Fanongonongo

◼ Tohi ke tuʻuaki ʻi Sepitema: Ko ʻEku Tohi ʻo e Ngaahi Talanoa Faka-Tohitapú. ʻOkatopa: Ko e ngaahi tatau tāutaha ʻo e Taua Leʻo mo e Awake! ʻI hono maʻu ha mahuʻingaʻia ʻi he ngaahi toe ʻaʻahí, ʻe tuʻuaki nai ʻa e ngaahi tukuhaú. Kamata ʻi he konga ki mui ʻo e māhiná, ʻe tufaki atu ai ʻa e Ongoongo ʻo e Puleʻangá Fika 36. Nōvema: ʻE hoko atu ai ʻa hono tufaki ʻo e Ongoongo ʻo e Puleʻangá Fika 36. Ko e Hā ʻOku Fiemaʻu ʻe he ʻOtuá Meiate Kitautolú?, Te Ke Malava ʻo Moʻui Taʻengata he Palataisi ʻi he Māmaní, pe ko e ʻIlo ʻA Ia ʻOku Taki Atu ki he Moʻui Taʻengatá. Tīsema: Ko e Moʻungaʻi Tangata Lahi Taha Kuo Moʻui Maí. Life—How Did It Get Here? By Evolution or by Creation? Sanuali mo Fepueli: Ko ha ngaahi tohi, fanga kiʻi tohi pe ko ha ngaahi polosiua motuʻa pē ʻi he sitoka ʻa e fakatahaʻangá. Ko e ngaahi fakatahaʻanga ʻoku ʻikai ke nau maʻu ha faʻahinga tatau peheé ke nau tuʻuaki nai ʻa e polosiua Fiemaʻu.

◼ Ko e fakamanatu ki he kau mātuʻá ke nau muimui ofi ʻi he ngaahi fakahinohino kuo ʻomai ʻi he peesi 17-19 ʻo e Taua Leʻo ʻo Sepitema 1, 1991, ʻo fekauʻaki mo ha faʻahinga naʻe tuʻusi pe fakamavaheʻi pē ʻe kinautolu ʻa kinautolú, ʻa ia ʻoku nau hehema nai ke hoko ʻo toe fakafokí.

◼ Ko e faʻahinga ʻoku feohi mo ha fakatahaʻanga ʻoku totonu ke ʻoatu kotoa ʻenau ngaahi tukuhau foʻou mo fakafoʻou ki he Taua Leʻo mo e Awake!, kau atu ki ai mo ʻenau ngaahi tukuhau fakafoʻituituí, ʻo fakafou ʻi he fakatahaʻangá.

◼ ʻOku ʻikai ke fakafonu ʻe he Sōsaietí ʻa e kole tohi ʻa ha tokotaha malanga tāutaha. Ko e ʻovasia tauhí ʻoku totonu ke ne fokotuʻutuʻu ha fanongonongo ke fai ʻi he māhina taki taha ki muʻa ke ʻave ki he Sōsaietí ʻa e kole tohi ʻa e fakatahaʻangá ʻi he māhina kotoa pē, koeʻuhi ko kinautolu kotoa ʻoku nau mahuʻingaʻia ke maʻu haʻanau ngaahi tohi fakafoʻituituí ke nau tala ange nai ia ki he tokoua ʻokú ne tokangaʻi ʻa e ʻū tohí. Kātaki ʻo manatuʻi ʻa e ngaahi tohi ʻoku fai ʻa e kole makehe ki aí.

◼ Kamata ʻi Sepitema 1, 2000, ko e ʻīsiu, ʻo e Taua Leʻo ʻe ala maʻu ʻi he ngaahi lea faka-Tumupuka, mo e faka-ʻAsapaisani ko e ngaahi pulusinga fakamāhina.

◼ ʻOku totonu ki he ngaahi fakatahaʻangá ke ʻoatu ʻenau ngaahi kole ki he, Ko Hono Vakaiʻi Fakaʻaho ʻa e Tohitapú—2001 ke aʻu ki he ʻōfisi vaʻá ʻi Sepitema 20. ʻE ala maʻu ʻa e kiʻi tohí ʻi he lea faka-Falanisē, Finilani, Haʻamoa, Hepelū, Hinitī, Hōlani, Hungali, Kalisi, Kemipōtia, Kōlea, Kolōtia, Kualata, Lumēnia, Lūsia, Maleilama, Masitōnia, Noaue, Pēsia, Pilitānia, Pitisini ʻOtu Motu Solomone, Papiamenitō, Pōlani, Potukali, Pulukālia, Punisapi, Seki, Sēpia, Sepuano, Siaina, Siaina (Simplified), Siamane, Siapani, Sipeini, Solovaki, Suahili, Suēteni, Taileni, Takaloko, Tenimaʻake, Tikiliniā, Toake, Tonga, Vietinemi, ʻAlepea, ʻAimīnia Hahake, ʻAimīnia, ʻAlipēnia, ʻAmihaliki, ʻIloko, ʻInitonēsia, ʻĪtali, ʻIukalaine, mo e faka-ʻUtu. ʻI he teʻeki ke ala maʻu ʻa e fanga kiʻi tohi ko ʻení pea fai ʻa hono fakafolau atú, ʻe hā ia ko e “Pending” ʻi he ngaahi lisi fakaheka ʻa e fakatahaʻangá. Ko e fanga kiʻi tohi ko e Ko Hono Vakaiʻi Fakaʻaho ʻa e Tohitapú ʻoku ala fai ʻa e kole makehe ki ai.

◼ ʻOku totonu ki he ʻovasia tauhí pe ko ha tokotaha kuó ne fili ke ne ʻaotitaʻi ʻa e fakamatala fakapaʻanga ʻa e fakatahaʻangá ʻi Sepitema 1 pe ha faingamālie vave taha hili iá. Fai ha fanongonongo ki he fakatahaʻangá ʻi he lava ʻo e ngāue ko ʻení.

◼ Kamata ʻi he uike ʻo Sepitema 25, 2000, ko e tohi ʻIlo ʻA Ia ʻOku Taki Atu ki he Moʻui Taʻengatá ʻe ako ia ʻi he Ako Tohi ʻa e Fakatahaʻangá. Fakataha mo e ʻīsiu ko ʻeni ʻo ʻEtau Ngāue Fakafaifekau ʻo e Puleʻanga ʻoku ʻi ai ha tatau ʻo e taimi-tēpile ako kakató. Te ke fakahū nai ia ʻi hoʻo tatau fakafoʻituituí ke faingofua hono ngāueʻakí.

◼ Ko e Ongo Tohi ʻOku ʻOsi ʻAupito mei he Sitoká:

Ko Hono Vakaiʻi Fakaʻaho ʻa e Tohitapú​—2000​—Faka-Pilitānia

2000 Yearbook of Jehovah’s Witnesses​—Faka-Pilitānia