Fanongonongo

◼ Tohi ke tuʻuaki ʻi Tīsema: Te Ke Malava ʻo Moʻui Taʻengata he Palataisi ʻi he Māmaní. Sanuali: Fāʻūtaha ʻi he Lotu ki he ʻOtua Moʻoni Pē Taha. Fepueli: Ko ʻEku Tohi ʻo e Ngaahi Talanoa Faka-Tohitapú. Maʻasi: ʻIlo ʻA Ia ʻOku Taki Atu ki he Moʻui Taʻengatá. Tokangataha ki hono kamata ha ngaahi ako Tohitapu.

◼ ʻOku totonu ke kamata ʻa hono kole ʻe he ngaahi fakatahaʻangá ʻa e ngaahi voliume ʻo e Taua Leʻo mo e Awake! ki he 1997 fakataha mo ʻenau kole tohi ki Tīsemá. ʻE ala maʻu ʻa e voliumé ʻi he lea faka-Falanisē, Hōlani, Hungali, Kalisi, Kōlea, Kolotia, Lumēnia, Lūsia, Pilitānia, Pōlani, Potukali, Sēpia, Siaina, Siamane, Siapani, Sipeini, Toake mo e lea faka-ʻĪtali. ʻI he teʻeki ke ala maʻu ʻa e ngaahi voliumé pea fakafolau atú, ʻe hā ia ko e “Back-ordered” ʻi he lisi fakaheka ʻa e fakatahaʻangá. Ko e ngaahi voliumé ko e meʻa ia ke fai ha kole makehe ki ai.

◼ ʻOku totonu ki he ʻovasia tauhí, pe ko ha tokotaha kuó ne fili ke ne ʻaotitaʻi ʻa e fakamatala paʻanga ʻa e fakatahaʻangá ʻi Tīsema 1, pe faingamālie vave taha hili iá. Fai ha fanongonongo ki he fakatahaʻangá ʻi he lava ʻa e ngāue ko ʻení.

◼ Ko e fakamanatu ki he 1999 ʻe fai ia ʻi he Tuʻapulelulu, ʻEpeleli 1, hili ʻa e tō ʻa e laʻaá. ʻOku ʻoatu tōmuʻa ʻa e fakatokanga ko ʻení koeʻuhi ke fai ʻe he ngaahi tokouá ha aleapau pe ko hano taʻofi ha holo ʻoku ʻatā ʻi he taimi kuo pau ai ke maʻu ha ngaahi fale kehé. ʻOku totonu ki he kau mātuʻá ke ʻi ai haʻanau aleapau mo e ngaahi fokotuʻutuʻu ʻo e falé ke fakapapauʻi heʻikai ke ʻi ai hano fakafeʻātungiaʻi mei he ngaahi ngāue kehe ʻi he falé koeʻuhi ke lava ʻo fakahoko ʻa e Fakamanatú ʻi ha founga melino mo maau. Koeʻuhi ko e mahuʻinga ʻo e kātoangá, ko hono vaheʻi ha tokotaha malanga ki he Fakamanatú, ʻoku totonu ke fili ʻe he kulupu ʻo e kau mātuʻá ha tokotaha mātuʻa taau lahi ange ʻo ʻikai ko e taufetongi pē, pe ngāueʻaki ha tokoua tatau he taʻu taki taha.

◼ Ko e Taua Leʻo ʻi he lea faka-Kilipatí mo e lea faka-ʻOsitiení mo e Awake! ʻi he lea faka-Lativia, Lituānia, Siosani, mo e ʻEmihalikí, ʻoku pulusi fakamāhina ia he taimí ni pea ʻoku ala maʻu ia he tukuhaú. Pehē foki mo e Taua Leʻo ʻi he lea faka-Molota mo e faka-Tongá, mo e Awake! ʻi he lea faka-ʻEsitōniá, ʻoku ala maʻu tuʻo ua ia ʻi he māhina he taimí ni.