Fanongonongo

◼ Tohi ke tuʻuaki ʻi ʻAokosi: ʻE lava ke ngāueʻaki nai ha polosiua peesi ʻe 32 pē ʻoku feʻungamālié. Sepitema: Ko e Fakapulipuli ʻo e Fāmili Fiefiá. ʻOkatopa: Ko e ngaahi makasini Taua Leʻo mo e ʻĀ Hake! ʻI he fakahaaʻi ha mahuʻingaʻiá, tuʻuaki ʻa e polosiua Fiemaʻu, ʻo fai ha feinga makehe ke kamata ha ngaahi ako Tohitapu. Nōvema: Ko e Hā ʻOku Fiemaʻu ʻe he ʻOtuá Meiate Kitautolú? pe ko e ʻIlo ʻA Ia ʻOku Taki Atu ki he Moʻui Taʻengatá. Kapau kuo ʻosi maʻu eni ʻe he kakaí, ʻe tuʻuaki nai ha tohi motuʻa ange.

◼ ʻOku totonu ke kamata kole ʻa e ngaahi fakatahaʻangá ʻa e 2003 Calendar of Jehovah’s Witnesses, Ko Hono Vakaiʻi Fakaʻaho ʻa e Tohitapú​—2003, mo e 2003 Yearbook of Jehovah’s Witnesses ʻi heʻenau kole tohi hokó. Ko e ʻū tohi kotoa ko ení ʻe ala maʻu ia ʻi he faka-Pilitāniá. Tānaki atu ki ai, ko e 2003 Calendar of Jehovah’s Witnesses ʻe kole nai ki ai ʻi he Pitisini ʻa e ʻOtu Motu Solomoné. Ko Hono Vakaiʻi Fakaʻaho ʻa e Tohitapú—2003 ʻe toe kole nai ki ai ʻi he lea faka-Fisí, faka-Haʻamoá, faka-Kilipatí, Pitisini ʻOtu Motu Solomoné (Mataʻitohi lalahi), faka-Tongá mo e faka-Tuvalú.

◼ ʻOku totonu ki he ʻovasia tauhí pe ko ha tokotaha kuó ne vaheʻi ke ne ʻaotitaʻi ʻa e paʻanga ʻa e fakatahaʻangá ʻi Sepitema 1 pe ʻi he faingamālie vave taha ʻi he hili pē iá. ʻI he ʻosi hono fai ʻení, fai ha fanongonongo ki he fakatahaʻangá ʻi he hili hono lau ʻa e fakamatala paʻanga hono hokó.

◼ Ko e fakamatala fakataʻu ʻo e ngaahi tohi mo e ngaahi makasini kotoa pē ʻoku kei maʻú ʻoku totonu ke ʻosi ki ʻAokosi 31, 2002, pe ofi ki ai ʻo kapau ʻe malava. Ko e fakamatala ko ʻení ʻoku meimei tatau ia mo e fakamatala paʻanga totonu ʻoku fai ʻi he māhina taki taha ʻe he kouʻotineita ki he ngaahi tohí, pea ko e fakakātoá ʻoku totonu ke fakahū ki he foomu Literature Inventory (S-18). Ko e fika fakakātoa ʻo e ngaahi makasini ʻoku kei toé ʻe lava ke maʻu ia mei he kau sevāniti makasini ʻi he fakatahaʻanga taki taha ʻi he kulupu ki he ʻū tohí. Ko e fakatahaʻanga tokangaʻi ʻū tohi taki taha te ne maʻu ʻa e foomu Literature Inventory (S-18) ʻe tolu. Kātaki ʻo meiliʻi ʻa e ʻuluaki tataú ki he ʻōfisi vaʻá ʻo ʻoua ʻe toe tōmui ange ʻi Sepitema 6. Tauhi ha tatau ki hoʻomou ngaahi failé. ʻE ngāueʻaki nai ʻa e tatau hono tolú ko ha pepa ngāue. ʻOku totonu ki he sekelitali ʻo e fakatahaʻanga tokangaʻi ʻū tohí ke ne vakaiʻi ʻa e fakamatalá. Ko ia mo e ʻovasia tauhi ʻo e fakatahaʻanga tokangaʻi ʻū tohí te na fakamoʻoni ʻi he fōmú.