Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Sep. 15
“ʻI he māmani he ʻaho ní ʻoku ongoʻi ai ʻe he niʻihi ʻoku nau fihia ʻi ha nofo mali ʻoku ʻikai ʻi ai ha ʻofa. Ko fē ʻe lava ke hanga ki ai ʻa e kakai ʻi he tuʻunga ko iá ki ha tokoní? [Tuku ke ne tali.] ʻOku fakapapauʻi mai ʻe he Tohitapú kia kitautolu ko e ngaahi tefitoʻi moʻoni ʻa e ʻOtuá ʻe lava ke ne tokoniʻi kitautolu. [Lau ʻa e Aisea 48:17, 18.] Ko e ʻīsiu ko eni ʻo e Taua Leʻo ʻoku lāulea ai ki he ngaahi tefitoʻi moʻoni faka-Tohitapu ʻa ia ʻe lava ke ne ʻai ke mālohi ha nofo mali.”
Awake! Sep. 22
“ʻOku tau ofo ʻi he malava ʻa e fanga manú ke nau fetuʻutakí. Ka naʻá ke ʻiloʻi ʻoku makehe ʻi he ngaahi tafaʻaki ʻe niʻihi ʻa e tangatá? [Tuku ke ne tali. Pea lau ʻa e Sāme 65:2.] ʻI he ʻikai tatau mo e fanga manú, ʻoku tau holi ke fetuʻutaki mo e ʻOtuá. ʻOku lāulea ʻa e makasini ko ení ki he founga ʻe lava ai ke tau maʻu ha fetuʻutaki lelei mo e kakaí pea mo e ʻOtuá.”
Ko e Taua Leʻo ʻOka. 1
“Kuó ke ʻeke ʻi ha taimi, ‘Kapau ʻoku ʻofa mo mālohi fakaʻaufuli ʻa e ʻOtuá, ko e hā ʻoku ʻikai ai te ne tuʻu vahaʻa maʻá e faʻahinga ko ia ʻoku faingataʻaʻiá?’ [Tuku ke ne tali.] Kuo vavé ni ke ne fakangata ʻa e palopalema kotoa pē. [Lau ʻa e Aisea 65:17.] ʻI he lolotonga ní, ʻoku ʻikai ke vakai taʻetokanga mai ʻa e ʻOtuá lolotonga ia ʻoku tau faingataʻaʻiá, ʻo hangē ko ia ʻoku fakahaaʻi ʻe he makasini ko ení.”
ʻĀ Hake! ʻOka.-Tīs.
“Ko e tokolahi taha ʻo kitautolú ʻoku tau ʻiloʻi ha taha ʻokú ne maʻu ʻa e suká. ʻOkú ke ʻilo lahi fekauʻaki mo e mahaki ko ení? [Fakahaaʻi ʻa e takafi ʻo e makasiní, pea tuku ke ne tali.] ʻOku fakatotoloʻi ʻe he makasini ko ení ʻa e ngaahi tupuʻanga pea mo e faitoʻo ʻo e suká. ʻOku toe lāulea ai ki he talaʻofa ʻa e Tohitapú fekauʻaki mo ha faitoʻo tuʻuloa ki he ngaahi mahaki kotoa pē.” Fakaʻosiʻaki ʻa hono lau ʻa e Aisea 33:24.