Fanongonongo

◼ Tohi ke tuʻuaki ʻi Nōvema: ʻIlo ʻA ʻIa ʻOku Taki Atu ki he Moʻui Taʻengatá pe Te Ke Malava ʻo Moʻui Taʻengata he Palataisi ʻi he Māmaní. Tīsema: Ko Hono ʻAi Hoʻo Moʻui Fakafāmilí ke Fiefia. Sanuali: Fāʻūtaha ʻi he Lotu ki he ʻOtua Moʻoni Pē Taha pe ko ha tohi motuʻa peesi 192 kehe ʻe ʻi he sitoka nai ʻa e fakatahaʻangá. Ko e ngaahi fakatahaʻanga ʻoku ʻikai haʻanau ngaahi tohi peheé ʻe lava ke nau tuʻuaki ʻa e Te Ke Malava ʻo Moʻui Taʻengata he Palataisi ʻi he Māmaní. Fepueli: The Greatest Man Who Ever Lived.

◼ Kuo hoko ʻo ʻosi ala maʻu lahi ange ʻi he ngaahi taʻu ki mui ní ʻa e ngaahi faingamālie ki he folau ki mulí. Ko hono olá, kuo fokotuʻutuʻu ai ʻa hotau fanga tokoua tokolahi ke ʻaʻahi ki he ngaahi fonua kehé. ʻOku nau faʻa fetuʻutaki ki he ngaahi ʻōfisi vaʻa ʻo e Sōsaietí ʻo kole ki ha fakahinohino. ʻOku fiefia ʻa e ngaahi ʻōfisi vaʻá ke tokonaki mai ʻa e ngaahi tuʻasila ʻo e Fale Fakatahaʻangá mo e ngaahi taimi fakatahá ke tokoni ki he fetuʻutaki mo e ngaahi fakatahaʻanga fakalotofonuá. ʻOku toe lava foki ke nau ʻomai ʻa e fakahinohino fekauʻaki mo e ʻaʻahi ki he ʻōfisi vaʻá. Kae kehe, ʻoku fakahaaʻi mei he ngaahi līpōtí kuo fai ʻa e ngaahi fakaʻekeʻeke ʻo tānaki mai ki ai fekauʻaki mo e ngaahi fokotuʻutuʻu folaú, ngaahi nofoʻangá, ngaahi feituʻu manakoá, mo e ngaahi meʻa meimei tatau. ʻOku ʻikai teuʻi ʻa e ngaahi ʻōfisi vaʻá, pea ʻoku ʻikai hanau taimi, ke ʻomai ai ha fakamatala ki he tuʻunga ko ení. ʻOku fakalototoʻaʻi ʻa e kau ʻaʻahí ke fakaʻekeʻeke ki he ngaahi maʻuʻanga fakamatala hangē ko ia ko e ngaahi fakafofonga folau pe ngaahi ʻōfisi takimamatá, ʻa ia ʻoku angamaheniʻaki ʻenau tokonaki mai ʻa e fakahinohino ki he kau folau ʻeveʻevá.