Fanongonongo

◼ Tohi ke tuʻuaki ʻi Sepitema: Ko e Fakapulipuli ʻo e Fāmili Fiefiá. ʻOkatopa: Ko e ngaahi makasini Taua Leʻo mo e ʻĀ Hake! ʻI hono fakahaaʻi ʻa e mahuʻingaʻiá, tuʻuaki ʻa e polosiua Fiemaʻu, ʻo fai ha feinga makehe ke kamata ha ngaahi ako Tohitapu. Nōvema: Ko e Hā ʻOku Fiemaʻu ʻe he ʻOtuá Meiate Kitautolú? pe ko e ʻIlo ʻA Ia ʻOku Taki Atu ki he Moʻui Taʻengatá. Kapau ʻoku ʻosi maʻu eni ʻe he kakaí, ʻe tuʻuaki nai ʻa e Lotu ki he ʻOtua Moʻoni Pē Tahá pe ko ha tohi motuʻa ange. Tīsema: Ko e Moʻungaʻi Tangata Lahi Taha Kuo Moʻui Maí.

◼ ʻOku ʻikai tokonaki mai ʻe he ʻōfisi vaʻá ʻa e ngaahi kole tohi ʻa ha kau malanga fakafoʻituitui. ʻOku totonu ke fokotuʻutuʻu ʻe he ʻovasia tauhí ki ha fanongonongo ke fai ʻi he māhina taki taha ki muʻa ʻi hono ʻave ki he vaʻá ʻa e kole tohi fakamāhina ʻa e fakatahaʻangá koeʻuhi ke lava ʻo fakahā ai ʻe he faʻahinga kotoa ʻoku mahuʻingaʻia ʻi hono maʻu ha ʻū tohi fakafoʻituituí ki he tokoua ʻokú ne tokangaʻi ʻa e ʻū tohí. Kātaki ʻo manatuʻi ʻa e ʻū tohi ʻa ia ʻoku fai ʻa e kole makehe ki aí.

◼ ʻOku fakamanatu ki he kau mātuʻá ke nau muimui ʻi he ngaahi fakahinohino ʻoku ʻomai ʻi he Taua Leʻo ʻo Sepitema 1, 1991peesi 17-21 ʻo fekauʻaki mo ha faʻahinga pē kuo tuʻusi pe fakamavaheʻi kinautolu ʻa ia ʻoku nau hehema nai ke hoko ʻo toe fakafoki mai.

◼ Ko e malanga makehe maʻá e kakaí ki he faʻahitaʻu Fakamanatu 2004 ʻe fai ia ʻi he Sāpate, 18 ʻo ʻEpelelí. Ko e kaveinga ʻo e malangá ʻe toki fanongonongo mai ʻamui ange. Ko e ngaahi fakatahaʻanga ko ia ʻoku nau maʻu ʻa e ʻaʻahi ʻa e ʻovasia sēketí pe ko ha ʻasemipilī ʻi he fakaʻosinga uike ko iá te nau fai ʻa e malanga makehé ʻi he uike hoko maí. ʻOku ʻikai totonu ke fai ʻe ha fakatahaʻanga ʻa e malanga makehé ki muʻa ʻi he ʻaho 18 ʻo ʻEpeleli, 2004.