Fanongonongo

◼ Tohi ke tuʻuaki ʻi Sanuali mo Fepueli: Ko ha ngaahi tohi, fanga kiʻi tohi pe ngaahi polosiua motuʻa pē ʻi he sitoka ʻi he fakatahaʻangá. Ko e ngaahi fakatahaʻanga ʻoku ʻikai te nau maʻu ʻa e ngaahi tohi peheé ʻe lava ke nau tuʻuaki ʻa e polosiua Fiemaʻu. Maʻasi: ʻIlo ʻA Ia ʻOku Taki Atu ki he Moʻui Taʻengatá. ʻEpeleli mo Mē: Ko e ngaahi makasini Taua Leʻo mo e ʻĀ Hake! Kapau ʻoku hā mai ha mahuʻingaʻia ʻi he ngaahi toe ʻaʻahí, ʻe tuʻuaki nai ʻa e ngaahi tukuhaú. Sune: ʻIlo ʻA Ia ʻOku Taki Atu ki he Moʻui Taʻengatá mo e Ko e Hā ʻOku Fiemaʻu ʻe he ʻOtuá Meiate Kitautolú?

◼ Ko e kau malanga ʻosi papitaiso kotoa pē te nau ʻi he Fakataha Ngāue ʻi he uike ʻo Sanuali 29 ʻe lava ke nau maʻu ʻa e kaati Fakahinohino/Fakaʻatā Fakafaitoʻo Tokamuʻa pea mo e Kaati Fakaʻilonga ki heʻenau fānaú.

◼ Kamata ʻi Maʻasi, ko e malanga foʻou ʻa e kau ʻovasia fakafeituʻú maʻá e kakaí ko e “ʻAho Fakamāú​—Ko ha Taimi ʻo e Manavahē pe ʻAmanaki?”

◼ ʻOku totonu ki he ngaahi fakatahaʻangá ke nau fai ha ngaahi fokotuʻutuʻu feʻungamālie ke kātoangaʻi ʻa e Fakamanatu ʻi he taʻu ní ʻi he Sāpate, ʻEpeleli 8, hili e tō ʻa e laʻaá. Neongo ʻe kamata tōmuʻa ange ʻa e malangá, ko hono tufa ʻo e maá mo e uaine ʻoku ʻikai totonu ke kamata ia kae ʻoua ke hili e tō ʻa e laʻaá. Vakai ki he ngaahi maʻuʻanga fakamatala ʻea fakalotofonuá ke fakapapauʻi ʻa e taimi tō ʻa e laʻaá ʻi ho feituʻú. Koeʻuhi ʻoku ʻikai ha ngaahi fakataha tuku kehe ʻa hono fai ʻo e ngaahi fakataha ki he ngāue fakamalanga ʻi he ʻaho ko iá, ʻoku totonu ke fai ha ngaahi feʻunuʻaki feʻungamālie ki he Ako Taua Leʻo ke fai ia ʻi ha taimi kehe. ʻE fiemaʻu ki he kau ʻovasia fakafeituʻú ke feʻunuʻaki ʻenau taimi-tēpile ki he uiké. ʻOku lelei ki he fakatahaʻanga taki taha ke fai pē ʻene kātoanga Fakamanatu ʻaʻana. Kae kehe, ʻi he ʻi ai ha ngaahi fakatahaʻanga ʻoku nau ngāueʻaki anga-maheni ha Fale Fakatahaʻanga tatau, mahalo ko ha fakatahaʻanga ʻe taha pe lahi ange ʻe lava ke nau ngāueʻaki ha fale kehe ki he efiafi ko iá. Te mau fokotuʻu atu ko e siʻi tahá pē ko e miniti ʻe 40 ʻi he vahaʻa ʻo e ngaahi polokalamá ke maʻu ʻaonga kakato ai ʻa e tokotaha kotoa pē mei he kātoangá, ʻo fakaʻatā ai ha taimi ke fakafeʻiloaki ai ki he kau ʻaʻahí, pea fakalototoʻaʻi ʻa e faʻahinga mahuʻingaʻia foʻoú.

◼ Ko e malanga makehe maʻá e kakaí ki he faʻahitaʻu Fakamanatu 2001 ʻe fai ia ʻi he Sāpate, ʻEpeleli 1. Ko e kaveinga ʻo e malangá “Ko Hai ʻe Lava ke Fakahaofí?” ʻE toki ʻomai ʻa e ʻautilainé. Ko e ngaahi fakatahaʻanga ko ia ʻoku fai ki ai ʻa e ʻaʻahi ʻa e ʻovasia fakafeituʻú, ko ha ʻasemipilī fakafeituʻu, pe ko ha ʻasemipilī ʻaho makehe ʻi he fakaʻosinga ʻo e uike ko iá te nau fai ʻa e malanga makehé ʻi he uike ʻo ʻEpeleli 9. ʻOku ʻikai totonu ki ha fakatahaʻanga ke ne fai ʻa e malanga makehé ki muʻa ʻi ʻEpeleli 1, 2001.

◼ Kamata ʻi he ʻīsiu ʻo Sanuali 1, 2001, ʻe ala maʻu ai ʻa e Taua Leʻo ʻi he lea faka-Keionitī mo e Seiselesi Kiliola ko ha pulusinga fakamāhina pea ʻi he faka-Silosí ko ha pulusinga tuʻo ua he māhina.

◼ Kamata ʻi he ʻīsiu ʻo Sanuali 8, 2001, ʻe ala maʻu ʻa e ʻĀ Hake! ʻi he lea faka-Pulukāliá mo e faka-Utu ko ha pulusinga fakamāhina.

◼ Ngaahi Tohi Foʻou ʻOku Ala Maʻu:

Isaiah’s Prophecy​—Light for All Mankind I​—Faka-Pilitānia

ʻE Lava Ke Ke Hoko ko e Kaumeʻa ʻo e ʻOtuá!​—Faka-Fisi, Haʻamoa, Pilitānia, Tonga

◼ Ngaahi Kāsete Foʻou ʻOku Ala Maʻu:

Kingdom Melodies​—9​—Faka-Pilitānia

Warning Examples for Our Day (Tulama, kāsete pē taha)​—Faka-Pilitānia

◼ Ngaahi Sītī Foʻou ʻOku Ala Maʻu:

Kingdom Melodies​—9​—Faka-Pilitānia