Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Mē 15
“ʻOkú ke fakakaukau ʻoku malava ke ke ʻilo ki he ʻOtuá? [Tuku ke ne tali.] Te ke loto-tatau ʻoku faingataʻa ke tui ki ha taha ʻa ia ʻoku siʻi ʻetau ʻilo fekauʻaki mo iá. Ko e moʻoni, ʻoku fakalototoʻaʻi kitautolu ʻe he Tohitapú ke tau kumi ki he ʻOtuá. [Lau ʻa e Ngāue 17:27.] ʻOku fakahaaʻi mai kiate kitautolu ʻe he ngaahi kupu ko ʻení ʻa e founga ʻe lava ai ke tau ʻiloʻi lelei ange ʻa e ʻOtuá.”
Awake! Mē 22
“Kuo ʻahiʻahiʻi ʻe he kau taki ʻo e māmaní ha ngaahi fakakaukau lahi ʻi ha feinga ke solova ʻetau ngaahi palopalemá. Ko e palani foʻou ʻe taha ʻoku ʻiloa ia ko ha feinga fakaemāmani lahi. ʻI he makasini ko ʻení, ʻe lava ke ke lau ai fekauʻaki mo e founga kuo ʻosi uesia nai ai ʻa hoʻo moʻuí ʻe he feinga foʻou ko ʻení. ʻOku lava ke ke toe lau ai ʻo fekauʻaki mo ha fakaleleiʻanga fakaemāmani lahi naʻe tala ki muʻa ʻi he Tohitapú.” Pea lau leva ʻa e Mātiu 6:9, 10.
Ko e Taua Leʻo Sune 1
“ʻOku fakatupunga ʻe he ngaahi meʻa ʻoku lolotonga hokó ʻa e tokolahi ke nau fifili ki he ʻuhinga ʻoku fetaulaki ai ʻa e faʻahinga maʻukovia taʻehalaiá mo e mate mutukiá. Kuó ke fakakaukau fekauʻaki mo e ʻuhinga ʻoku mate ai ʻa e kakaí? [Tuku ke ne tali, pea huke leva ki he saati ʻi he peesi 7.] Te ke saiʻia ke ʻilo ki he meʻa kuo leaʻaki ʻe he Tohitapú fekauʻaki mo e taha ʻo e ngaahi talatupuʻa ʻiloa ko ʻení?” Kapau ʻe malava, lau ha konga Tohitapu ʻoku lave ki ai.
Awake! Sune 8
“ʻOku ongoʻi ʻe he kakai tokolahi ʻoku fepaki ʻa e lotú mo e saienisí. ʻOku aʻu ʻo ongoʻi ʻe he niʻihi ʻoku ʻikai malava ki ha taha ʻoku fakakaukau fakasaienisi ke tui ki he ʻOtuá. ʻOku anga-fēfē hoʻo ongoʻi fekauʻaki mo e meʻá ni? [Tuku ke ne tali.] ʻOku fakamatalaʻi ʻe he Awake! ʻa e kaveingá ni ʻi ha founga mātuʻaki fakamaama.”