Fanongonongo

◼ Tohi ke tuʻuaki ʻi Sepitema: Ko e Fakapulipuli ʻo e Fāmili Fiefiá. ʻOkatopa: Ko e ngaahi makasini Taua Leʻo mo e ʻĀ Hake! ʻI hono fakahaaʻi ha mahuʻingaʻiá, tuʻuaki ʻa e polosiua Fiemaʻu, ʻo fai ha feinga makehe ke kamata ha ngaahi ako Tohitapu. Nōvema: Ko e Hā ʻOku Fiemaʻu ʻe he ʻOtuá Meiate Kitautolú? pe ʻIlo ʻA Ia ʻOku Taki Atu ki he Moʻui Taʻengatá. Kapau ʻoku ʻosi maʻu eni ʻe he kakaí, ʻe tuʻuaki nai ha tohi motuʻa ange. Tīsema: Ko e Moʻungaʻi Tangata Lahi Taha Kuo Moʻui Maí.

◼ ʻOku fakamanatu atu ki he kau mātuʻá ke muimui ofi ʻi he ngaahi fakahinohino kuo ʻomai ʻi he peesi 17-9 ʻo e Taua Leʻo ʻo Sepitema 1, 1991, ʻo fekauʻaki mo e faʻahinga naʻe tuʻusi pe fakamavaheʻi pē ʻe kinautolu ʻa kinautolu, ʻa ia ʻoku nau hehema nai ki he hoko ʻo toe fakafoki maí.

◼ ʻOku ʻikai ke ʻomai ʻe he ʻōfisi vaʻá ʻa e ngaahi kole ʻa ha tokotaha malanga tāutaha ki ha tohi. ʻOku totonu ki he ʻovasia tauhí ke ne fokotuʻutuʻu ke fai ha fanongonongo ʻi he māhina taki taha ki muʻa ke ʻoatu ʻa e kole tohi fakamāhina ʻa e fakatahaʻangá ki he vaʻá, koeʻuhi ke tala ʻe kinautolu kotoa ʻoku mahuʻingaʻia ke maʻu ha ngaahi tohi fakafoʻituituí ki he tokoua ʻokú ne tokangaʻi ʻa e ngaahi tohí. Kātaki ʻo manatuʻi ʻa e ngaahi tohi ko ia ʻoku fai ʻa e kole makehe ki aí.

◼ ʻI he taimi ʻe niʻihi, ʻoku fehangahangai ai ʻa e ngaahi fakatahaʻangá mo e kau malanga tāutahá mo e ngaahi ʻīsiu fakalao felāveʻi mo ʻetau lotu kia Sihová. Ko e kiʻi tohi Defending and Legally Establishing the Good News naʻe pulusi ia ʻi he 1950 ke tokoni ʻi he ngaahi meʻa ko ení. Neongo ko e kiʻi tohí ni naʻe ngāueʻaki ia ʻi he kuohilí, ko e fakamatala fakalao ʻokú ne ʻomaí ʻoku ʻikai kei feʻunga ia mo e taimí. Ko ia ai, ʻoku ʻikai totonu ke feinga ʻa e kau malanga tāutahá mo e kulupu ʻo e kau mātuʻá ke ngāue ki he ngaahi meʻa fakalaó ʻo makatuʻunga ʻi he fakahinohino ʻoku ʻi he kiʻi tohi ko iá.

◼ Ko e malanga makehe maʻá e kakaí ki he faʻahitaʻu Fakamanatu 2003 ʻe fai ia ʻi he Sāpate, ʻEpeleli 27. Ko e kaveinga ʻo e malangá pea mo ha ʻautilaine ʻe fanongonongo ia ʻamui ange. Ko e ngaahi fakatahaʻanga ko ia ʻoku nau maʻu ʻa e ʻaʻahi ʻa e ʻovasia sēketí pe ko ha ʻasemipilī ʻi he fakaʻosinga ʻo e uike ko iá ʻe fai ʻenau malanga makehé ʻi he uike hoko maí. ʻOku ʻikai totonu ke fai ʻe ha fakatahaʻanga ʻa e malanga makehé ki muʻa ʻi ʻEpeleli 27, 2003.

◼ Ngaahi Tohi Foʻou ʻOku Ala Maʻu:

A Satisfying Life​—How to Attain It​—Faka-Hintī, Pēsia, Toake

Benefit From Theocratic Ministry School Education​—Faka-Finilani, Kolōtia, Lūsia, Seki, Siaina, Siaina Faingofua, Siapani, Taileni, Takaloko

Moʻui Fiefia he Māmani ʻo Taʻengata!​—Faka-Huave, Masateki, Meia, Selitali, Sotisili, Totonaki

ʻIlo ʻA Ia ʻOku Taki Atu ki he Moʻui Taʻengatá​—Faka-Mongokōlia

Life​—How Did It Get Here? By Evolution or by Creation? (Kalasi iiki) ​—Faka-Tamili

◼ Ngaahi Kāsete Vitiō Foʻou ʻOku Ala Maʻu:

Our Whole Association of Brothers ​—Faka-Taileni

◼ Ngaahi Kāsete Vitiō ʻOku Toe Ala Maʻu:

Noah—He Walked with God ​—Faka-Pilitānia

◼ ʻOsi ʻAupito mei he Sitoká:

2002 Yearbook of Jehovah’s Witnesses ​—Faka-Pilitānia

Ko Hono Vakaiʻi Fakaʻaho ʻa e Tohitapú—2002​—Faka-Pilitānia

◼ Ngaahi Sītī Foʻou ʻOku Ala Maʻu:

Respect Jehovah’s Authority (Tulama, sītī pē ʻe taha)​—Faka-Pilitānia, Siamane, ʻĪtali