Fanongonongo

◼ Tohi ke tuʻuaki ʻi ʻAokosi: ʻE ngāueʻaki nai ha taha ʻo e ngaahi polosiua peesi ʻe 32 hoko maí: Ko e Puleʻanga Te ne ʻOmai ʻA e Palataisi, Laumālie ʻo e Kau Maté​—ʻOku Malava ke Nau Tokoniʻi Koe pe Uesia Koe? ʻOku Nau ʻI Ai Moʻoni?, Moʻui Fiefia ʻI He Mamani ʻO Taʻengata!, “Vakai! ʻOku Ou Fakafoʻou ʻa e Meʻa Kotoa Pe,” ʻI he Mate ha Taha ʻOkú Ke ʻOfa Ai, Sepitema: ʻIlo ʻA Ia ʻOku Taki Atu ki he Moʻui Taʻengatá. ʻOkatopa: Ngaahi tatau tāutaha ʻo e Taua Leʻo mo e Awake! ʻI hono maʻu ha mahuʻingaʻia ʻi he ngaahi toe ʻaʻahí, ʻe lava ke tuʻuaki ʻa e ngaahi tukuhaú. Nōvema: ʻIlo ʻA Ia ʻOku Taki Atu ki he Moʻui Taʻengatá, pe Te ke Malava ʻo Moʻui Taʻengata he Palataisi ʻi he Māmaní.

◼ Ko ha ngaahi foomu feʻunga ke ngāueʻaki ʻi he taʻu fakangāue ʻo e 1999 ʻoku ʻoatu ia ki he fakatahaʻanga taki taha. Kātaki ʻo ngāuetotonuʻaki ʻa e foomu ko ʻení. ʻOku totonu ke ngāueʻaki pē ia ki he meʻa naʻe taumuʻa ki aí.

◼ ʻE maʻu ʻe he fakatahaʻanga taki taha ha ngaahi foomu ʻe tolu ʻo e Literature Inventory (S(d)-18). ʻOku totonu ke fakataha ʻa e sekelitali ʻa e fakatahaʻangá mo e sevāniti ki he ʻū tohí ʻi he kamataʻanga pē ʻo ʻAokosí pea fokotuʻu ha ʻaho ke fai ai ʻa hono lau ʻo e ngaahi tohi ʻa e fakatahaʻangá ʻi he fakaʻosinga ʻo e māhiná. Kuo pau ke fai hano lau totonu ʻo e ngaahi tohi ʻi he sitoká, pea ko e lahi fakakātoá ke fakahū ia ki he foomu Literature Inventory. Ko e fika fakakātoa ʻo e ngaahi makasini ʻoku kei maʻú ʻe lava ke maʻu ia mei he sevāniti ki he makasiní. Kātaki ʻo meili ʻa e ʻuluaki tataú ki he Sōsaietí ʻo ʻoua ʻe tōmui ange ʻi Sepitema 6. Tauhi ha tatau kāponi ʻi hoʻo failé. Ko e tatau hono tolú ʻe ngāueʻaki nai ia ko ha tatau ngāue. ʻOku totonu ke tokangaʻi ʻe he sekelitalí ʻa hono lau ʻo e ngaahi tohí, pea ʻi he kakato ʻa e fōmú ʻoku totonu ke vakaiʻi ia ʻe he ʻovasia tauhí. Ko e sekelitalí mo e ʻovasia tauhí te na fakamoʻoni ʻi he fōmú.

◼ ʻOku totonu ki he ngaahi fakatahaʻangá ke kamata ʻa hono kole ʻo e 1999 Calendar of Jehovah’s Witnesses fakataha mo ʻenau kole tohi ki Sepitemá. ʻE ala maʻu ʻa e ngaahi tohi māhiná ʻi he lea faka-Falanisē, Hōlani, Hungali, Kalisi, Kōlea, Kolotia, Lumēnia, Lūsia, Noaue, Pilitānia, Pōlani, Potukali, Seki, Sēpia, Siaina, Siamane, Siapani, Sipeini, Suēteni, Tenimaʻake, Toake, ʻAiminia, ʻAlepea, ʻAlipēnia, ʻĪtali, mo ʻIukalaine.

◼ ʻOku totonu ki he Kōmiti Ngāue ʻa e Fakatahaʻangá ke nau fai ha tokanga vave ki he kotoa ʻo e ngaahi tohi kole ki he ngāue tāimuʻa tuʻumaʻú. ʻOku ʻikai totonu ki he kōmiti ngāué ke nau tauhi ha tohi kole koeʻuhí ke fai ha vakai ki ai kapau ko e tokotaha kolé ʻoku malava ke ne aʻusia ʻa e houa ʻoku fiemaʻú. ʻE ʻotomētiki nai hono liliu ʻa e ʻaho ʻoku kole ke kamata aí ʻi hono maʻu ʻa e ngaahi tohi kolé hili ʻa e ʻaho naʻe kole ki aí. ʻE ʻikai fai ha fakanofo ʻo lau mei he kuohilí tuku kehe ka ʻoku ʻi ai ha ngaahi tuʻunga kalofanga lelei ki ai. Kapau ʻoku ʻi ai ha ngaahi tuʻunga pehē, ʻoku totonu ke ʻave fakataha ha tohi mo e tohi kolé.​—Sio ki he fakalahi ʻo ʻEtau Ngāue Fakafaifekau ʻo e Puleʻanga ʻo ʻAokosi 1986, palakalafi 24-26.