Fanongonongo

◼ Tohi ke tuʻuaki ʻi ʻOkatopa: Ko e ngaahi makasini Taua Leʻo mo e ʻĀ Hake! ʻI he maʻu ha mahuʻingaʻia ʻi he ngaahi toe ʻaʻahí, ʻe tuʻuaki nai ʻa e ngaahi tukuhaú. Nōvema: Ko e Hā ʻOku Fiemaʻu ʻe he ʻOtuá Meiate Kitautolú?, ʻIlo ʻA Ia ʻOku Taki Atu ki he Moʻui Taʻengatá pe Te Ke Malava ʻo Moʻui Taʻengata he Palataisi ʻi he Māmaní. Tīsema: Ko e Moʻungaʻi Tangata Lahi Taha Kuo Moʻui Maí. Sanuali: Ko ha taha pē ʻo e ngaahi tohi, fanga kiʻi tohi pe polosiua motuʻa ʻoku maʻu nai ʻi he sitoka ʻa e fakatahaʻangá pe Ko e Hā ʻOku Fiemaʻu ʻe he ʻOtuá Meiate Kitautolú?

◼ Ko e fakalahi ʻi he ʻīsiu ko ʻeni ʻo ʻEtau Ngāue Fakafaifekau ʻo e Puleʻanga ko e “Taimi-Tēpile [ia] ki he Ako Fakafaifekau Fakateokalati ki he 2002” pea ʻoku totonu ke tauhi ia ko e maʻuʻanga fakamatala ki he 2002 fakakātoa.

◼ Kapau ko e taimi fakataha ki hoʻo fakatahaʻangá ʻe liliu ʻi Sanuali 1, ʻoku totonu ki he sekelitali ʻa e fakatahaʻangá ke ne fakahā ki he ʻōfisi vaʻá ʻa e ngaahi liliú ʻaki hono ʻoatu ʻa e foomu ko e Congregation Meeting Information mo e foomu Kole Lauʻipepa-Tuʻuaki (S-5). Kapau ʻoku fiemaʻu, ʻe lava ke ʻota ha tokonaki foʻou ʻo e ngaahi lauʻipepa-tuʻuakí ʻi he foomu tatau. ʻOku totonu ke kole ʻa e ngaahi lauʻipepa-tuʻuakí ʻo ʻikai siʻi hifo ʻi he uike ʻe valu ki muʻa ʻi hoʻo fakaʻamu ke maʻu kinautolú.

◼ ʻOku totonu ke kole ʻe he ngaahi fakatahaʻangá ʻa e polosiua faka-Tonga ko e “Potu Folofola Kotoa Pe”—Moʻoni Alafalalaʻanga mo ʻAonga (Hiva ʻo e Hiva-Malakai) fakataha mo ʻenau kole tohi ki ʻOkatopá. Koeʻuhi ʻe ngāueʻaki ʻa e polosiua ko ʻení ʻi he Ako Fakafaifekau Fakateokalati ki he 2002, ʻoku totonu ke kole ha tatau feʻungamālie koeʻuhi ke maʻu ʻe he tokotaha taki taha ʻi he kau fanongó ha tatau.

◼ ʻOku totonu ke fakafolau atu ʻe he ngaahi fakatahaʻangá ʻenau kole tohi ki he Ko Hono Vakaiʻi Fakaʻaho ʻa e Tohitapú—2002 ke aʻu ki he ʻōfisi vaʻá ʻi ʻOkatopa 20. ʻE ala maʻu ʻa e fanga kiʻi tohí ʻi he lea faka-Falanisē, Finilani, Fisi, Haʻamoa, Hili Motu, Hinitī, Hōlani, Hungali, Kalisi, Kemipōtia, Kōlea, Kolōtia, Loma, Lūsia, Maienimā, Maleialama, Masitōnia, Mēlita, Pēsia, Pilitānia, Pisilama, Pitisini Niu Kini, Pitisini ʻOtu Motu Solomone, Pōlani, Potukali, Pulukālia, Seki, Sēpia, Sepuano, Siaina, Siaina (Simplified), Siamane, Siapani, Sipeini, Tahiti, Taileni, Takaloko, Tenimaʻake, Toake, Tonga, Tuvalu, Uālisi, Vietinemi, ʻAimīnia, ʻAlepea, ʻInitonīsia mo e faka-ʻĪtali. ʻI he teʻeki ke ala maʻu ʻa e fanga kiʻi tohi ko ʻení pea fai ʻa hono fakafolau atú, ʻe hā ia ko e “Pending” ʻi he ngaahi lisi fakaheka ʻa e fakatahaʻangá. Ko e fanga kiʻi tohi Ko Hono Vakaiʻi ʻa e Tohitapú ʻoku ala fai ʻa e kole makehe ki ai.

◼ Ngaahi Tohi Foʻou ʻOku Ala Maʻu ʻi ʻAositelēlia:

T-71 Does Fate Rule Our Lives? Or Does God Hold Us Responsible? (ki he kau Mosilemí) ​—Faka-Pilitānia

◼ Ngaahi Tohi ʻOku Toe Ala Maʻu ʻi ʻAositelēlia:

“All Scripture Is Inspired of God and Beneficial”​—Faka-Pilitānia

The Divine Name That Will Endure Forever ​—Faka-Pilitānia

2001 Yearbook of Jehovah’s Witnesses ​—Faka-Pilitānia

◼ Ngaahi Kāsete ʻOku Toe Ala Maʻu ʻi ʻAositelēlia:

Esela, Nehemaia, Eseta​—Faka-Pilitānia