Fakamanatu Ako Fakafaifekau Fakateokalati
Ko e ngaahi fehuʻi ko ení ʻe lāulea tala ngutu ki ai ʻi he Ako Fakafaifekau Fakateokalatí lolotonga ʻa e uike kamata ʻEpeleli 28, 2003. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he ngaahi uike ʻo Maʻasi 3 ki ʻEpeleli 28, 2003. [Fakatokanga: ʻI he ʻikai ʻi ai ha ngaahi maʻuʻanga fakamatala hili ʻa e fehuʻí, ʻe fiemaʻu ke ke fai hoʻo fekumi pē ʻaʻau ke maʻu ai ʻa e ngaahi talí.—Sio ki he Ako Fakafaifekau, p. 36-7.]
TUʻUNGA ʻO E LEÁ
1. Ko e hā ʻa e ngaahi meʻa tefito ʻe lava ke tānaki atu ki he ʻikai pōtoʻi leá? [be p. 93]
2. Moʻoni pe Loi: ʻOku totonu ke fakaʻehiʻehi mei he mālōloó, koeʻuhi ʻe lava ke fakaʻatā ai ʻa e ʻatamai ʻo e kakaí ke tā kakau holo pea ʻoange ai kia kinautolu ʻa e ngaahi faingamālie ke fakahohaʻasi. Fakamatalaʻi.
3. Ko e hā ʻa e mahuʻinga ʻo e fakamamafaʻi totonu ʻa e ʻuhingá ki ha tokotaha malanga pe ko ha tokotaha lautohi fakahāhā? (Nehe. 8:8) [be p. 101]
4. ʻE lava fēfē ke fakatupulekina ʻe ha taha ʻa e fakamamafaʻi totonu ʻa e ʻuhingá? [be p. 102-3]
5. Ko e hā ʻa e ngaahi fakakaukau tefito ʻoku totonu ke fakamamafaʻi ʻi he lautohi leʻo-lahi mei ha tohi ʻi ha ako Tohitapu pe ʻi ha fakataha ʻa e fakatahaʻangá? [be p. 105]
KONGA FIKA 1
6. Ko e hā ʻe lava ke fai ʻe he ngaahi mātuʻá ke akoʻi ʻenau fānaú “koeʻuhi ke nau fanongoa, pea koeʻuhi ke nau maʻu akonaki” ʻi he ngaahi fakataha faka-Kalisitiané? (Teu. 31:12) [be p. 16]
7. Ko e hā ʻa e palataisi fakalaumālié? [w01 3/1 p. 8-10]
8. ʻOku anga-fēfē hono fakahaaʻi ʻi he Palovepi 8:1-3 ʻoku ala maʻu ki he tokotaha kotoa ʻa e poto fakaʻotuá, pea fakatatau ki he Kolose 2:3, ʻe lava ke maʻu ia ʻi fē? [w01 3/15 p. 25, 28]
9. ʻE lava fēfē ke tau ʻai ke ʻiloa ʻa e huafa ʻo e ʻOtuá? (Sione 17:6) [be p. 273-5]
10. Ko e hā ʻa e ngaahi fakaikiiki mahuʻinga ʻoku fiemaʻu ke ʻiloʻi ʻe he kakaí fekauʻaki mo e “ogoogolelei ni oe Buleaga”? (Mt. 24:14, PM) [be p. 279-80]
LAU TOHITAPU FAKAUIKE
11. (a) ʻI he ʻuluaki senitulí, ko e hā ʻa e “meʻa fakalielia” naʻe lave ki ai ʻi he Maake 13:14? (e) ʻOku ʻuhinga ki he hā ʻa ʻene “tuʻu ʻi he potu ʻoku tapu ki ai”?
12. ʻOku anga-fēfē hono fokotuʻu ʻi he Kōsipeli ʻa Luké ko Sīsū ʻa e ʻea totonu ki he taloni ʻo Tēvitá? (Luke 3:23-38)
13. Ko e hā ʻa e ʻuhinga ʻo e fakamatala ʻa Sīsū ʻoku lēkooti ʻi he Luke 12:2?
14. ʻI he talanoa fakatātā ʻa Sīsū fekauʻaki mo e foʻi paʻanga siliva ne molé, ko e hā ʻoku mahuʻinga ai ʻa e ongoʻi ʻa e kau ʻāngeló? (Luke 15:10) ʻOku totonu ke fēfē hono ueʻi kitautolu ʻe heʻenau faʻifaʻitakiʻangá?
15. Ko e hā ʻa e ongo fuakava ʻoku lave ki ai ʻi he Luke 22:29?