Fakamanatu Ako Fakafaifekau Fakateokalati
Ko e ngaahi fehuʻi ko ení ʻe lāulea tala ngutu ki ai ʻi he Ako Fakafaifekau Fakateokalatí lolotonga ʻa e uike kamata Fepueli 24, 2003. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he ngaahi uike ʻo Sanuali 6 ki Fepueli 24, 2003. [Fakatokanga: ʻI he ʻikai ʻi ai ha ngaahi maʻuʻanga fakamatala hili ʻa e fehuʻí, ʻe fiemaʻu ke ke fai hoʻo fekumi pē ʻaʻau ke maʻu ai ʻa e ngaahi talí.—Sio ki he Ako Fakafaifekau, p. 36-7.]
TUʻUNGA ʻO E LEÁ
1. Moʻoni pe Loi: Ko e kī ki he lautohi tonu matemateé ko hono fakapapauʻi ʻoku ongo tonu ʻa e meʻa ʻoku laú, neongo kapau ʻoku kiʻi kehe ia mei he meʻa ʻoku tohí. Fakamatalaʻi. [be p. 83]
2. Fakafonu ʻa e Ngaahi ʻAtaá: Koeʻuhi ke lautohi tonu matematē, kuo pau ke te ․․․․․․․․, ․․․․․․․․, ․․․․․․․․ pea fai leʻo-lahi ia. [be p. 85]
3. Ko e hā ʻoku mahuʻinga ai ke lea ke mahinó? (1 Kol. 14:8, 9) [be p. 86]
4. Ko e hā ʻa e ngaahi meʻa ʻe niʻihi ʻe lava ke ne ʻai ke taʻemahino ʻa e leá, pea ko e hā ʻe lava ke tau faí koeʻuhi ke lea mahino ange ai? [be p. 87-8]
5. Ko e hā ha ngaahi foʻi lea ʻe niʻihi naʻe ngāueʻaki ʻi he Ako Fakafaifekau Fakateokalatí lolotonga ʻa e māhina ʻe ua ki muʻá ʻokú ke ongoʻi ʻoku fiemaʻu ke ke ʻahiʻahiʻi ʻa hono puʻaki totonú? [be p. 92]
KONGA FIKA 1
6. Moʻoni pe Loi: ʻE lava ke tokoniʻi kitautolu ʻe hotau matá ke fanongo. Fakamatalaʻi. [be p. 14]
7. Fakafonu ʻa e Ngaahi ʻAtaá: Ko e ․․․․․․․․, ko e ․․․․․․․․ pea mo e ․․․․․․․․ ʻoku nau ngāue kotoa ko e ngaahi meʻa-tala taimi kuo tokonaki fakaʻotua. [bsi99-2 p. 12 pal. 7]
8. Fakafonu ʻa e Ngaahi ʻAtaá: ʻI hono ngāueʻaki faka-Tohitapú, ko e foʻi lea ko e “ʻaho” ʻe lava ke ʻuhinga ia ki ha vahaʻa taimi ko e houa ʻe ․․․․․․․․ houa ʻe ․․․․․․․․ taʻu ʻe ․․․․․․․․ pe ․․․․․․․․, ʻo fakahaaʻi ʻe he potutohí ʻa e ʻuhinga ʻoku ngāueʻaki ki aí. [bsi99-2 p. 12 pal. 8]
9. ʻE lava fēfē ke tokoniʻi kitautolu ʻe he faʻifaʻitakiʻanga ʻa ʻAna, Maʻake mo ʻIlaisiaá ke tau fekuki mo e loto-siʻí? ʻE lava fēfē ke tau ngāueʻaki ʻa e ngaahi faʻifaʻitakiʻanga ko ení ke tokoniʻi ʻa e niʻihi kehé? [w01 2/1 p. 20-3]
10. ʻOku anga-fēfē ʻa hono fakamaama ʻa e ngaahi veesi Tohitapu ʻe niʻihi ʻi hano mahinoʻi ʻa e ngaahi vaʻinga ʻatelita he kuonga muʻá? ʻOku totonu ke fēfē ʻa e kaunga ki heʻetau moʻuí ʻa e fakamatala ko ení? [w01 1/1 p. 28-31]
LAU TOHITAPU FAKAUIKE
11. Moʻoni pe Loi: Koeʻuhi ko e Puleʻanga ʻo e ʻOtuá naʻe fokotuʻu ia ʻi hēvani ʻi he 1914, ʻoku ʻikai kei totonu ke lotu, “Ke hoko mai ho puleʻangá.” (Mt. 6:10, NW) Fakamatalaʻi. [be p. 279; w96 6/1 p. 31]
12. Moʻoni pe Loi: Ko e ngaahi lea ʻa Sīsū ʻoku lēkooti ʻi he Mātiu 11:24 ʻoku ʻuhinga iá ko e faʻahinga naʻe fakaʻauha ʻe Sihova ʻaki ʻa e afí ʻi Sōtoma mo Komolá te nau toetuʻu. Fakamatalaʻi.
13. Ngaahi Tali ke Fili mei Ai: Ko e tamaioʻeiki anga-tonu mo poto naʻe lave ki ai ʻa Sīsū ʻi he Mātiu 24:45-47 (a) ko e Kulupu Pule ʻa e Kau Fakamoʻoni ʻa Sihová; (e) ko e kau Kalisitiane pani kotoa pē ʻi he tuʻunga ko ha kulupu ʻi he māmaní ʻi ha taimi pē; (f) ko Sīsū Kalaisi tonu. ʻOku tokonaki ʻe he tamaioʻeiki ko ení ʻa e meʻakai fakalaumālié ʻi he taimi totonu ki he “kau nofoʻanga,” ʻoku nau fakafofongaʻi (a) ʻa e faʻahinga paní ʻi honau tuʻunga tāutahá; (e) ʻa e fanga sipi kehé; (f) ʻa e kau lautohi kotoa pē ʻo e ngaahi tohi faka-Kalisitiané. Naʻe fakanofo ʻe he ʻEikí ʻa e tamaioʻeikí ke pule ki heʻene meʻa kotoa pē ʻi he taʻu (a) 1914; (e) 33 T.S.; (f) 1919.
14. Ngaahi Tali ke Fili mei Ai: Ko e uloa ʻoku lau ki ai ʻi he talanoa fakatātā ʻa Sīsū ʻi he Mātiu 13:47-50 kuo kau ki ai fakatouʻosi ʻa e fakatahaʻanga ʻo e kau Kalisitiane paní (a) mo e Puleʻanga Fakamīsaia ʻo e ʻOtuá; (e) mo honau ngaahi tākanga ʻo e fanga sipi kehé; (f) mo e Puleʻanga-Haʻa-Kalisitiané.
15. Fakatatau ki he ngaahi lea ʻa Sīsū ʻoku lēkooti ʻi he Mātiu 5:24, ko e hā ʻoku totonu ke ke faí kapau ʻokú ke ongoʻi naʻá ke fakalotomamahiʻi ha kaungālotu? [g96-E 2/8 p. 26-7]