Fanongonongo

◼ Tohi ke tuʻuaki ʻi Mē: Ko e ngaahi makasini Taua Leʻo mo e ʻĀ Hake! ʻI hono maʻu ha mahuʻingaʻia ʻi he ngaahi toe ʻaʻahí, fakakau ʻa e tokotahá ʻi ha tufaʻanga makasini pau. Tuʻuaki ʻa e polosiua Fiemaʻu, fakataha mo ha vakai atu ki hano kamata ha ngaahi ako Tohitapu. Sune: Ko e Hā ʻOku Fiemaʻu ʻe he ʻOtuá Meiate Kitautolú? pe ʻIlo ʻA Ia ʻOku Taki Atu ki he Moʻui Taʻengatá. ʻI he maʻu ʻe he tokotaha-ʻapí ʻa e ongo tohi ko ʻení, tuʻuaki ha polosiua feʻungamālie pē. Siulai mo ʻAokosi: ʻE lava ke ngāueʻaki nai ha polosiua peesi ʻe 32 pē ʻoku feʻungamālié.

◼ ʻOku totonu ki he ʻovasia tauhí pe ko ha tokotaha kuó ne vaheʻi ki aí ke ne ʻaotitaʻi ʻa e paʻanga ʻa e fakatahaʻangá ʻi Sune 1 pe ʻi he faingamālie vave taha ʻi he hili pē iá. ʻI he ʻosi hono fai ʻení, fai ha fanongonongo ki he fakatahaʻangá ʻi he hili hono lau ʻa e fakamatala paʻanga hono hokó.

◼ ʻOku totonu ki he ʻovasia tauhí ke ne telefoni ki he Vaʻá kapau ʻoku ʻikai te ne maʻu ʻa e tokonaki ʻa e fakatahaʻangá ki he ʻEtau Ngāue Fakafaifekau ʻo e Puleʻanga ʻi hono ʻaho 25 ʻo e māhina ki muʻa ʻi he ʻaho ʻo e ʻīsiú.

◼ ʻOku fiemaʻu ki he ʻōfisi vaʻá ke ne tauhi ha lēkooti taimi totonu ʻo e ngaahi tuʻasilá pea mo e ngaahi fika telefoni kotoa ʻo e kau ʻovasia tauhí mo e kau sekelitalí. Kapau ʻe ʻi ai ha liliu ʻi ha faʻahinga taimi, ʻoku totonu ki he Kōmiti Ngāue ʻa e Fakatahaʻangá ke ne fakakakato, fakamoʻoni, pea ʻave ha foomu Presiding Overseer/Secretary Change of Address (S-29) ki he ʻōfisi vaʻá ʻi he vave tahá. ʻOku kau heni ha ngaahi liliu pē ʻi he ngaahi fika ʻo e feituʻú.

◼ ʻOku totonu ki he kau sekelitali ʻa e fakatahaʻangá ke nau tauhi maʻu ha tatau feʻunga ʻo e ngaahi foomu Application for Regular Pioneer Service (S-205) mo e Tohi Kole ki he Ngāue Tāimuʻa Tokoní (S-205b). ʻE lava ke ʻota ʻeni ʻi he Literature Request Form (S-14). Tauhi maʻu ha tatau lahi feʻunga ke ngāueʻaki ʻi he taʻu ʻe taha. Vakaiʻi ʻa e ngaahi foomu kole tāimuʻa tuʻumaʻu kotoa pē ke fakapapauʻi ʻoku fakafonu kakato. Kapau ʻoku ʻikai ke manatuʻi ʻe he kau kole tāimuʻá ʻa e ʻaho pau ʻo ʻenau papitaisó, ʻoku totonu ke nau fakafuofuaʻi ʻa e ʻahó pea tauhi ha lēkooti ʻo ia.

◼ ʻI ha taimi pē ʻoku fai ai ha ngaahi palani folau fakafoʻituitui ʻo kau ai ʻa hono maʻu ʻa e ngaahi fakataha ʻa e fakatahaʻangá, ko ha ʻasemipilī, pe ko ha fakataha-lahi fakavahe ʻi ha fonua kehe, ko hoʻo kole fekauʻaki mo ha fakamatala ki he ngaahi ʻahó, taimí, mo e ngaahi feituʻú kuo pau ke ʻave fakahangatonu pē ia ki he ʻōfisi vaʻa ko ia ʻokú ne tokangaʻi ʻa e ngāué ʻi he fonua ko iá. Ko e ngaahi tuʻasila ʻo e ngaahi ʻōfisi vaʻá ʻoku fakahokohoko ia ʻi he peesi fakamuimui ʻo e Yearbook fakamuimui tahá.

◼ Ngaahi Tohi Foʻou ʻOku Ala Maʻu:

Voliume ki he Awake! 2001​—Faka-Pilitānia

Voliume Watchtower 2001​—Faka-Pilitānia

2002 Yearbook of Jehovah’s Witnesses​—Faka-Pilitānia

Isaiah’s Prophecy​—Light for All Mankind II​—Pulusi Mata-Lalahi​—Faka-Pilitānia

ʻIlo ʻA Ia ʻOku Taki Atu ki he Moʻui Taʻengatá​—Pulusi Mata-Lalahi​—Faka-Pilitānia

◼ Kāsete Foʻou ʻOku Ala Maʻu:

Respect Jehovah’s Authority ​—Faka-Pilitānia

◼ Tohi Foʻou Maʻá e Kakai Kuí ʻOku Ala Maʻu:

Benefit From Theocratic Ministry School Education (voliume ʻe fā)​—Kuleiti-ua Faka-Pilitānia

◼ Ngaahi Tohi ʻOku Toe Ala Maʻu:

Te Ke Saiʻia ke ʻIlo Lahi Ange ki he Tohitapú? (Tuleki Fika 26)​—Faka-Pilitānia

Life How Did It Get Here? By Evolution or by Creation? (Kalasi iiki)​—Faka-Pilitānia