Fanongonongo

◼ Tohi ke tuʻuaki ʻi Nōvema: Ko hono tufa ʻa e Ongoongo ʻo e Puleʻangá Fika 35 ʻe hokohoko atu pē. Ko e ngaahi fakatahaʻanga kuo nau fakakakato honau feituʻú ʻaki ʻenau aʻu ki he tokotaha-ʻapí ʻi he ʻapi pe fale nofoʻanga taki taha mo ha tatau ʻo e Ongoongo ʻo e Puleʻangá Fika 35 ʻe lava ke tuʻuaki ʻa e tohi ʻIlo. Tīsema: Te Ke Malava ʻo Moʻui Taʻengata he Palataisi ʻi he Māmaní. Sanuali: Fāʻūtaha ʻi he Lotu ki he ʻOtua Moʻoni Pē Taha. Fepueli: Ko ʻEku Tohi ʻo e Ngaahi Talanoa Faka-Tohitapú.

◼ ʻI he hili ʻo e kakato ʻa e feingangāue makehé ʻi Nōvema 16, ko e ngaahi fakatahaʻanga ʻoku nau kei maʻu ha tatau ʻo e Ongoongo ʻo e Puleʻangá Fika 35 te nau fakalototoʻaʻi nai ʻa e kau malangá ke tuʻuaki kinautolu ʻi he founga tatau ʻoku ngāueʻaki ki he ngaahi tulekí, pe mei he matapā ki he matapā pe ha feituʻu pē. Kapau ʻoku lelei, ʻe tuku nai ʻe he kau malangá ha tatau ʻe taha ʻi he ʻikai-ʻi-ʻapí, ʻo fakapapauʻi ʻoku ʻikai ke sio ki ai ʻa e faʻahinga ʻoku nau feʻaluʻaki holó. ʻOku totonu ke fai ha feinga ke tufa kotoa ʻa e ngaahi tatau ʻoku toé ʻo e pōpoaki mahuʻinga ko ʻení.

◼ ʻOku totonu ke kamata ʻa e kole ʻe he ngaahi fakatahaʻangá ʻa e 1998 Yearbook of Jehovah’s Witnesses fakataha mo ʻenau kole tohi ki Nōvemá. ʻE ala maʻu ʻa e Yearbook ʻi he lea faka-Falanisē, Hungali, Kalisi, Kōlea, Lūsia, Pilitānia, Pōlani, Potukali, Siaina, Siamane, Siapani, Sipeini, Suēteni, ʻAlepea, mo e faka-ʻĪtali. Ko e ngaahi Yearbook ko e meʻa ia ke fai ha kole makehe ki ai pea ʻe hā ia ko e “Pending” ʻi he lisi fakaheka ʻa e fakatahaʻangá kae ʻoua ke fai hano fakafolau atu.