleʻanga Te ne ʻOmai ʻA e Palataisi, pea mo e ʻI he Mate ha Taha ʻOkú Ke ʻOfa Ai.

◼ Ko e faʻahinga ʻoku feohi mo ha fakatahaʻanga ʻoku totonu ke ʻoatu kotoa ʻenau ngaahi tukuhau foʻou mo fakafoʻou ki he Taua Leʻo mo e Awake!, kau atu ki ai mo ʻenau ngaahi tukuhau fakafoʻituituí, ʻo fakafou ʻi he fakatahaʻangá.

◼ ʻOku ʻikai ke fakafonu ʻe he Sōsaietí ʻa e kole tohi ʻa ha tokotaha malanga tāutaha. Ko e ʻovasia tauhí ʻoku totonu ke ne fokotuʻutuʻu ha fanongonongo ke fai ʻi he māhina taki taha ki muʻa ke ʻave ki he Sōsaietí ʻa e kole tohi ʻa e fakatahaʻangá ʻi he māhina kotoa pē koeʻuhi ko kinautolu kotoa ʻoku nau mahuʻingaʻia ke maʻu haʻanau ngaahi tohi fakafoʻituituí ke nau talaange nai ia ki he tokoua ʻokú ne tokangaʻi ʻa e ʻū tohí. Kātaki ʻo manatuʻi pe ko fē ʻa e ngaahi tohi ʻoku fai ʻa e kole makehe ki aí.

◼ Ngaahi Tohi Foʻou ʻOku Ala Maʻu:

Ngaahi Voliume ki he 1996 ʻo e Taua Leʻo mo e Awake!—Faka-Pilitānia