Fanongonongo

◼ Tohi ke tuʻuaki ʻi Fepueli: Ko ha ngaahi tohi, fanga kiʻi tohi pe ngaahi polosiua motuʻa pē ʻi he sitoka ʻa e fakatahaʻangá. Ko e ngaahi fakatahaʻanga ʻoku ʻikai te nau maʻu ʻa e ngaahi tohi peheé te nau tuʻuaki nai ʻa e polosiua Fiemaʻu. Maʻasi: ʻIlo ʻA Ia ʻOku Taki Atu ki he Moʻui Taʻengatá. ʻE fai ai ha feinga makehe ke kamata ha ngaahi ako Tohitapu ʻi ʻapi. ʻEpeleli mo Mē: Ko e ngaahi makasini Taua Leʻo mo e ʻĀ Hake! ʻI he fakahaaʻi ha mahuʻingaʻia ʻi he ngaahi toe ʻaʻahí, ʻe tuʻuaki nai ʻa e ngaahi tukuhaú. Tuʻuaki ʻa e tohi ʻIló pe ko e polosiua Fiemaʻú, fakataha mo e fakakaukau ke kamata ha ngaahi ako Tohitapu ʻi ʻapi. Sune: ʻIlo ʻA Ia ʻOku Taki Atu ki he Moʻui Taʻengatá mo e Ko e Hā ʻOku Fiemaʻu ʻe he ʻOtuá Meiate Kitautolú? Siulai: ʻE ngāueʻaki nai ha taha ʻo e ngaahi polosiua peesi ʻe 32 ko ʻení: Ko e Puleʻanga Te Ne ʻOmai ʻa e Palataisi, Laumālie ʻo e Kau Maté—ʻOku Malava Ke Nau Tokoniʻi Koe pe Uesia Koe? ʻOku Nau ʻI Ai Moʻoni?, Moʻui Fiefia ʻi he Māmani ʻo Taʻengata!, “Vakai! ʻOku Ou Fakafoʻou ʻa e Meʻa Kotoa Pē,” ʻE Lava Ke Ke Hoko ko e Kaumeʻa ʻo e ʻOtuá!, ʻI he Mate ha Taha ʻOkú Ke ʻOfa Ai, mo e ʻOku Totonu Ke Ke Tui ki he Tolu-Tahaʻi-ʻOtuá?

◼ ʻOku totonu ki he ʻovasia tauhí pe ko ha tokotaha kuó ne vaheʻi ke ne ʻaotitaʻi ʻa e paʻanga ʻa e fakatahaʻangá ʻi Maʻasi 1 pe ʻi he faingamālie vave taha ʻi he hili pē iá. ʻI he ʻosi hono fai ʻení, fai ha fanongonongo ki he fakatahaʻangá ʻi he hili hono lau ʻa e fakamatala paʻanga hono hokó.

◼ ʻOku totonu ki he sekelitalí mo e ʻovasia ngāué ke na vakaiʻi ʻa e ngāue ʻa e kau tāimuʻa tuʻumaʻú kotoa. Kapau ʻoku ʻi ai ha faʻahinga ʻoku faingataʻaʻia ʻi hono aʻusia ʻa e houa ʻoku fiemaʻú, ʻoku totonu ki he kau mātuʻá ke nau fokotuʻutuʻu ke fai ha tokoni. Ki ha ngaahi fokotuʻu, vakaiʻi ʻa e ngaahi tohi fakataʻu S-201 ʻa e Sōsaietí. Sio foki ki he palakalafi 12-20 ʻi he fakalahi ʻo ʻEtau Ngāue Fakafaifekau ʻo e Puleʻanga ʻo ʻAokosi 1986.

◼ ʻI hono ngāueʻi ha feituʻu ʻoku teʻeki ke vaheʻi, ʻe tuʻuaki nai ʻe he kau malangá ʻa e tohi ʻIlo pe ko e polosiua Fiemaʻu. ʻE tuʻuaki nai ha tohi kehe pē kapau kuo ʻosi maʻu ʻe he tokotaha-ʻapí ʻa e ongo tohi ko ʻení. ʻOku totonu ki he tokotaha kotoa pē ke ne toʻotoʻo ha ngaahi tuleki kehekehe ki he ʻikai-ʻi-ʻapí pe ko ha faʻahinga tāutaha ʻoku ʻikai te nau tali ʻa e ngaahi tohí. ʻOku totonu ke fai ha ngaahi feinga ke toe foki ki he mahuʻingaʻiá, tautautefito ki ha ngaahi feituʻu naʻe ʻikai vaheʻi ʻe lava ke ngāue ai ʻa e kau tāimuʻa makehé pe ʻoku lava ke aʻu ki ai ʻa e ngaahi fakatahaʻanga ofi atú.