Fakamanatu Ako Fakafaifekau Fakateokalati
Fakamanatu taʻesio ki ha tohi ʻa e ngaahi fakamatala naʻe vaheʻi ke fai ʻi he Ako Fakafaifekau Fakateokalatí ki he ngaahi uike ʻo Sepitema 3 ki Tīsema 24, 2001. Ngāueʻaki ha lauʻipepa kehe ke tohi ki ai ʻa e ngaahi talí ki he lahi taha ʻo e ngaahi fehuʻi te ke lava ʻo tali ʻi he taimi ʻoku vaheʻi maí.
[Fakatokangaʻi: Lolotonga ʻa e fakamanatu tohinimá, ko e Tohitapú pē ʻe lava ke ngāueʻaki ke tali ha fehuʻi. Ko e ngaahi maʻuʻanga fakamatala ʻoku hoko mai he ngaahi fehuʻí, ko e ʻai pē ia ki hoʻo fekumi fakafoʻituituí pē. Ko e ngaahi fika ʻo e pēsí mo e palakalafí ʻoku ʻikai ke ʻasi nai ia ʻi he ngaahi maʻuʻanga fakamatala kotoa ki he Taua Leʻo.]
Tali Moʻoni pe Loi ki he ngaahi fakamatala taki taha ʻoku hoko haké:
1. ʻI he hili ʻa ʻene pekiá, naʻe fai ʻe Sīsū ʻa e ngaahi hā kehekehe ki heʻene kau ākongá ʻi he ʻaho ʻe 40. (Ng. 1:1-3) [my 104]
2. ʻOku fakahaaʻi totonu mai ʻe he Sāme 58:4 ʻoku maʻu ʻe he kelasá ʻa e ‘ongo telinga’ ʻa ia ʻoku ʻikai ke ngāue koeʻuhi he ʻoku tuli fakanatula. [Lau Tohitapu fakauiké; sio ki he Rbi8-E p. 1583.]
3. Ko e “hosite lahi” ʻo e kau fefine ʻoku lave ki ai ʻi he Sāme 68:11 ko e kau pōpula fefine muli kinautolu ʻa ia naʻe tukuange mei he nofo pōpulá ʻe he kau tangata ʻo ʻIsilelí ʻi heʻenau ikunaʻi ʻa e ngaahi puleʻanga fakafilí. [Lau Tohitapu fakauiké; sio ki he w86-E 10/15 p. 30 pal. 6.]
4. ʻOku ʻikai ke vakai ʻa e ʻOtuá ki ha kakai ʻo ha matakali ʻe taha ʻoku nau mahuʻinga ange ʻi he faʻahinga ʻo ha matakali kehe. [my 109]
5. Ko e pehē ʻe Paula “ʻoua naʻa tuku ke fakasikakaʻi koe ʻe ha taha ko hoʻo talavou” ʻoku hā mei ai ko Tīmoté naʻá ne kei taʻu hongofulu tupu, pe ʻi hono taʻu 20 tupu siʻí. (1 Tim. 4:12) [w99 9/15 p. 29 pal. 1-3; p. 31 pal. 2]
6. Hangē ko ia ʻoku lēkooti ʻi he Sāme 110:1, ʻoku ʻuhinga ʻa e “hoku ʻEiki” kia Sīsū. [Lau Tohitapu fakauiké; sio ki he w94-E 6/1 p. 28 pal. 5.]
7. ʻI he tohi ʻa Sāmé, ko e huafa ʻo Sihová ʻoku hā tuʻo 700 nai, pea ko e faʻunga fakanounou ko e “Iaá” ʻoku ʻasi tuʻo 43, ko ia ko hono fakakātoá ko e huafa fakaʻotuá, ʻi hono fakaʻavalisí, ʻoku lave tuʻo 5 nai ki ai, ʻi he Sāme taki taha. [bsi01 p. 17 pal. 12]
8. ʻOku ʻikai ke feʻunga pē ʻa e ako ʻo kau kia Sihova ko e ʻOtuá mo Sīsū Kalaisí ke maʻu ai ʻa e moʻui taʻengatá. [my 116]
9. Ko ha ako ʻo e tohi Palovepí, ko e moʻoni, ko ha ako ia ʻo e poto ʻo Solomoné tonu. [bsi01 p. 18 pal. 1]
10. Ko e akonaki ʻa e Tohitapú, ʻoku maʻu ʻi he Palovepi 21:17 (PM), ke fakaʻehiʻehi mei he “manako ki he vaiga” ʻoku fakahaaʻi ai ʻoku hala ʻa e maʻu ʻo e fakaolí koeʻuhi he ʻokú ne toʻo atu ai ʻa e ngaahi meʻa ʻoku mahuʻinga angé. [Lau Tohitapu fakauiké; sio ki he w97-E 10/1 p. 27 pal. 7.]
Tali ʻa e ngaahi fehuʻi hoko haké:
11. Ko e hā naʻe fakahaaʻi ʻi hono valokiʻi anga-mokomoko ʻe Sīsū ʻa Māʻatá? (Luke 10:40, 41) [w99 9/1 p. 30 pal. 7]
12. Ko e hā ʻa e “kololia” naʻe ʻoange ʻe Sihova ki he tokotaha-tohi-sāmé? (Sāme 73:24) [Lau Tohitapu fakauiké; sio ki he w86-E 12/15 p. 28 pal. 3.]
13. Ko e hā ʻa e vakai ki he monū fakaengāué ʻoku fakahaaʻi ʻe he tokotaha-tohi-sāmé hangē ko ia ʻoku lēkooti ʻi he Sāme 84:1-3? [Lau Tohitapu fakauiké; sio ki he w97 4/1 p. 8 pal. 5-7.]
14. ʻI hono fekauʻi ʻe he kau taki lotú ke ʻoua ʻe toe akoʻaki ʻa Sīsuú, naʻe anga-fēfē ʻa e tali ʻa e kau ʻapositoló? (Ng. 5:29) [my 106]
15. Koeʻuhi naʻe tui ʻa e muʻaki kau Kalisitiané ki he Pule Taʻu ʻe Taha Afe ʻa Sīsuú hangē ko ia ʻoku lave ki ai ʻi he tohi ʻa Fakahaá, ko e hā ʻa e ngaahi tākiekina naʻe iku atu ki he faifai pē ʻo liʻaki ʻa e akonaki fakaʻotua ko ʻení ʻe he kau Kalisitiane tafoki mei he moʻoní? [w99 12/1 p. 6 pal. 3–p. 7 pal. 5]
16. Ko e hā ʻa e ngaahi fakangatangata ʻo hono fakahā ʻa e “mahuʻingaʻia fakafoʻituitui” ki he kakai kehé ʻoku totonu ke tokanga ki ai ʻa e kau Kalisitiané? (Fili. 2:4, NW) [w99 12/1 p. 29 pal. 1]
17. Ko e hā ʻoku fakahuʻunga ki ai ʻa e lave ʻi he Sāme 128:3 ki he hoko ʻa e fānaú ʻo “hange ʻani huliʻi ʻolive” takatakai ʻi he tēpile ʻa ha tangata? [Lau Tohitapu fakauiké; sio ki he w00 8/15 p. 30 pal. 4.]
18. Kapau ʻoku tau lāuʻilo ki he fakamanavahē ʻo e ngāue ʻa e ʻOtuá, ʻe anga-fēfē ʻene uesia kitautolú? (Sāme 139:14, PM) [Lau Tohitapu fakauiké; sio ki he w94 2/1 p. 15 pal. 18.]
19. Ko e hā hono ʻuhinga ʻoku lea ai ʻa e Palovepi 5:3, 4 (PM) ʻo fekauʻaki mo e ikuʻanga ʻo e ʻulungaanga taʻetāú ko ha “kona ii” pea “majila o hage ha heleta fakatoumata”? [Lau Tohitapu fakauiké; sio ki he w00 7/15 p. 29 pal. 2.]
20. ʻI he fehoanaki mo e Palovepi 14:29, ʻe lava fēfē ke tokoniʻi kitautolu ʻe he ʻiloʻiló ke fakaʻehiʻehi ai mei he ngaahi nunuʻa ʻo e taʻefaʻakātakí mo e ʻita taʻemapuleʻí? [Lau Tohitapu fakauiké; sio ki he w97 4/1 p. 13 pal. 7-8.]
ʻOmai ha foʻi lea pe kupuʻi lea ʻoku fiemaʻu ke fakakakatoʻaki ʻa e ngaahi fakamatala taki taha ʻoku hoko haké:
21. Ko e tau te ne fakaʻauha ʻa e kovi kotoa peé ʻoku ui ia ko ․․․․․․․․ (Fkh. 16:14, 16) [my 114]
22. Ko e taumuʻa ʻo e ngaahi Palovepí ʻoku tafaʻaki ua—ko hono ʻoatu ʻa e ․․․․․․․․ mo tokonaki mai ʻa e ․․․․․․․․ (Pal. 1:1-4) [w99 9/15 p. 13 pal. 1]
23. Ko e “botu lilo i he fugani maoluga” ko ha feituʻu ʻo e ․․․․․․․․ ki he faʻahinga ʻoku nau tuʻu ʻi he tafaʻaki ʻa e ʻOtuá ʻi he fekīhiaki fekauʻaki mo e ․․․․․․․․; ʻoku “lilo” ia, pe taʻeʻiloa, ki he kakai ʻoku nau ․․․․․․․․ (Sāme 91:1) [Lau Tohitapu fakauiké; sio ki he w86-E 12/15 p. 29 pal. 6.]
24. Ko e ‘ʻikai ngalo ʻa e ngaahi ngāue ʻa Sihová’ ʻoku hā mahino ʻene fehokotaki ki he ․․․․․․․․ ki he “ʻene ngaahi ngāué,” ʻa ʻene ngaahi ngāue anga-ʻofa hangē ko ia ʻoku fakamatalaʻi ʻi he Sāme 103. (Sāme 103:2) [Lau Tohitapu fakauiké; sio ki he w99 5/15 p. 21 pal. 5-6.]
25. Ko e palōvepí ko ha lea nounou ia ʻoku faʻa ngāueʻaki ai ʻa e ․․․․․․․․ pea ʻoku faʻufaʻu iá ke ʻai ʻa e ․․․․․․․․ [bsi01 p. 19 pal. 6]
Fili ʻa e tali totonu ʻi he ngaahi fakamatala taki taha ʻoku hoko haké:
26. Neongo naʻá ne maʻu ha ʻuhinga ke ʻita ai ʻi he tōʻongafai naʻá ne aʻusia meia Saulá, naʻe taʻotaʻofi ʻe Tēvita ʻa ia tonu koeʻuhi he (naʻá ne ʻilo naʻe taʻehaohaoa ʻa Saula pea kuo pau ki he kau sevāniti ʻa e ʻOtuá ke nau faʻa fakamolemole; naʻá ne manatuʻi lelei ʻa hono vahaʻangatae mo Sihová; naʻá ne ʻilo ʻoku hala ke fai fakamaau). (1 Sam. 24:6, 15) [w99 8/15 p. 8 pal. 7]
27. Ko e (potó; akonakiʻí; māʻoniʻoní) ko e tuifio ia ʻo e ngaahi moʻoniʻi meʻa lahi, ʻo kau ai ʻa e mahinó, ʻiloʻiló, fakapotopotó mo e malava fakaefakakaukaú; ko e (anga-leleí; mahinó; fakafuofua leleí) ko e malava ia ke sio ki ha meʻa pea ʻiloʻi ʻa hono faʻungá ʻaki ʻa hono makupusi ʻa e ngaahi fehokotakiʻanga ʻi he vahaʻa ʻo hono ngaahi kongokongá pea mo hono tuʻunga kakató, ʻo maʻu ai hono ʻuhingá. (Pal. 1:1-4) [w99 9/15 p. 13 pal. 2]
28. Ko e mālohi ʻo Siosifa ke talitekeʻi ʻa e ngaahi fokotuʻu taʻetaau ange ʻa e uaifi ʻo Pōtifá naʻe haʻu ia mei heʻene (ʻilo ʻa e Lao ʻa Mōsesé, ʻa ia ʻoku fakahalaiaʻi ai ʻa e feʻauakí; ʻapasia loloto ki he tuʻunga māʻolunga ʻo hono husepānití; fakamahuʻingaʻi ʻa hono vahaʻangatae mo Sihová). (Sen. 39:7-9) [w99 10/1 p. 29 pal. 3]
29. ʻOku hā mahino naʻe maʻu ʻe he tokotaha-tohi ʻo e Sāme hono 119 ha houngaʻia loloto ki he (folofola pe lao ʻa e ʻOtuá; meʻaʻofa ʻo e moʻuí; ʻamanaki ʻo e fakamoʻuí), ʻa ia ʻoku lave ki ai ʻi he meimei kotoa ʻo e ngaahi veesi ʻo e sāmé. [Lau Tohitapu fakauiké; sio ki he w99 11/1 p. 10 pal. 5; w87-E 3/15 p. 24 pal. 2.]
30. ʻI he ʻuluaki ongo vahe ʻe ua ʻo e tohi ʻa Paula ki he kau (Lomá; Kalētiá; Hepeluú), ʻoku tau maʻu ai ha ngaahi lave mei he Sāmé ʻo fekauʻaki mo e (tuʻunga māʻolunga; papitaiso; ngāue fakafaifekau ʻi he māmaní) ʻo Sīsū Kalaisí. [bsi01 p. 17 pal. 17]
31. Ko e tangata naʻe fakanofo ʻe Sīsū ke tokoni kia Saula ʻi Tāmasikusí ko (ʻAnanaia; ʻAnitelū, ʻĀnasi). [my 108]
Fakahoa ʻa e ngaahi konga Tohitapú ki he ngaahi fakamatala ʻoku hoko hake ʻi laló:
Pal. 2:19; 14:15; 18:17; Hep. 13:18
32. Ko e kau Kalisitiané ʻe ʻikai te nau ohi mai ha ngaahi ngāue fakapisinisi ʻa ia ʻoku taʻefaitotonu pe taʻetokangaʻi ai ʻa e ngaahi tupu fakalao ʻa e niʻihi kehé. [w99 9/15 p. 10 pal. 2]
33. Ko e faʻahinga ʻoku nau fai ʻa e fehokotaki fakasino taʻetāú te nau aʻu nai ki ha tuʻunga ʻo e ʻikai toe foki, ʻa ia ko e mate, ki muʻa ke malava ʻo toe fakaakeaké. [w99 11/15 p. 27 pal. 4-5]
34. Ko ha tokotaha fakapotopoto mo ʻiloʻilo te ne fakafuofua ʻa e ngaahi ola ʻo ʻene ngaahi ngāué pea heʻikai te ne muimui kui ʻi ha hehema foʻou pē nai koeʻuhi ko hono manakoa iá. [Lau Tohitapu fakauiké; sio ki he g94-E 12/8 p. 16 pal. 1.]
35. Neongo ʻe ongo lelei mo totonu ha fakakikihi ʻa ha taha, ʻoku fakapotopoto ke fanongo ki he ongo faʻahi fakatouʻosi ʻo ha meʻa ki muʻa ke aʻu ki ha fakamulituku. [bsi01 p. 22 pal. 29]